Juan 1:18

Ñanderuete Ñe’ẽ Porã 2015

Avave ndohechái máramo Ñanderuetépe, Ita’ýra peteĩeténte, pe Jára oĩva Ñanderuetepype, Ha’e (Hesu) mante oikuaauka ñandéve Itúvape.

Referencias Cruzadas

Genesis 16:13

Upéramo Agar ome’ẽ peteĩ téra pyahu pe yvága járape, hendive oñe’ẽva: “Nde, che Ruete, cherecháva”. Ha he’ive: “Ahecha ko’ápe chéve Cherechávape”.

Genesis 18:33

Ha Ñanderuete oho oñe’ẽmba rire Abraham ndive; ha Abraham ojevy hógape.

Éxodo 23:21

Eñeñangareko porãke ndejehe henondépe ha ehendúke iñe’ẽ; aníke naneñe’ẽrendúi ichupe; Ha’e ndoheja reimo’ãi ndéve jehavira’ỹre pepu’ã ramo hese, che réra oĩgui ipype.

Éxodo 24:10

Ha ohecha hikuái Israel Járape; ha Ñanderuete opyrũháme oĩ ita vera hovyũvaicha, ojoguáva yvága mimbi potĩ porãitépe.

Mga Kawikaan 8:30

Hendive aĩma che, amohendapa hag̃ua opaite mba’e, ko’ẽ ko’ẽ rehe chepy’arory Ñanderuete ndive aguerekóvo py’aguapy ijypýpe opaite ára,

Isaías 40:11

Ku ovecha rerekua oñangareko háicha hymba aty rehe; ijyva ári ogueraháta umi ovechara’y, ha ipyti’akuápe oñongatu ichupekuéra, mborayhupópe oñangarekóta umi imembyramóva rehe.

Lamentaciónes 2:12

Ko’ãva oporandu isykuérape: Moõ piko oime pe trígo ku’i ha pe víno. Ipy’akangy joa hikuái ha ho’a ipy’amano umi ojekutupava’ekuéicha pe táva ryepýpe ha isy pyti’a rehe ipytupa.

Números 12:8

Hovakete añe’ẽ hendive, hesakã porã háicha, ha ndaha’éi ta’ãnga rupi; ha ha’e ohecháma Jahve rete. Mba’éguipa ndapekyhyjéira’e peñe’ẽvai hag̃ua che rembiguái Moises rehe.

Matéo 11:27

Opaite mba’e, che Ruete omoĩmba che pópe. Avave ndoikuaái pe Ta’ýrape, pe Túva añómante; ha avave ndoikuaái pe Túvape, pe Ta’ýra añómante ha pe Ta’ýra oikuaaukasévape avei.

Lúcas 10:22

Opaite mba’e che Ruete omoĩma che pópe. Avave ndoikuaái pe Ta’ýrape, pe Túvamante. Ha avave ndoikuaái pe Túvape, Ita’ýramante, ha Ha’e oikuaaukasévapemante oikuaaukáta.

Juan 1:14

Ha pe Ñe’ẽ oñemboho’o ha oikóma ñande apytépe kuimba’e ramo, ha ore rohecha heko jajaipa, Ñanderuete Ra’y peteĩetéva reko jajaipa, henyhẽva jeporiahuvereko (mborayhu) ha añeteguágui.

Juan 12:41

Ko’ã ñe’ẽ ko’ãva Isaías he’iva’ekue ohecha rire Hesu Crísto reko jajaipa ha hese oñe’ẽ.

Juan 13:23

Peteĩ hemimbo’e Hesu ohayhuetéva, oguapýva Hesu ykére,

Juan 14:9

Hesu katu ombohovái ichupe: Heta árama aiko pende apytépe, ha ne’ĩra piko nde Felípe chekuaa. Upe cherecháva ningo ohecha avei che Ruetépe. Mba’éicharupi piko nde ere ehechaukána oréve nde Ruetépe.

