Juan 1:29

Ñanderuete Ñe’ẽ Porã 2015

Ambue árape ha’e ohecha Hesu Crístope, ouvahína hendápe, ha Juan he’i: Pema’ẽ porãke, péva ningo Ñanderuete Ovecha Ra’y oipe’áva tetãyguakuéra angaipa.

Referencias Cruzadas

Éxodo 28:38

péva oĩta Aaron syva rehe, péicha Aaron ogueraháta Israel ñemoñarenguéra angaipa ojapova’ekue Ñanderuete renondépe, Aaron ojerure hag̃ua perdon ikuave’ẽmby rupi Israelguakuéra rehehápe; tapiaite oĩva’erã isyva rehe ohupity hag̃ua perdon pende Ruetégui.

Isaías 53:10

Upeichavéramo jepe, Ñanderuete oipy’apy ichupe, oñapytĩ ichupe jehasa asy poguýpe. Ha ikuave’ẽmby heko potĩ rupi Ha’e omoingove yvyariguakuérape, Ha’e ohecháta iñemoñare oikove pukútaha, ha Ñanderuete rembipota ojejapopáta hekoitépe Ha’érupi.

Isaías 53:11

Hi’ánga ohasa asyete rire Ha’e ohecháta hembiapo hi’a porã, ha ovy’áta ikuave’ẽmby porã rupi. Ha’e, pe Heko potĩva omopotĩ heta yvyariguápe hembiapo vaígui ha umía Ha’e voi ogueraháta ijapére.

Isaías 53:7

Oñembosarái ramojepe hese ha Ha’e oipy’apy vaiete ramojepe, Ha’e ndoipe’ái ijuru, ku ovecha ra’yrusúicha ojegueraháva ojejuka hag̃uáme okirirĩete avei; ha ku ovecha oĩ háicha iñapĩhanguéra renondépe, okirirĩete ha ndojejurupe’ái.

Oséas 14:2

Peñembyasyete pejapo vai haguére ha pejevy pende Ruete rendápe, ha peje ichupe: Emopotĩ ore rembiapo ky’a ha ejapyhy jevy ore ñemomba’eguasu rome’ẽséva ore kuave’ẽmby rendápe.

Levítico 10:17

Mba’éguipa ndape’úira’e pe kuave’ẽmby angaipa reheguágui tenda oñemboykéva pende Ruetépe g̃uarã, imba’égui péva, Ha’e ome’ẽ peẽme pegueraha hag̃ua Israel aty angaipa oñemoĩ porã jevy hag̃ua Ñanderuete ndive.

Zacarías 13:1

Upe ára upévape oĩta peteĩ yvu David ñemoñarenguéra ha umi Jerusalenguápe g̃uarã, ojohéi hag̃ua hi’angaipa ha hembiapo vai.

Números 18:1

Ñanderuete he’i Aarónpe: Nde, nde ra’ykuéra ha ne ñemoñarenguéra, peẽ pegueraháta pendeári opaite angaipa ojejapóva pe óga jojohuhápe ha peẽ pegueraháta avei pendejehe opaite angaipa peẽ voi pejapóva.

Números 18:23

Leviguakuéra katu ojapóta pe óga jojohuha rembiapo ha ha’ekuéra ogueraháta ijehe hi’angaipa avei; kóva peteĩ tembiapoukapy opaite árape g̃uarã pene ñemoñarenguérape g̃uarã: Leviguakuéra ndoguerekoiva’erã yvy lóte Israel ñemoñarenguéra apytépe.

Números 21:9

Ha Moises ojapo peteĩ mbói bróncegui ha omoĩ peteĩ yvyra puku rehe; ha umi ojesu’uva’ekue oma’ẽvo pe mbói bronceguigua rehe okuera.

Números 7:27

peteĩ tóro ra’yrusu, peteĩ ovecha mácho, peteĩ ovechara’y, oguerekóva peteĩ áño, kuave’ẽmby ojehapypátava,

Números 7:39

peteĩ tóro ra’yrusu, peteĩ ovecha mácho, peteĩ ovechara’y, oguerekóva peteĩ áño, kuave’ẽmby ojehapypátava,

Matéo 1:21

Ha’e imembýta peteĩ mitãkuimba’e ha herava’erã Hesu, Ha’e osalvátagui hetãyguakuérape iñangaipágui (ipecadokuéragui).

