Juan 10:9

Ñanderuete Ñe’ẽ Porã 2015

Che ningo pe okẽ, oimeraẽva chérupi oikéva pe okẽ rupi ojesalváta ha hekove pukukue javeve ojehúta umi mba’e oikotevẽva oikove hag̃ua.

Referencias Cruzadas

Salmokuéra 95:7

Ha’e voi ningo ore Ruete. Ñande, hetãygua ñaĩ iñúme, ha ñande, ijovechakuéra ñaĩ ipópe. Pehendúrõ ko ára kóvape iñe’ẽ,

Isaías 40:11

Ku ovecha rerekua oñangareko háicha hymba aty rehe; ijyva ári ogueraháta umi ovechara’y, ha ipyti’akuápe oñongatu ichupekuéra, mborayhupópe oñangarekóta umi imembyramóva rehe.

Ezequiel 36:38

Umi ovecha hetaiterei háicha Jerusalen areteguasu aja, péicha umi táva itapereva’ekue henyhẽ jevýta hetãygua atýgui; ha oikuaáta hikuái Che ha’eha pende Ruete.

Zacarías 10:12

Ha Che amombaretéta ichupekuéra che pu’aka rupi oiko porã jevy hag̃ua, he’i pende Ruete.

Juan 10:1

Añetehápe, añetehápe ha’e peẽme: Upe oike’ỹva ovecha kora rokẽ rupi ha upe ohasáva ikorajere árinte, upéva ningo mondaha.

Juan 10:3

Ha pe oñangarekóva pe kora rokẽ rehe, oipe’áta ichupe g̃uarã pe okẽ, upérõ pe ovecha rerekua ohenóita ijovechakuérape, peteĩteĩme heratee rupi, ha ohendu ramo hikuái iñe’ẽ, Ha’e oguenohẽta ichupekuéra okápe.

Juan 10:7

Upérõ Hesu he’i jevy ichupekuéra: Añetehápe, añetehápe, ha’e peẽme: Che ningo pe okẽ ovechakuéra ohasa hag̃ua.

Juan 14:6

Hesu he’i ichupe: Che ningo pe tape, pe añetegua ha pe tekovete, avave ndaikatúi og̃uahẽ che Ruete rendápe cherehe’ỹ. Cherupímante uvei ikatu oñeg̃uahẽ Ñanderuete rendápe.

Efesoyguakuérape 2:18

Hesu Crísto rupi mokõivéva og̃uahẽ peteĩ Pytu Porãmbávape Ñanderuete rendápe.