Juan 1:14

Ñanderuete Ñe’ẽ Porã 2015

Ha pe Ñe’ẽ oñemboho’o ha oikóma ñande apytépe kuimba’e ramo, ha ore rohecha heko jajaipa, Ñanderuete Ra’y peteĩetéva reko jajaipa, henyhẽva jeporiahuvereko (mborayhu) ha añeteguágui.

Referencias Cruzadas

Salmokuéra 2:7

Che amyasãita iñe’ẽ, Ñanderuete he’i voi chéve: Nde ningo che Ra’y, ha ko ára Che romoñemoña.

Salmokuéra 45:2

Nde ningo ha’e yvyarigua ra’ykuéra apytépe pe iporãvéva, Ñanderuete oñohẽ iporiahuvereko nderehe, upévare Ñanderuete nderovasa opaite árape g̃uarã.

Salmokuéra 85:9

Añetehápe ag̃uiete ningo oĩ ipytyvõ, opaite umi okyhyjévape ichugui, Ñanderuete reko jajaipa toiko ñane retãme.

Isaías 40:5

Upéramo Ñanderuete ohechaukáta heko jajaipa, opaite yvyariguakuéra ohecha hag̃ua; Ñanderuete juru he’iva’ekue voi opa ko’ã mba’e.

Isaías 53:2

Ha’e okakuaa henondépe ku mba’e roky pyahúicha, ha yvyra rapóicha yvy perõme, Ha’e naiporãi ha ndoguerekói ijehe mba’e iporãva ñama’ẽ hag̃ua hese. Hova ha hete rehe ndaipóri mba’eve iporãva ñande jaipotaiterei hag̃uáicha.

Isaías 7:14

Upévare Ñanderuete voi ohechaukáta peẽme mba’e techaukaharã: Péina ápe pe kuñataĩ oiko’ỹva kuimba’e ndive hyeguasúta, ha imembýta peteĩ mitãkuimba’e, ha oñembohérata ichupe Emanuel.

Ezequiel 37:27

Ijapytepekuéra oĩta che rogaguasu, ha aikóta Ijaratee ramo, ha ha’ekuéra oikóta chéve che retã ramo.

Matéo 1:16

Jacóbogui heñói Jose, ha’e ningo María ména, ha María imemby Hesúpe, oñembohérava Crísto.

Lúcas 2:11

Onaceramoite peẽme g̃uarã pe salvador Hesu Crísto, David táva Belénpe.

Lúcas 2:7

Péva imemby kuimba’e peteĩha, ha omonde mitã aópe omoñeno hag̃ua peteĩ tymba karuhápe, ndaipórigui hendag̃ua mbohupa rógape.

Lúcas 9:32

Pédro ha iñirũnguéra katu hopehyieterei, ha opayetévo ohecha hikuái avei Moises ha Elíaspe imimbikue reheve.

Juan 1:1

Ñepyrũmbýpe oikomava’ekue pe Ñe’ẽ ha pe Ñe’ẽ oĩ Ñanderuete ndive, ha pe Ñe’ẽ ningo Ñandejára Hesu Crísto voi.

Juan 11:40

Hesu katu ombohovái ichupe: Nda’éi piko ra’e ndéve: Reguerovia ramo rehechataha Ñanderuete reko jajaipa ha ipu’aka.

Juan 14:6

Hesu he’i ichupe: Che ningo pe tape, pe añetegua ha pe tekovete, avave ndaikatúi og̃uahẽ che Ruete rendápe cherehe’ỹ. Cherupímante uvei ikatu oñeg̃uahẽ Ñanderuete rendápe.

Juan 14:9

Hesu katu ombohovái ichupe: Heta árama aiko pende apytépe, ha ne’ĩra piko nde Felípe chekuaa. Upe cherecháva ningo ohecha avei che Ruetépe. Mba’éicharupi piko nde ere ehechaukána oréve nde Ruetépe.

Juan 17:22

Ha Che ambohasa hag̃ua ichupekuéra pe teko jajaipáva Nde reme’ẽmava’ekue chéve, oiko porã hag̃ua oñondive, Ñande jaiko porã háicha oñondive.

Juan 17:24

Che Ruete, umi Nde reme’ẽva’ekue chéve aipota oĩ hag̃ua hikuái avei Che aĩháme, ohecha hag̃ua hikuái che reko jajaipa Nde reme’ẽmava’ekue chéve, ha Nde cherayhu voiva’ekue ojejapo mboyve ko múndo ha yvagakuéra.

Juan 18:37

Upéramo Piláto he’i Hesúpe: Péicha ramo piko Nde avei peteĩ tetã ruvicha. Hesu ombohovái ichupe: Peichaite, Che ningo peteĩ tetã ruvicha. Pévarã Che anaceva’ekue ha aju ko yvy ape ári amombe’u hag̃ua pe añetegua. Ha opaite umi ohayhúva guive pe añetegua, cherenduva’erã.

Juan 2:11

Ko mba’e Hesu ojapo techaukaha ramo oñepyrũvo hembiapo Cana, Galiléa peguápe, upéicha ohechauka ijyvága reko jajaipa ha hemimbo’ekuéra ojerovia hese.

Juan 3:16

Ñanderuete ohayhuetégui opaite tetãyguakuérape Ha’e ome’ẽ Ita’ýra peteĩetévape, opaite ojeroviáva guive hese ani hag̃ua oñehundi, oguereko hag̃ua uvei pe tekove tapia g̃uarãva.