Matéo 20:28

Yvyarigua Ra’y ndoúi haguéicha oporojokuái hag̃ua, ou uvei oiko hag̃ua tembiguái ramo ha ome’ẽ hag̃ua hekove heta rehehápe.

Juan 1:35

Ambue árape Juan ha mokõi hemimbo’ekuéra og̃uahẽ jevy upépe,

Juan 1:36

ha ohechávo hikuái, Hesu Crísto ohasaha upérupi Juan he’i: Pema’ẽ porãke, péva ningo Ñanderuete Ovecha Ra’y.

Juan 1:43

Ára ambuépe Hesu Crísto ohokuévo Galiléape ojohu Felípepe ha he’i ichupe: Eju che rapykuéri, chemoirũ hag̃ua.

Juan 2:1

Ha mbohapy ára haguépe oiko menda pe táva Cana, Galiléa peguápe ha upépe oĩ avei Hesu sy.

Juan 3:16

Ñanderuete ohayhuetégui opaite tetãyguakuérape Ha’e ome’ẽ Ita’ýra peteĩetévape, opaite ojeroviáva guive hese ani hag̃ua oñehundi, oguereko hag̃ua uvei pe tekove tapia g̃uarãva.

Juan 4:42

ha upévare he’i hikuái pe kuñáme: Ko’ág̃a ndaha’evéima ne ñe’ẽ rehe rojeroviáva ore voi katu, rohendu haguére ichupe, ha roikuaáma kóva ha’eha tetãyguakuéra Salvador, pe Crísto añeteguáva.

Juan 6:51

Che ningo pe pan oporomoingovéva ha oguejyva’ekue yvágagui, upe ho’úva ko pan oikovéta tapiaite, ko pan che ame’ẽtava yvyariguakuéra rekoverã rehehápe, che ro’oite voi ningo.

Apostolkuéra 13:39

Hesu Crísto rupínte oimeraẽ ojeroviáva guive hese ojesalvava’erã.

Apostolkuéra 8:32

Ha kóa ningo pe ñe’ẽ ha’e omoñe’ẽva: Ovecháicha ningo ojegueraha ichupe ojejuka hag̃ua ha ovecha ra’ýicha okirirĩ iñapĩhára pópe, upéichante Ha’e ndoipe’ái avei ijuru.

1 Corintoyguakuérape 15:3

Che ambohasánte peẽme umi ñe’ẽ oñeme’ẽva’ekue chéve raẽ ha ojehai háicha Ñanderuete kuatiañe’ẽme: Hesu omano hague ñande reko vai rehe, (Isaías. 53),

2 Corintoyguakuérape 5:21

Ñanderuete ñanderayhúgui omoĩ Hesu Crísto ári ñane angaipa, jahupity hag̃ua Hesu Crísto rupi pe teko ipotĩva ha ovaléva Ñanderuete renondépe.

Galaciayguakuérape 1:4

Hesu Crísto oñeme’ẽva’ekue ojupe ñane rembiapo vai rehehápe, ñandepe’a hag̃ua ko ára atyguasu vaígui, Ñanderuete rembipota porã rupi.

Galaciayguakuérape 3:13

Hesu Crísto ningo ñandejoguáma tembiapoukapy maldicion rehegua poguýgui, ñane maldicion ho’águi hi’ári. Ha upévare Ñanderuete kuatiañe’ẽme he’i: Oñemaldecíma opavave oñemosãingóvape yvyra rehe, (Deuteronómio 21,23).

1 Timotéope 2:6

Ha’e voi oñeme’ẽ kuave’ẽmby ramo ñandepe’a hag̃ua Satana poguýgui, ha péva oñemoherakuãva’erã tetãnguérape Ha’e ou jevy peve.

Títope 2:14

Ha’e voi ome’ẽ hekove ñandesalva ha ñandepe’a hag̃ua aña reko vaígui, ñanemopotĩ ha jaiko hetã potĩva ramo ichupe g̃uarãnte, ha ñande ñanekyre’ỹve jahávo jajapo hag̃ua tembiapo porã.

hebreoyguakuerape 1:3

Hesu Crísto rupi ojehecha Ñanderuete reko jajaipa ha Hesu Crísto rupi Ñanderuete ohechauka avei mba’éichapa Ha’ehína. Hesu Crísto ningo ojokohína ko múndope (univérsope) ojejapóva guive iñe’ẽ pu’aka rupi. Hesu Crísto ombopoguyva’ekue angaipa pu’aka, ha oguapyhína ko’ág̃a yvágape Ñanderuete akatúape.

