Juan 1:17

Ñanderuete Ñe’ẽ Porã 2015

Umi tembiapoukapykuéra oñeme’ẽva’ekue Moises rupi, pe jeporiahuvereko ha pe añetegua katu oñeme’ẽ Hesu Crísto rupi.

Referencias Cruzadas

Genesis 22:18

Nde ra’y rupi ovy’aiteva’erã opaite yvy ape arigua tetãnguéra, rejapo haguére che ñe’ẽ.

Genesis 3:15

Ha oikóta ñorãirõme kuña ha iñemoñare ha ne ñemoñare apytépe; ha’ekuéra omongu’íta ne akã ha nde reisu’úta ichupekuéra ipytápe.

Salmokuéra 85:10

Poriahuvereko ha añetegua tojejohu ko tetãme, ha justícia ha py’aguapy toñohetũ.

Salmokuéra 98:3

Ha’e imandu’a iporiahuvereko rehe ha iñe’ẽ añetegua rehe Israel ndive g̃uarã, opaite yvyarigua yvy apýra peve ohecháta Ñanderuete salvacion rembiapo.

Miquéas 7:20

Nde remoañete pe ñe’ẽ reme’ẽva’ekue ymaguare ore rukuérape, Abraham ha Jacóbope, ha rehechauka jevýta ne mborayhu ha nde jeporiahuvereko.

Juan 1:14

Ha pe Ñe’ẽ oñemboho’o ha oikóma ñande apytépe kuimba’e ramo, ha ore rohecha heko jajaipa, Ñanderuete Ra’y peteĩetéva reko jajaipa, henyhẽva jeporiahuvereko (mborayhu) ha añeteguágui.

Juan 14:6

Hesu he’i ichupe: Che ningo pe tape, pe añetegua ha pe tekovete, avave ndaikatúi og̃uahẽ che Ruete rendápe cherehe’ỹ. Cherupímante uvei ikatu oñeg̃uahẽ Ñanderuete rendápe.

Juan 18:37

Upéramo Piláto he’i Hesúpe: Péicha ramo piko Nde avei peteĩ tetã ruvicha. Hesu ombohovái ichupe: Peichaite, Che ningo peteĩ tetã ruvicha. Pévarã Che anaceva’ekue ha aju ko yvy ape ári amombe’u hag̃ua pe añetegua. Ha opaite umi ohayhúva guive pe añetegua, cherenduva’erã.

Juan 5:45

Ani peimo’ã chejurumy’ỹitaha (pomoĩ vaitaha) che Ruete renondépe, Moises voi katu penemoĩ vaíta, peẽ pemoĩ ramo jepe pende esperánza hi’ári.

Juan 7:19

Moises piko nome’ẽiraka’e peẽme Ñanderuete rembiapoukapykuéra. Ha avave pende apytégui ndojapói hekópe Ñanderuete rembiapoukapykuéra. Mba’érehepa peñeha’ãha chejuka hag̃ua.

Juan 8:32

Ha peikuaáta pe añetegua, ha pe añetegua penemosãsóta Satana rembiguaikuéra poguýgui.

Juan 9:29

Ore ningo roikuaa porã Ñanderuete oñe’ẽ hague Moiséspe; kóva katu ndoroikuaái mamoguarépa ha’e.

Apostolkuéra 28:23

Aipórõ omoĩ hikuái ichupe peteĩ ára, ha hetave ou hikuái Páblo rendápe. Ha Páblo omombe’u ichupekuéra pyhareve guive ka’aru pytũete peve Ñanderuete rape ymaguare guive, Moises ha profetakuéra rekombo’e rupi ha ohechauka ichupekuéra Hesu ha’eha pe Crísto.

Apostolkuéra 7:38

Kóva ningo pe oĩva’ekue ñande ypykuéra atýpe desiértope, pe ángel ndive, oñe’ẽva ichupe pe cérro Sinai ru’ãme ha ñande rukuéra ndive, ha ichupe oñeme’ẽ tekove ñe’ẽnguéra ombohasa hag̃ua ñandéve.

Romayguakuérape 6:14

Upéicharamo ndapeikovéima angaipa rembiguái ramo, peẽ ndapeikovéiguima Moises rembiapoukapy poguýpe, Ñanderuete mborayhu ha iporiahuvereko poguýpema uvei peikopeína ko’ág̃a.

2 Corintoyguakuérape 1:20

Hesu Crísto ojapopágui Ñanderuete promésa (néi), Hesu Crísto oiko avei Ñanderuete amen (péva he’ise ojapopa hague Ha’e oprometemava’ekue), oñemomba’eguasu hag̃ua orérupi Ñanderuetépe.

Galaciayguakuérape 3:17

Ko che ñe’ẽ kóva rupi che ha’ese: Peteĩ ñe’ẽ Ñanderuete oprometemava’ekue Abrahámpe hembipotatee ramo, ndaikatúi opyta rei Moises rembiapoukapy rupi, oñeme’ẽmava ichupe 430 áño uperire.

Deuteronómio 33:4

Moises ome’ẽ oréve umi tembiapoukapy, kóva Jacóbo mba’e ohejáma iñemoñarenguérape.

Deuteronómio 4:44

Ko’ã tembiapoukapy Moises omomandu’a jevy Israel ñemoñarenguérape.

Deuteronómio 5:1

Moises ohenói mayma Israelguápe ha he’i ichupekuéra: Israelguakuéra pehendu ko’ã mbo’epy ha ko’ã tembiapoukapy che ha’éva ko ára kóvape pende apysápe; peikuaa ha pejapopa hag̃ua hekoitépe.

hebreoyguakuerape 9:22

Haimete opaite mba’e oñemopotĩ tuguýpe, Moises rembiapoukapy he’i háicha, ha oñehẽ’ỹre tuguy katu ndoikói perdon avei, (Levítico 17,11; Efesoyguakuérape 1,7).