Juan 10:29

Ñanderuete Ñe’ẽ Porã 2015

Che Ruete ipu’akapa ha Ha’e voi ome’ẽma chéve umi ovechakuéra, ha avavete ndoipe’amo’ãi ichupekuéra che Ruete pógui.

Referencias Cruzadas

Salmokuéra 145:3

Tuichaiterei ningo Ñanderuete ha toñemomba’eguasu ichupe hekoitépe, imburuvicha reko ndajaikuaapamo’ãi araka’eve.

Éxodo 18:11

Ko’ág̃a aikuaa Ñanderuete ituichaveha opaite ambue jarakuéragui; ipu’akágui umi oñembotuichava’ekue rehe.

Daniel 4:3

Hetaiterei techapyrã ha milágro tuicháva ojapo che rekovépe. Ipu’aka ndopamo’ãi. Hetãguasuteéva oikóta tapia g̃uarã, ha imburuvicha reko oikóta peteĩ ára atyguasu guive ambue ára atyguasu peve.

Malaquías 1:14

Toñemaldeci pe chembotavyséva, peikuave’ẽ rãngue pene rymba mácho hesãiva pende atýgui peje haguéicha, peikuave’ẽ ipotĩ’ỹva ha hasýva. Che katu pe Mburuvichaguasuetevéva, he’i ángel atykuéra Jára, ha opaite tetã okyhyje che réragui.

Juan 10:28

Ha Che ame’ẽ ichupekuéra tekove tapia g̃uarãva, ha noñehundimo’ãi máramo, ha avavete ndoipe’amo’ãi ichupekuéra che pógui.

Juan 10:30

Che ha che Ruete peteĩchánte voi.

Juan 14:28

Pehendu ningo Che ha’éma hague peẽme: Aháta, aju jevy hag̃ua avei pene rendápe. Peẽ cherayhúrõ ningo pevy’aitéta ha’e haguére ahataha che Ruete rendápe, pe Túva ningo mba’eguasuve chehegui.

Juan 17:11

Che ningo ndapytamo’ãvéi ko yvy ári, ko’ãva katu opytatahína gueteri, Che katu aháta ne rendápe. Che Ruete nde reko potĩete rasa ha hekoitépe reñangareko umi Nde reme’ẽmava’ekue chéve rehe nde réra rehehápe, oiko hag̃ua peteĩ ñe’ẽme, ñande jaiko háicha.

Juan 17:2

Nde reme’ẽ ichupe pu’aka opavave yvyariguakuéra rehe, Ha’e ome’ẽ hag̃ua ndérupi ichupekuéra pe tekove tapia g̃uarãva.

Juan 17:6

Che aikuaaukáma nde réra umi ne retãyguakuérape, Nde reme’ẽmava’ekue chéve, ha’ekuéra ojapo hag̃ua ne ñe’ẽ ha ne rembipota.

Juan 17:9

Che ajerure’aína ndéve hesekuéra, ndajeruréi ambuekuéra rehe, umi reme’ẽva rehénte chéve, ha’ekuéra ningo ne mba’e voi.

Juan 6:37

Opaite umi che Ruete ome’ẽva chéve oúta che rendápe, ha upe oúva che rendápe mba’evéicharamo namosẽmo’ãi okápe.