Juan 10:18

Ñanderuete Ñe’ẽ Porã 2015

Avave ndoipe’amo’ãi chehegui che rekove, che chejehegui voínte ame’ẽ. Che ningo areko pe pu’aka ame’ẽ hag̃ua che rekove, ha ajapyhy jevy hag̃ua.

Referencias Cruzadas

Juan 10:11

Che ningo pe ovecha rerekua añetéva. Pe terekua añeteguáva ome’ẽ hekoveteéva ijovecha rehehápe.

Juan 10:15

Che Ruete chekuaa háicha, Che aikuaa avei che Ruetépe. Che ame’ẽ che rekove che ovechakuéra rehe.

Juan 10:17

Upévare che Ruete cherayhu, Che ame’ẽ rehe che rekove, ajapyhy jevy hag̃ua.

Juan 14:31

Opaite ko’ã mba’e ojehútava guive che renonderãme, ojehu tetãyguakuéra oikuaa porã hag̃ua Che ahayhuha che Ruetépe, ha ajapopataha Ha’e he’iva’ekue guive chéve. Pepu’ã katu, ha jaha ko’águi.

Juan 15:10

Pejapo ramo che rembipota peiméta che mborayhúpe, Che voi ajapo che Ruete rembipota ha aĩ imborayhúpe.

Juan 19:11

Hesu katu ombohovái ichupe ha he’i: Mba’evéicharõ nandepu’akava’erãmo’ãi yvatéguio noñeme’ẽi rire ndéve, upévare pe nde pópe chemoĩva’ekue oñemoangaipa tuichave ndehegui.

Juan 5:26

Pe Túva oikove háicha ijehegui voínte, péicha ome’ẽ avei Ita’ýrape pe tekove (añeteguáva) oikove hag̃ua avei ijehegui.

Juan 5:30

Chejehegui rei ndaikatúi Che ajapo mba’eve, ahendu háichante aporombojovake ha che ambojovake hekoitépe, ndahekáigui che rembipota, pe chembouva’ekue rembipotánte uvei.

Juan 6:38

Che ningo aju yvágagui, ajapo hag̃ua hekópe chembouva’ekue rembipota.

Apostolkuéra 2:24

Ñanderuete katu omoingove jevy ichupe, ku kuña imembymbotáva ohasa asy háicha imemby hag̃ua, péicha Hesu ohasa asyeterei avei, umi ñemano sã jára katu ndaikatúi ojoko ichupe.

Apostolkuéra 2:32

Ñanderuete voi omoingove jevy Hesu Crístope, ha ore roikóma opaite ko’ã mba’e techahare ramo.

Apostolkuéra 3:15

ha pejuka pe tekove Járape, Ñanderuete katu omoingove jevy ichupe omanova’ekue apytégui, ha ore ningo opaite ko’ã mba’e rechaharekuéra.

Títope 2:14

Ha’e voi ome’ẽ hekove ñandesalva ha ñandepe’a hag̃ua aña reko vaígui, ñanemopotĩ ha jaiko hetã potĩva ramo ichupe g̃uarãnte, ha ñande ñanekyre’ỹve jahávo jajapo hag̃ua tembiapo porã.

hebreoyguakuerape 2:9

Opáichavo jahecha Hesúpe, Ñanderuete omomichĩve sapy’ami g̃uarãnte ijyvága rembiguaikuéragui, Ha’e omano hag̃ua, ko’ág̃a katu oñembotuicha ha oñe’ẽ porãma hese; imano rupi, Ñanderuete oiporiahuverekógui opavave tetayguakuérape.