Juan 1:45

Ñanderuete Ñe’ẽ Porã 2015

Ha Felípe ojohu Natanaélpe ha he’i ichupe: Rojohu ningo pe kuimba’épe, Moises ha profetakuéra he’imava’ekue outaha: Hesu, Jose ra’y, Nazaret pegua.

Referencias Cruzadas

Genesis 22:18

Nde ra’y rupi ovy’aiteva’erã opaite yvy ape arigua tetãnguéra, rejapo haguére che ñe’ẽ.

Genesis 3:15

Ha oikóta ñorãirõme kuña ha iñemoñare ha ne ñemoñare apytépe; ha’ekuéra omongu’íta ne akã ha nde reisu’úta ichupekuéra ipytápe.

Genesis 49:10

Avave ndoipe’amo’ãi huvicha reko ha avave ndoitymo’ãi ichupe imburuvichaguasu guapyhágui, ou peve Siloh oñeme’ẽva’erãvape ha Ha’e oguapýta imburuvichaguasu guapyhápe ha henondépe oñembyatypava’erã tetãnguérape.

Isaías 4:2

Upe ára upévape Ñanderuete ombohokýta hakã porã ojajaipáva, ha Israel retã oñembotuicháta ha oñemoherakuã porãta, ombovy’a hag̃ua Israelguakuéra hembýva guivépe.

Isaías 53:2

Ha’e okakuaa henondépe ku mba’e roky pyahúicha, ha yvyra rapóicha yvy perõme, Ha’e naiporãi ha ndoguerekói ijehe mba’e iporãva ñama’ẽ hag̃ua hese. Hova ha hete rehe ndaipóri mba’eve iporãva ñande jaipotaiterei hag̃uáicha.

Isaías 7:14

Upévare Ñanderuete voi ohechaukáta peẽme mba’e techaukaharã: Péina ápe pe kuñataĩ oiko’ỹva kuimba’e ndive hyeguasúta, ha imembýta peteĩ mitãkuimba’e, ha oñembohérata ichupe Emanuel.

Isaías 9:6

Peteĩ mitãkuimba’e onacéta ñandéve ko yvy apére, peteĩ ta’ýra oñeme’ẽta ñandéve, ha ijati’y ári oĩta mburuvicha pu’aka, ha oñembohérata ichupe: Mbojovakehára heko peguáva, Jára ipu’akapáva, Ipy’aguasúva, Túva tapia g̃uarãva ha Mburuvicha py’aguapy reheguáva.

Miquéas 5:2

Belen, Efráta pegua, nde ningo pe táva michĩvéva Juda tavakuéra apytépe, ndehegui katu osẽta Israel retã ruvichaguasurã oikómava ijypy guive.

Zacarías 6:12

Ha reñe’ẽta ichupe, erévo: Péicha he’i ángel atykuéra Jára: Péina ápe pe kuimba’e hérava Hoky pyahúva, hi’árape hokytavahína, omopu’ãta Ñanderuete rogaguasu.

Zacarías 9:9

Evy’aitékena, Sion rajy, epurahéi vy’apópe, Jerusalen rajy, péina ápe ne retã ruvicha (Hesu Crísto) oúta ne rendápe nde Salvador ramo ijustícia reheve, Ha’e oñemomirĩta ha oúta peteĩ búrro ra’yrusu ári.

Matéo 10:3

Felípe ha Bartolome, Tomas ha Matéo, pe impuésto mbyatyhára; Jacóbo, Alféo ra’y, ha Tadéo;

Matéo 13:55

Kóva piko ndaha’éi pe carpintéro ra’y. Isy piko ndahérai María, ha ityvyrakuéra piko ndaha’éi Jacóbo, Jose, Simon ha Júdas.

Matéo 2:23

Ha oho pe távape hérava Nazaret, oiko hag̃ua pe proféta he’iva’ekue: Oñemboherava’erã ichupe Nazaretgua (Isaías 11,1; 53,2).

Matéo 21:11

Ha hetãyguakuéra he’i: Kóva ningo pe proféta Hesu, Nazaret, Galiléa pegua.

Márcos 14:67

Ha ohechávo Pédrope ojepe’ehahína, oma’ẽ hese ha he’i: Nde ningo reimékuri avei Hesu Nazaretgua ndive.

Márcos 6:3

Ndaha’éi piko kóva upe carpintéro Jose ha María memby, Jacóbo, Jose, Júdas ha Simon ryke’y. Ha noĩri piko ñande apytépe heindykuéra. Ha oñepysãnga hikuái hese.

Lúcas 18:37

Ha oje’e ichupe Hesu Nazaretgua ohasaha ohovohína.

Lúcas 2:4

Upévarehe Jose oho avei Nazaret, Galiléa peguágui, Belen, David távape, opytáva Juda departaméntope, ha’égui David ñemoñare ha Juda tribuguágui.

