Juan 10:7

Ñanderuete Ñe’ẽ Porã 2015

Upérõ Hesu he’i jevy ichupekuéra: Añetehápe, añetehápe, ha’e peẽme: Che ningo pe okẽ ovechakuéra ohasa hag̃ua.

Referencias Cruzadas

Salmokuéra 100:3

Peikuaa porãke Ñanderuete ha’eha pe oikóva tapia g̃uarã, Ha’e ñande apohare ha ñande, imba’eha. Ha’e oñangareko hetã rehe ha ijovecha aty rehe.

Salmokuéra 79:13

Ha ore, ne retãtee, ore nde ovechakuéra ñu megua, opaite ára ore romomba’eguasúta, ore ypykuéra guive ore ñemoñarenguéra jevy peve, ndéve ore rogueropurahéita.

Salmokuéra 95:7

Ha’e voi ningo ore Ruete. Ñande, hetãygua ñaĩ iñúme, ha ñande, ijovechakuéra ñaĩ ipópe. Pehendúrõ ko ára kóvape iñe’ẽ,

Isaías 53:6

Mayma ñandekuérava japia joaite tape porãgui ku ovecháicha, peteĩteĩva opia ha oho hape rehe; Ñanderuete katu omoĩ hi’ári (Hesu Crísto) ñane rembiapo vaikue (angaipa) repy.

Ezequiel 34:31

Ha peẽ, che ovechakuéra, Che añangarekóta penderehe pe ñu porãme, yvyariguakuéra ningo peẽ, Che katu pende Jára, he’i pende Ruete.

Ezequiel 36:38

Umi ovecha hetaiterei háicha Jerusalen areteguasu aja, péicha umi táva itapereva’ekue henyhẽ jevýta hetãygua atýgui; ha oikuaáta hikuái Che ha’eha pende Ruete.

Juan 10:1

Añetehápe, añetehápe ha’e peẽme: Upe oike’ỹva ovecha kora rokẽ rupi ha upe ohasáva ikorajere árinte, upéva ningo mondaha.

Juan 10:9

Che ningo pe okẽ, oimeraẽva chérupi oikéva pe okẽ rupi ojesalváta ha hekove pukukue javeve ojehúta umi mba’e oikotevẽva oikove hag̃ua.

Juan 14:6

Hesu he’i ichupe: Che ningo pe tape, pe añetegua ha pe tekovete, avave ndaikatúi og̃uahẽ che Ruete rendápe cherehe’ỹ. Cherupímante uvei ikatu oñeg̃uahẽ Ñanderuete rendápe.

Efesoyguakuérape 2:18

Hesu Crísto rupi mokõivéva og̃uahẽ peteĩ Pytu Porãmbávape Ñanderuete rendápe.