hebreoyguakuerape 2:17

Upévare Hesu ojogua raẽva’erã opaite mba’épe iñermanokuérape ikatu hag̃uáicha oiko ichugui pa’iguasu añeteguáva ha oporoporiahuverekóva, ha oipe’a hag̃ua tetãyguakuéra angaipa imano rupi.

hebreoyguakuerape 9:28

péicha avei Hesu Crísto oñekuave’ẽma peteĩ jevýnte ogueraha hag̃ua heta angaipa; Ha’e ou jevývo ndoumo’ãvéima ogueraha hag̃ua kuimba’ekuéra ha kuñakuéra angaipa, ou jevyva’erã uvei ogueraha ha osalva hag̃ua umi oha’ãrõvape ichupe.

1 Pédro 1:19

Ha’e ñandejoguava’ekue Hesu Crísto ruguy porãite rupínte, ijovecha ra’y imarã’ỹ ha oñemongy’a’ỹvaicha.

1 Pédro 2:24

Hesu Crísto oguerahava’ekue hetére ñane rembiapo vai kurusúre, ñande ñamano hag̃ua tembiapo vaípe g̃uarã ha jaiko justíciape g̃uarã. Ijekutukue rupi ningo peẽ pekuera.

1 Pédro 3:18

Hesu Crísto ohasa asyeteva’ekue peteĩ jevy (ñane) angaipa rehehápe, pe Heko porãitéva ñane angaipavóra rehehápe, ñandegueraha hag̃ua Ñanderuete rendápe; añetehápe ho’o omano, Ipytu Porã katu oñemoingove jevy.

1 Juan 2:2

Ha’e ningo pe kuave’ẽmby ñanembopy’apeteĩ jevýva Ñanderuete ndive, oipe’ávo ñane rembiapo vaikue, ha nañaneangaipái año ñanerembiapo vai, opavave yvyarigua hembiapo vai avei.

1 Juan 3:5

Peẽ ningo peikuaa voi, Hesu Crísto ojehechauka hague oipe’a hag̃ua ñane rembiapo vaikue, ipype ndaipórigui angaipa (tembiapo vai).

1 Juan 4:10

Pe mborayhu añeteguáva ou Ñanderuetégui, ha péicha ojehechauka ñandéve: Nañande raẽi jahayhu Ñanderuetépe, Ha’e raẽ uvei ñanderayhu, omboúvo Ita’ýra operdona hag̃ua ñane rembiapo vaikue (angaipa).

Apocalípsis 1:5

ha Hesu Crístogui, pe techahare heko peguáva ha pe oiko jey tenonde omanóva apytégui ha pe oikóva yvy ruvichaitevéva ramo tetã ruvichakuéra apytépe. Ha’e voi ningo ñanderayhuvahína ha ñandejoheiva’ekue ñane angaipágui huguytee rupi.

Apocalípsis 12:11

Ha’ekuéra ombopoguy katu ichupe pe Ovechara’y ruguy rupi, ha omyasãi porã haguére Hesu Crísto iñe’ẽ ha hekove rupi, ha nahakate’ỹi hekovekuéra rehe, tekotevẽ ramojepe omano Hesu Crísto rehehápe.

Apocalípsis 13:8

Ha opaite yvyarigua oikóva guive yvy apére, ha héra ndojehaíriva pe Ovechara’y kuatiañe’ẽ tekove reheguápe, omomba’eguasúta upe mymba upévape. Ha péva ojehaipáma voi ko kuatiañe’ẽ kóvape, ko yvy tuichakue ojejapo mboyve guive.

Apocalípsis 14:1

Ha ama’ẽvo, péina ahecha pe Ovechara’y oñembo’ýva cérro Sion ári ha hendive oĩ 144.000 yvyarigua oguerekóva pe Ovechara’y ha Ñanderuete réra isyva rehe.

Apocalípsis 14:10

upéva ho’uva’erã avei Ñanderuete váso pochy rehegua víno iróva reheve, ha ojehe’a’ỹva mba’eve reheve, ombohasa asyete hag̃ua tata ha azúfrepe, umi yvága rembiguái heko porãva ha Ovechara’y renondépe.

Apocalípsis 14:4

Ko’ãva noñemongy’aiva’ekue ambue jára (gua’u) (kuña reko vai) ndive ha araka’eve ndopoíri ijeroviágui, ojerovia porã uvei Ñanderuete rehe. Ko’ãva oho pe Ovechara’y rapykuéri Ha’e ohohápe, ko’ãva ningo ojejogua tenondeva’ekue tetãyguakuéra apytégui Ñanderuete ha Ovechara’ýpe g̃uarã.

