Juan 10:16

Ñanderuete Ñe’ẽ Porã 2015

Ha Che areko avei ambue korápe che ovecharãnguéra. Che aruva’erã avei umívape, umíva ohendúta che ñe’ẽ, ambyatypáta peteĩ korapýpente, oiko hag̃ua peteĩ ovecha atyguasu ramo peteĩ ovecha rerekua poguýpente.

Referencias Cruzadas

Genesis 49:10

Avave ndoipe’amo’ãi huvicha reko ha avave ndoitymo’ãi ichupe imburuvichaguasu guapyhágui, ou peve Siloh oñeme’ẽva’erãvape ha Ha’e oguapýta imburuvichaguasu guapyhápe ha henondépe oñembyatypava’erã tetãnguérape.

Salmokuéra 86:9

Opaite tetã ne rembiapokue voi ha oupava’erã oñesũ ha omomba’eguasu hag̃ua nde réra porãite.

Eclesiástes 12:11

Umi iñarandúva ñe’ẽ ojoguaite ñuatĩ ha clávope; ko ñemoñe’ẽhára ñe’ẽ katu ojogua avei umi yvyra akuápe (poste’ípe), ovecha rerekua omoingéva yvýpe ojoko hag̃ua hóga rymba pirekueguiguáva.

Isaías 11:10

Ojehuva’erã upe ára upévape umi tetã ohekava’erã Isai rapo oñembo’y ramo ipoyvivevévaicha tetãnguérape g̃uarã, ha pe tenda Ha’e oikohápe ojajaipáta.

Isaías 43:6

Ha’éta nórtepe: Eme’ẽ jevy; ha súrpe ha’éta: Aníke rejoko avavépe, eru jevýke che ra’ykuéra mombyry guive ha che rajykuéra yvy apýra guive.

Isaías 49:6

ha he’ive chéve: Che ndoroiporavói che rembiguairãnte, Che rohenói remopu’ã hag̃ua uvei Jacóbo tribukuéra, ha remyatyrõ hag̃ua Israel rembyre; regueraha hag̃ua avei che resape ha salvacion tetãnguéra yvy apýra paha peve.

Isaías 52:10

Ñanderuete omopu’ã ijyva heko porãvape g̃uarã mayma tetãnguéra resa renondépe, ha umi yvy apýra guive ohecháta Ñanderuete pu’aka ha isalvacion.

Isaías 56:8

Pende Ruete, pendejára ombyaty jevýta Israelguakuérape oñemosarambipava’ekuépe ha he’i: Che ambojo’avéta umi oñembyatyva’ekuépema.

Ezequiel 34:12

Ku ovecha rerekua porã oikuaa háicha umi ñu ijovechakuéra isarambi haguérupi, upéicha avei Che aikuaa che ovechakuéra oĩháme, ha asalváta oñemosarambipa haguégui, ou vove pe pytũ ha ijaraipaha ára.

Ezequiel 34:23

Ha amoĩta hi’arikuéra peteĩ herekuarã; ha Ha’e oñangareko porãta hesekuéra; amopu’ãta che rembiguái Davídpe, ha ha’e oikóta iñangarekoha ramo.

Ezequiel 34:6

Okañymba che ovechakuéra cérro rupi ha umi cérro yke ijyvateha rupi; ha che ovechakuéra oñemosarambipa opaite yvy apére, ha ndaipóri avave ohekáva térã oñangarekóva hesekuéra,

Ezequiel 37:22

ha ajapóta ichuguikuéra peteĩ tetãnte Israel cérrope, ha peteĩ tetã ruvicha añónte oisãmbyhyva’erã ichupekuéra; ha araka’eve ndoikomo’ãvéima mokõi tetã ramo ha araka’evéma noñemboja’oveiva’erã hikuái.

Ezequiel 37:24

Che rembiguái David oikóta hetã ruvicha ha herekua ramo, upérõ iñe’ẽrendúta ha hekoitépe ojapopáta hikuái che rembiapoukapykuéra.

Oséas 1:10

Upéicharamo jepe og̃uahẽta katuete pe ára Israel ra’ykuéra oñemboheta jevýta yvyku’i yguasu rembe’y peguáicha, ndaikatúiva oñeha’ã térã ojepapa. Ko’ág̃a oje’e peẽ ndaha’eveimaha che retãteéva, og̃uahẽ jevýta katuete pe ára oje’etaha peẽme: Peẽ pende Ruete oikovéva ra’ykueraha.

Zacarías 2:11

Ha heta tetã ojoajuva’erã pende Ruete ndive upe ára upévape, ha oikóta hikuái avei che retã ramo, ha Che aikóta ijapytepekuéra, upéramo peikuaáta ángel atykuéra Jára chembou hague pene rendápe.

Matéo 17:5

Ha oñe’ẽ jave gueteri ou peteĩ arai omimbipáva ha oñu’ã ichupekuéra; ha peteĩ ñe’ẽpu ou pe arai guive he’íva: Kóva ningo che Ra’y ahayhuetéva ha chembopy’arorýva, pehendúke ichupe.

