Juan 10:12

Ñanderuete Ñe’ẽ Porã 2015

Ha peteĩ tembiguái katu ndaha’éiva terekua porãva ha umi ovecha naimba’éigui avei, ohechávo ou pe aguaraguasu, oheja rei umi ovecha ha okañy, ha pe aguaraguasu ogueraha ha omosarambipa umi ovecha.

Referencias Cruzadas

Matéo 10:16

Peikuaa porãke, Che pomondoha ku ovecháicha aguaraguasu apytépe; upévare penearanduva’erã mbóicha ha pendereko potĩva’erã pykasúicha.

Matéo 7:15

Peñeñangarekóke umi proféta gua’úgui, oúva pene rendápe ovecha ramóicha, ipy’apýpe katu aguaraguasu ñarõicha.

Juan 10:13

Upéicha ojapo pe tembiguái omba’apóva pirapire rehe, ndojepy’apýigui umi ovecha rehe.

Juan 10:2

Upe oikéva hokẽ rupi, upéva ningo hína pe ovecha rerekua añeteguáva.

Juan 10:3

Ha pe oñangarekóva pe kora rokẽ rehe, oipe’áta ichupe g̃uarã pe okẽ, upérõ pe ovecha rerekua ohenóita ijovechakuérape, peteĩteĩme heratee rupi, ha ohendu ramo hikuái iñe’ẽ, Ha’e oguenohẽta ichupekuéra okápe.

Apostolkuéra 20:29

Che aikuaa voi, aha rire, oiketaha pende apytépe aguaraguasu ñarõ ha ndoheja reimo’ãi Hesu Crísto iglésia.

1 Timotéope 3:3

ndoka’uiva’erã, noporonupãiva’erã, ipy’a porãva’erã uvei, noñorãirõseiva’erã, ipirapire rayhu’ỹva’erã,

1 Timotéope 3:8

Umi pytyvõhára (diácono) heko potĩva’erã, anítei iñe’ẽmokõi, anítei ho’u heta víno térã ambue mba’e omonga’ukuaáva ichupe, anítei ohayhu ha oheka hekope’ỹ pirapire.

2 Timotéope 4:10

Démas opoíma chehegui, ohayhuvégui ko yvyarigua mba’e, ha oho Tesalónicape; Crescénte ohóma Galáciape, ha Títo, Dalmáciape.

Títope 1:7

Pe karai anciáno oikova’erã iglesiaygua rerekua añetegua ha heko peguáva ramo, anítei ha’e ojapo ha’e voi oipota háichante, anítei ipochy, anítei oka’u, anítei oporonupã ha anítei ipirapire rayhu,

1 Pédro 5:2

Peñangareko porãke Ñanderuete ovecha aty rehe, ani pejopy ichupekuéra, py’aporã reheve uvei, ha vy’apópe peneñe’ẽrendu Ñanderuete rembipotápe. Ani peiko ijovecha rerekua ramo pirapire rehehápe.

2 Pédro 2:3

Pláta potágui ha’ekuéra oipytéta pende ruguy, iñe’ẽ japu rupi penembotavýta; Ñanderuete katu ombojovakéma yma guive ichupekuéra, ha katuete oñehundiva’erã hikuái.