Apocalípsis 15:3

Ha ha’ekuéra opurahéi, Ñanderuete rembiguái Moises purahéi ha pe Ovechara’y purahéi he’ívo hikuái: Ituicha ha iporãite ne rembiapokue, Nde, ore Ruete, Nde ningo pe Ipu’akapáva, Nde rapekuéra añete ha hekópe, Nde ningo tetãnguéra ruvichaguasuete.

Apocalípsis 17:14

Ha’ekuéra oñorãirõta pe Ovechara’y ndive, Ha’e katu ombopoguýta ichupekuéra, Ha’e voi ningo jarakuéra Jára, ha mburuvichakuéra Ruvichaguasuete, ha umi hendive oĩva, Ñanderuete ohenoimava’ekue, Ha’e oiporavova’ekue avei ha oha’ãrõva mborayhupópe Ha’e ou jevy peve.

Apocalípsis 19:7

Javy’a ha ñanderorýke, ñamboete ichupe og̃uahẽháre pe Ovechara’y (Hesu Crísto) omendaha ára, ha hembirekorã (ijiglésia) oñembosako’ipáma.

Apocalípsis 19:9

Ha pe yvága rembiguái he’i chéve: Ehai: Ovy’aite umi oñehenóiva (oñeconvidáva), pe Ovechara’y menda karuguasúpe (céna del Señor) g̃uarã. Ha ha’e he’ive chéve: Ko’ã Ñanderuete ñe’ẽ ningo añete ha katuete oikopáta.

Apocalípsis 21:14

Pe tavaguasu tápia oguapy 12 itaguasu ári, peteĩteĩ ko’ã itaguasúre ojehai peteĩ apóstol réra.

Apocalípsis 21:27

Ha ndoikemo’ãi ipype mba’eve iky’áva, hembiapo vaíva térã ijapúva, umi héra ojehaívante pe Ovechara’y tekovete rehegua kuatiañe’ẽmente oikéta ipype.

Apocalípsis 21:9

Ha ou che rendápe peteĩ yvága rembiguái umi 7 ángel apytégui, ipopekuéra oĩva’ekue umi 7 ña’ẽmbe henyhẽva umi 7 plága pahaguiguáva ha he’i chéve: Eju ahechaukáta ndéve pe tembirekorã, pe Ovechara’y rembireko.

Apocalípsis 5:6

Ha ahecha pe guapyhaguasu ha umi irundy tekove oikovéva ha umi 24 karai anciáno mbytépe oñembo’yvahína peteĩ Ovecha ra’y ojejukava’ekuéicha, Ha’e 7 hatĩ ha 7 hesa, ko’ãva ningo 7 Ñanderuete Pytu Porãite oñemboúva opaite yvy ape ári.

Apocalípsis 5:8

Ha’e orecibívo pe kuatiañe’ẽ umi irundy tekove oikovéva ha umi 24 karai anciáno ojeity pe Ovechara’y renondépe ha peteĩteĩ umi karai anciáno oguereko ipópe peteĩ mbarakaguasu ha peteĩ váso oroguiguáva henyhẽva mba’e ryakuã porãgui, ko’ãva ningo umi heko potĩva ñembo’e.

Apocalípsis 6:1

Ha ahecha pe Ovechara’y oñepyrũ ramo oipe’a pe ta’ãnga jopyha peteĩha, ha upevove ahendu peteĩva umi irundy tekove oikovéva apytégui he’írõ arasunu ñe’ẽpúpe: Eju.

Apocalípsis 6:16

ha he’i hikuái umi cérro ha itaguasúpe: Pe’ána ore’ári ha oreñomi pe Oguapyvahína guapyhaguasu ári rovágui ha pe Ovechara’y pochýgui.

Apocalípsis 7:14

Ha che ambohovái ichupe: Che jára, nde ningo reikuaa. Ha ha’e he’i chéve: Ko’ãva ningo umi ouva’ekue upe jehasa asyguasúgui, ha’ekuéra ojohéi ha omomorotĩva’ekue ijaokuéra pe Ovechara’y ruguýpe.

Apocalípsis 7:17

Pe Ovechara’y oĩva pe guapyhaguasu mbytépe omongaru ha omboy’úgui ichupekuéra pe yvu oporomoingovévagui ha Ñanderuete omokã opaite tesay hesaguikuéra.