Juan 11:2

Ñanderuete Ñe’ẽ Porã 2015

Ko María ningo, Lázaro reindy, oñohẽva’ekue Hesu akã rehe mba’e ryakuã porã, omyakỹ hesay reheve Hesu pykuéra ha omokãva’ekue iñakã raguépe.

Referencias Cruzadas

Márcos 14:3

Ha Hesu oĩ aja Betániape, Simon pe ileprava’ekue rógape, okaru jave, ou peteĩ kuña oguerúva imba’yru’i henyhẽva mba’e ryakuã iporãitereíva ha hepyetévagui, ha’e ojoka imba’yru’i ha oñohẽ pe mba’e ryakuã porãitéva Hesu akã rehe.

Lúcas 7:13

Ha Hesu ohechávo pe viúdape, oiporiahuverekoiterei, ha he’i ichupe: Ani rejahe’o.

Lúcas 7:19

omondo hag̃ua ichupekuéra Hesu rendápe, oporanduhávo ichupe: Nde piko upe ouva’erãva, térãpa roha’ãrõveva’erã gueteri ambuépe.

Juan 11:21

Upérõ Márta he’i Hesúpe: Ore Jára, reime rire ko’ápe che kyvy nomanoiva’erãmo’ã.

Juan 11:3

Ha Lázaro reindykuéra he’iuka Hesúpe: Ore Jára, nderayhúva ningo hasyetehína.

Juan 11:32

Ha María og̃uahẽvo Hesu rendápe, ohechávo ichupe ojeity oñesũ ipy renondépe, ha he’i Hesúpe: Ore Jára, reime rire ko’ápe nomanoiva’erãmo’ã che kyvy.

Juan 12:3

Upérõ María ojapyhy peteĩ botella’i mba’e ryakuã porãite ha hepyetéva, ha oñohẽ Hesu py rehe ha iñakã raguépe omokã ipykuéra, ha opaite hóga hyakuã porãite opytávo.

Juan 13:13

Peẽ ningo peje Che ha’eha pene mbo’ehára ha pende Jára, ha peje porã, Che ha’égui voi.

Juan 13:14

Che pene mbo’ehára ha pende Jára, pombojepyhéi ramo, peẽ avei peñombojepyheiva’erã ojupekuéra.