Juan 17:26

Ha Che aikuaauka ichupekuéra mávapa Nde ha ahechauka ichupekuéra ne mborayhu nde reiporúva chendive ha pe mborayhu toĩ avei ipypekuéra, ha che aiko avei ipypekuéra.

Juan 17:6

Che aikuaaukáma nde réra umi ne retãyguakuérape, Nde reme’ẽmava’ekue chéve, ha’ekuéra ojapo hag̃ua ne ñe’ẽ ha ne rembipota.

Juan 3:11

Añetehápe, añetehápe, che ha’e ndéve: Umi mba’e roikuaáva roñe’ẽ ha umi mba’e rohecháva roikuaauka peẽme, opaichavérõ peẽ ndapeipotái ore ñe’ẽ.

Juan 6:46

Avave ndohechái Ñanderuetépe, pe ouva’ekue Ñanderuetégui añónte ohecha ichupe.

2 Corintoyguakuérape 4:4

Ha péva ojehu ko yvy jára (Satana) omohesatũgui ipensamientokuéra, ani hag̃ua ohecha pe tesape oúva Hesu Crísto reko jajaipa ha iñe’ẽ porãitégui, Hesu Crísto ningo Ñanderuete ra’ãnga voi.

Deuteronómio 4:12

Ha Ñanderuete oñe’ẽ penendive tata rendy pa’ũ guive; pehendúkuri iñe’ẽ, ndapehechái hete ramojepe.

Colosayguakuérape 1:15

Hesu Crísto, Ñanderuete ndojehecháiva ra’ãnga, Ha’e ningo Ñanderuete rembiapo ypykue, Ha’e omoingova’ekue ichupe ñepyrũmbýpe.

1 Timotéope 1:17

Toñemomba’eguasu pe ára atyguasukuéra Járape, Ha’e voi ningo Ñanderuete peteĩetéva ha tapia oikóva, ha ndojehechái ramojepe ichupe toñemboete ichupe ára atyguasukuéra rupi, taupéicha (amen).

1 Timotéope 6:16

Ha’eñoite oguereko pe tekove tapia g̃uarãva, Ha’e oikóva tesape ojeike’ỹháme: Ndaipóri yvyarigua apytépe ohecháva ichupe ha ndaikatúi voi ohecha ichupe; toñemomba’eguasu ha toñembotuicha ichupe tapia g̃uarã, taupéicha (amen).

Josué 5:13

Josue oĩ jave gueteri Jerico ypýpe, ojesaupi ha ohecha peteĩ kuimba’e oñembo’ýva henondépe, ha oguerekóva peteĩ kyse puku ipópe. Ha Josue oho henda gotýo, ha he’i ichupe: Ndépa ore reheguáva térã orerehe ija’e’ỹva rehegua.

1 Juan 4:12

Avave ndohechái araka’eve Ñanderuete rova; ñande jajohayhu ramo, Ñanderuete opyta ñandepype ha imborayhu oĩmbaite hekópe ñandepype.

1 Juan 4:20

Oime ramo peteĩ he’íva ohayhuha Ñanderuetépe ha ndaija’éi iñermáno rehe ijapu. Upe ohayhu’ỹva iñermáno ohechávape, mba’éichapa ohayhúta Ñanderuete ndojehecháivape.

1 Juan 4:9

Ñanderuete ohechauka imborayhu ñandéve g̃uarã omboúvo Ita’ýra peteĩmívape ko yvy apére, ñande jaikove hag̃ua Ha’érupi tapiaite g̃uarã.

1 Juan 5:20

Jaikuaa ningo Ñanderuete Ra’y ou hague, ha ome’ẽ ñandéve akã porã ñande jaikuaa hag̃ua pe Añeteguávape, ha ñande ñaĩ pe Añeteguavapype, he’ise Ñanderuete Ra’y Hesu Crístopype. Ha’e Ñandejára Añeteguáva ha pe tekove tapia g̃uarãva.