Lúcas 2:48

Jose ha María ohechávo ichupe ipy’andýi opytávo, ha isy he’i ichupe: Che memby, mba’érehe piko rejapo péicha orerehe, eikuaa porãke, heta jepy’apýpe ningo ore rohekaroína.

Lúcas 24:27

Ha upéi oñepyrũ omyesakã porã hag̃ua ichupekuéra Moises guive opaite profetakuéra peve, ohechauka porãvo opaite mba’e ojehaiva’ekue Crísto rehe Ñanderuete kuatiañe’ẽme.

Lúcas 24:44

Ha Hesu he’i ichupekuéra: Ko’ãva ningo umi ñe’ẽ Che ha’eva’ekue peẽme, aime ramo gueteri penendive, oikopava’erã hekópe opaite umi mba’e ojehaiva’ekue guive cherehe Ñanderuete kuatiañe’ẽme, taha’e Moises rembiapoukapykuérape, profetakuérape térã Salmokuérape.

Lúcas 3:23

Ha Hesu oñepyrũvo hembiapo oguereko 30 áño rupi. Ojeguerovia ningo, oje’e háicha, Hesu Jose ra’yha, ha Jose Eli ra’yre,

Lúcas 4:22

Ha opaite ohendúva guive iñe’ẽ ovy’aite hendive ha oñe’ẽ porã hese he’ívo: Ndaha’éi piko kóva Jose ra’y.

Juan 1:44

Ko Felípe, oiko avei Betsáidape, Andres ha Pédro oikohápe.

Juan 12:21

Ko’ãva oñemboja Felípe rendápe, ha’e ningo peteĩ Betsaidaygua opytáva Galiléape, ha ojerure ichupe, he’ívo: Karai, ore rohechasemi Hesúpe.

Juan 14:8

Upérõ Felípe he’i Hesúpe: Ore Jára, ehechaukána oréve nde Ruetépe, ha ovalétama oréve.

Juan 18:5

He’i hikuái ichupe: Hesu Nazaretguápe. Upérõ Hesu he’i ichupekuéra: Che voi ningo. Ha Júdas, pe otraicionáva, omoirũ ichupekuéra.

Juan 18:7

Hesu katu oporandu jevy ichupekuéra: Mávape piko peheka. Ha ha’ekuéra ombohovái: Hesu Nazaretguápe.

Juan 19:19

Piláto ohaiuka ha omoĩuka Hesu kurusúre: Hesu Nazaretgua, Juda retã ruvicha.

Juan 21:2

Oĩ hikuái oñondive Simon Pédro ha Tomas, ojehérova Kõingue, ha Natanael, peteĩ Canaygua, Galiléa departaméntogui, ha Zebedéo ra’ykuéra, ha mokõi ambue hemimbo’ekuéra.

Juan 6:42

Ha he’i hikuái: Kóvapa ndaha’éi Jose ra’y. Jaikuaa ningo itúva ha isýpe, mba’éicha rupi piko Ha’e ikatu he’i: Che aguejy yvágagui.

Juan 6:5

Hesu ojesaupívo ohecha oumaha hendápe hetaiterei hetãygua, upémarõ he’i Felípepe: Moõguipa ikatu jajogua pan ñamongaru hag̃ua ko’ã tapichaitápe.

Juan 6:7

Ha Felípe ombohovái ichupe: 200 ára tembiapo repy ndohupitymo’ãi jajogua hag̃ua peteĩteĩme michĩmínte jepe ho’u hag̃ua, hetaitereígui hikuái.

Apostolkuéra 10:38

Ha mba’éichapa Ñanderuete omyenyhẽ Hesu Crístope Pytu Porãmbávagui ha pu’akágui, omonguera hag̃ua hasývape ha omosẽ mba’epochykuérape, opaite ko’ã mba’e ojehu Ñanderuete oĩgui Hesu Crísto ndive.

Apostolkuéra 2:22

Peẽ kuimba’e Israel peguáva, pehendu ko’ã ñe’ẽ: Ñanderuete ningo omboaje Hesu Nazaretguápe pende apytépe: Pu’aka, milagrokuéra ha umi techaukahakuéra Ha’e ojapoukava’ekue pende apytépe Hesu rupi, peẽ voi peikuaa porã ko’ã mba’e.

Apostolkuéra 22:8

Ha che ambohovái: Karai, máva piko nde. Upévo ha’e he’i chéve: Che ningo Hesu Nazaretgua pe nde reperseguíva reikóvo.

Apostolkuéra 26:9

Che voi añemoĩva’ekue avei ko Hesu Nazaretgua rehe.

Apostolkuéra 3:6

Pédro katu he’i ichupe: Pláta ha óro ndaguerekói, pe aguerekóva katu ame’ẽta ndéve: Hesu Crísto, Nazaretgua rérape, eguata.