Juan 10:32

Ñanderuete Ñe’ẽ Porã 2015

Ha Hesu he’i ichupekuéra: Heta tembiapo porã ningo ahechaukáma peẽme che Ruetéguio, mba’eichagua tembiapo rehe piko peẽ chejukase.

Referencias Cruzadas

Salmokuéra 35:12

Che mba’eporã omyengovia hikuái mba’evaípe, oipy’apy asy hag̃ua che ángape.

Eclesiástes 4:4

Ahecha avei pe omba’apo hetáva ha osẽ porãmba ramojepe ichupe ojapóva guive, ha’e ndojohúi peteĩ angirũ (amígo), reiete oñeha’ãmbava’ekue, (hapichakuéra ipy’a rasýgui hendive).

Jeremías 37:18

Ha Jeremías he’i avei tetã ruvicha Sedequíaspe: Mba’épa ajapo vaíra’e nderehe térã ne rembiguaikuéra rehe térã ko tetã rehe, peẽ chemoinge hag̃ua cárcelpe.

Matéo 11:5

Hesatũva ohecha jevy; ijapáva oguata jevy; ijai vaíva (iléprava) ipotĩmba jevy; ijapysapéva ohendu jevy; omanova’ekue oikove jevy; ha mboriahukuérape oñemombe’u pe evangélio.

Juan 10:25

Hesu ombohovái ichupekuéra: Che ha’éma peẽme ha ndapegueroviái, umi tembiapo ajapova’aína che Ruete rérape ohechauka porã mávapa Che.

Juan 10:31

Ko ñe’ẽ kóva rehe Judayguakuéra ohupi jevy itakuéra ojuka hag̃uáicha ichupe.

Juan 10:33

Nanerembiapo porãi rehe rojukase, reñe’ẽvai haguére Ñanderuetére ha nde peteĩ kuimba’enteha, rejejapo Ñanderuete ramoguáicha.

Juan 10:37

Ndajapói ramo che Ruete rembiapo, ani chegueroviátei.

Juan 5:36

Che katu aguereko ambue techahare tuichavéva Juángui; umi tembiapo che Ru ome’ẽva’ekue chéve ajapo hag̃ua, ohechauka che Ru chembou hague.

Apostolkuéra 10:38

Ha mba’éichapa Ñanderuete omyenyhẽ Hesu Crístope Pytu Porãmbávagui ha pu’akágui, omonguera hag̃ua hasývape ha omosẽ mba’epochykuérape, opaite ko’ã mba’e ojehu Ñanderuete oĩgui Hesu Crísto ndive.

Apostolkuéra 2:22

Peẽ kuimba’e Israel peguáva, pehendu ko’ã ñe’ẽ: Ñanderuete ningo omboaje Hesu Nazaretguápe pende apytépe: Pu’aka, milagrokuéra ha umi techaukahakuéra Ha’e ojapoukava’ekue pende apytépe Hesu rupi, peẽ voi peikuaa porã ko’ã mba’e.

1 Juan 3:12

Anítei jaiko Cain oiko haguéicha, ha’e ojuka ityvyrateépe oikógui aña poguýpe. Mba’érehepa ojuka ityvýrape. Cain ojuka Abélpe, Abel hembiapo porãgui, ha Cain hembiapo vaígui voi.