Juan 1:16

Ñanderuete Ñe’ẽ Porã 2015

Ha’e henyhẽte opaite mba’égui, ha imba’égui ome’ẽ opavave ñandéve, iporiahuvereko ha imborayhu jo’a jo’a.

Referencias Cruzadas

Salmokuéra 84:7

Ha upéi ha’ekuéra oguata ohóvo pu’aka ipyahúva reheve og̃uahẽ meve Jerusalénpe ohecha hag̃ua Ñanderuetépe.

Zacarías 4:7

Máva piko nde, cerroguasuete Zorobabel renondépe, repytáta yvype ramo, ha ha’e ohupíta pe ita paha pegua omopu’ã meve che rogaguasu ha osapukáita: Jeporiahuvereko, jeporiahuvereko.

Matéo 13:12

Upe oguerekóvape oñeme’ẽvéta oguerekove hag̃ua; ha upe ogueroko’ỹvagui katu ojepe’áta upe oguerekomimíva jepe.

Matéo 3:11

Che ningo pobautiza ýpe pejevy hag̃ua (Ñanderuete rendápe), upe oútava che rapykuéri katu ipu’akaiteve chehegui, ha ndaijái chéve ajora hag̃ua isapatusãnte jepe, Ha’e pendebautizáta Pytu Porãmbáva ha tatápe.

Matéo 3:14

Ha Juan ojoko joko ichupe he’ívo: Che ningo pe aikotevẽva nde chebautiza, ha piko nde reju che rendápe.

Lúcas 21:15

Che voi ningo ame’ẽta peẽme arandu ha umi ñe’ẽ peẽ pejeva’erãva, ha pe arandu Che ame’ẽtava peẽme penderehe ija’e’ỹva ndaikatúi oñemoĩ hese.

Juan 3:34

Pe Ñanderuete ombouva’ekue oñe’ẽ Ñanderuete rembipotáre ha Ñanderuete ome’ẽ pe Pytu Porãmbáva takate’ỹ’ỹre opavave ojeroviáva guivépe Hesu Crístore.

Romayguakuérape 5:17

Upéicha, peteĩ kuimba’e, Adan, rembiapo vaikue rupi opavave opyta pe ñemano pu’aka poguýpe. Pe ambue kuimba’e, Hesu Crísto rupi katu opavave ohupitýva guive Ñanderuete jopói ha oñembohekopotĩva opyta pe tekove añetegua pu’aka poguýpe ha oisãmbyhýta Hesu Crísto ndive ko yvy tuichakue.

Romayguakuérape 5:2

Hesu Crísto rupi ñande jahupitýma Ñanderuete poriahuvereko jopói, jajeroviágui hese, ha ñaime hatã ipype, ha javy’a jahupitytaha rehe avei Ñanderuete reko jajaipa.

Romayguakuérape 5:20

Moises rembiapoukapykuéra oñeme’ẽnte ohechauka hag̃ua pe angaipa pu’aka vai ombyaíva opavave rekove, oñembohetavégui ohóvo. Ha pe angaipa oñembohetágui, Ñanderuete oñohẽ imborayhu ha iporiahuvereko ombopoguy hag̃ua pe angaipa pu’aka vai.

Romayguakuérape 8:9

Peẽ katu ndapeikói pende py’apy rembipota vai poguýpe, peikopeína Ñanderuete Pytu Porãite poguýpe, Ha’e oikógui pendepype, ha opavave oguereko’ỹva Hesu Crísto Pytu Porãite ndaha’éi imba’e (ita’ýra ni itajýra).

Efesoyguakuérape 1:23

Pe iglésia ningo Hesu Crísto rete (hembirekorã), ha Ha’e omyenyhẽmbáta ijiglésiape oñemboheko porãve hag̃ua ohóvo, ha ijiglésia henyhẽmba hag̃ua Hesu Crísto reko porãgui.

Efesoyguakuérape 3:19

ha peñemomba’e porã Hesu Crísto mborayhu rehe peẽ penerenyhẽmba hag̃ua Ñanderuete mborayhu reheve.

Colosayguakuérape 1:19

Ñanderuete oipota Hesu Cristopype oĩmba Ñanderuete reko.

Colosayguakuérape 2:3

Ipype ningo ojajaipa opaite arandu ha kuaapy.

1 Pédro 1:11

Ha’ekuéra ohekámi oikuaa hag̃ua araka’épa ha mba’eichagua árapepa upe salvacion oikóta, Hesu Crísto Pytu Porãite, oĩva ipypekuéra he’iva’ekue ichupekuéra: Ha’e ohasa asy raẽtaha ha uperirémante Ha’e og̃uahẽtaha teko jajaipápe.

1 Pédro 1:2

Ñandejára Ñanderuete pendeporavo yma guivéma, pe Pytu Porãmbáva tapenemboheko porã, Hesu Crísto ruguy rupi, peẽ peneñe’ẽrendu hag̃ua; imborayhu ha ipy’aguapy tapenemyenyhẽve pehóvo.