Lúcas 15:8

Térã moõpa oĩ peteĩ kuña oguerekóva 10 pláta pehẽnguemi, ha okañy ramo ichugui peteĩpa, nomyendyichénepa hataindy oitypei hag̃ua hóga ha oheka kyre’ỹme ojohu peve pe okañyva’ekue ichugui.

Juan 10:11

Che ningo pe ovecha rerekua añetéva. Pe terekua añeteguáva ome’ẽ hekoveteéva ijovecha rehehápe.

Juan 10:2

Upe oikéva hokẽ rupi, upéva ningo hína pe ovecha rerekua añeteguáva.

Juan 10:27

Che ovechakuéra ohendu katuete che ñe’ẽ ha che aikuaa porã ichupekuéra, ha ha’ekuéra oñemboja che rendápe oho hag̃ua che rapykuéri Che ahasehápe.

Juan 10:3

Ha pe oñangarekóva pe kora rokẽ rehe, oipe’áta ichupe g̃uarã pe okẽ, upérõ pe ovecha rerekua ohenóita ijovechakuérape, peteĩteĩme heratee rupi, ha ohendu ramo hikuái iñe’ẽ, Ha’e oguenohẽta ichupekuéra okápe.

Juan 10:4

Ha oguenohẽmbávo pe korágui, Ha’e ohóta henonderãnguéra, ha ijovechakuéra ohóta hapykuéri oikuaágui iñe’ẽ.

Juan 10:5

Oikuaa’ỹva rapykuéri ndohomo’ãi, okañyva’erã uvei ichugui, ndoikuaáigui iñe’ẽ.

Juan 11:52

ha ndaha’éi Israelguakuéra rehénte, ombyaty hag̃ua avei Ñanderuete ra’y ha rajykuéra oikóva guive ko yvy apére opaite tetãnguéra apytégui.

Juan 17:20

Ndajeruréi katu hesekuéra añónte, ajerure avei umi ojeroviátava nderehe iñe’ẽnguéra rupi.

Juan 6:37

Opaite umi che Ruete ome’ẽva chéve oúta che rendápe, ha upe oúva che rendápe mba’evéicharamo namosẽmo’ãi okápe.

Apostolkuéra 15:14

Simon Pédro ningo omombe’úma mba’éichapa Ñanderuete oñandu avei tetã ambueyguakuérape, ohupity hag̃ua avei ijapyteguikuéra hetãrã.

Apostolkuéra 18:10

Che aĩgui nendive, ha avave ndojapomo’ãi nderehe mba’evai, che areko heta ojeroviátava cherehe ko táva kóvape.

Apostolkuéra 22:14

Ha he’ive chéve: Ñanderuete ndeporavo reikuaa hag̃ua hembipota, ha rehecha hag̃ua pe Heko porãvape, ha rehendu hag̃ua iñe’ẽ ijuruteégui.

Romayguakuérape 11:25

Che hermanokuéra, aipota peẽ peikuaa porã ko mba’e ñemi kóva: Ani peẽ peimo’ã penearanduha: Israel retã oñembopy’a hatãta oikepa peve opaite tetã ambueyguakuéra apytégui umi ojesalvava’erãvante.

2 Tesalonicayguakuérape 2:13

Ore roagradeceva’erã tapia Ñanderuetépe penderehe, ore hermanokuéra, Hesu Crísto ohayhúvape, Ñanderuete pendeporavógui ñepyrũ guive isalvaciónpe g̃uarã, pe Pytu Porãmbáva penemboheko porãgui ha peẽ peguerovia haguére pe añetegua.

hebreoyguakuerape 13:20

Ñanderuete, pe py’aguapy Jára, omoingove jevymava’ekue Hesu Crístope omanóva apytégui, Hesu Crísto ningo pe ovecha rerekuaguasu ha huguytee rupi Ha’e ñanembopy’apeteĩ jevy Ñanderuete ndive,

1 Pédro 2:10

Yma peẽ ndaha’éi gueteri peteĩ tetã, ko’ág̃a katu peiko Ñanderuete retã ramo. Yma noñeme’ẽi peẽme iporiahuvereko peteĩ jopói ramo, ko’ág̃a katu oñeme’ẽma peẽme.

1 Pédro 2:25

Peẽ peikova’ekue ku ovecha kañymbyréicha, ko’ág̃a katu pejevýma pende rerekua rendápe, Ha’e oñangareko hag̃ua pene ánga rehe.

1 Pédro 5:4

Ha Hesu Crísto ningo pe ovecha rerekuaguasu, ojehechaukaha árape oñeme’ẽta peẽme peteĩ akã jeguaka (coróna) heko jajaipa reheguáva oñembyai’ỹva máramo.

Apocalípsis 3:20

Ema’ẽ porãke, Che añembo’yha’aína ne rokẽme ha ambota’aína (aikeségui). Oimeraẽ ohendúva Che ñe’ẽ ha oipe’áva hokẽ, aikéta hendápe akaru hag̃ua hendive, ha ha’e chendive.