Juan 3:18

Upe ojeroviáva guive hese noñembojovakemo’ãi, upe ojerovia’ỹva hese katu oñembojovakéma oñehundi hag̃ua, ndojeroviái haguére Ñanderuete Ra’y peteĩete réra rehe.

Juan 6:51

Che ningo pe pan oporomoingovéva ha oguejyva’ekue yvágagui, upe ho’úva ko pan oikovéta tapiaite, ko pan che ame’ẽtava yvyariguakuéra rekoverã rehehápe, che ro’oite voi ningo.

Juan 8:32

Ha peikuaáta pe añetegua, ha pe añetegua penemosãsóta Satana rembiguaikuéra poguýgui.

Apostolkuéra 13:33

ha pe promésa péva ojehúma, Ñanderuete ohaiuka haguéicha: Nde ningo che Ra’y, ko ára kóvape che romoingo, (Salmokuéra 2,7).

Romayguakuérape 8:3

Ha umi mba’e Moises rembiapoukapykuéra ikatu’ỹva ojapo, ñande kuimba’e ha kuña reko ikangýgui, péva Ñanderuete ojapova’ekue ita’ýra Hesu Crísto rupi, omboúvo ichupe kuimba’e reterõguáicha ko yvy apére, ha péicha Ñanderuete ikatu ocondena pe angaipa Hesu Crísto rete rupi, ndo’áigui Ha’e angaipápe.

Romayguakuérape 9:5

Abraham, Isaac ha Jacóbo ningo ijypykuéra voi, ha Hesu Crísto onacéma hetépe ko’ã tetãyguakuéra apytépe. Upévare toñembotuicha ha toñemomba’eguasu Ñandejárape ára atyguasukuéra rupi, amen (taupéicha).

1 Corintoyguakuérape 15:47

Pe kuimba’e peteĩha ningo, yvyguiguare (Adan); pe kuimba’e mokõiha katu yvagaguigua (Hesu Crísto).

2 Corintoyguakuérape 12:9

Ha’e katu ombohovái chéve: Iporãntema (ovaléma) ndéve che poriahuvereko pu’aka. Che pu’aka ojehechauka porãmbáre ikangývape g̃uarã. Upévare che py’aite guive añembotuichase che kangykue rehe uvei, omba’apo porãve hag̃ua chepype Hesu Crísto pu’aka.

Galaciayguakuérape 4:4

Og̃uahẽvo pe ára Ñanderuete oiporavomava’ekue, Ha’e ombou Ita’ýra ko yvy apére, onaceva’ekue peteĩ kuñataĩ heko potĩvagui ha opytáva Moises rembiapoukapykuéra poguýpe.

Efesoyguakuérape 3:8

Che ningo pe imichĩetevéva opaite Hesu Crísto reheguáva apytépe, opáichavo oñeme’ẽ chéve Ñanderuete jopói poriahuvereko reheguáva amyasãi hag̃ua tetã ambueyguakuérape pe evangélio ha Hesu Crísto mba’eita ijojaha’ỹva,

Colosayguakuérape 1:19

Ñanderuete oipota Hesu Cristopype oĩmba Ñanderuete reko.

Colosayguakuérape 2:3

Ipype ningo ojajaipa opaite arandu ha kuaapy.

Colosayguakuérape 2:9

Hesu Cristopype ningo oĩ avei opaite Ñanderuete reko.

1 Timotéope 3:16

Añetehápe mba’e tuichaitereíva ko’ã mba’e ñemi (ojehechaukamava’ekue umi ojeroviávape Hesu Crísto rehe): Hesu Crísto ojehechaukava’ekue yvyarigua retépe, Ha’e oiko katu heko potĩva ramo ipytu porãme. Ha’e ojehechaukava’ekue yvága rembiguaikuérape (angelkuérape), oñemyasãiva’ekue tetãnguéra apytépe, tetãyguakuéra ojerovia hese, ha upéi Ñanderuete ohupi Hesu Crístope heko jajaipa oĩháme.

hebreoyguakuerape 1:3

Hesu Crísto rupi ojehecha Ñanderuete reko jajaipa ha Hesu Crísto rupi Ñanderuete ohechauka avei mba’éichapa Ha’ehína. Hesu Crísto ningo ojokohína ko múndope (univérsope) ojejapóva guive iñe’ẽ pu’aka rupi. Hesu Crísto ombopoguyva’ekue angaipa pu’aka, ha oguapyhína ko’ág̃a yvágape Ñanderuete akatúape.

hebreoyguakuerape 1:5

Mba’eichagua yvága rembiguáipepa oje’eraka’e: Nde ningo che ra’y, ko árape Che romoñemoña. Ha avei: Che Itúvata ha ha’e chera’ýta.

hebreoyguakuerape 10:5

Upévare Hesu Crísto he’i avei Ñanderuetépe, og̃uahẽvo ko yvy ape ári: Ndereipotái tymba kuave’ẽmby, ni kuave’ẽmby tembi’u rehegua, Nde katu rembosako’i che rete (oñekuave’ẽ hag̃ua, Salmokuéra 40, 7-9).

hebreoyguakuerape 2:11

Hesu Crístope g̃uarã oporomboheko porã ha umi oñemboheko porãmava oguereko hag̃ua Itúva peteĩnte, upévare Hesu notĩri, ohenói hag̃ua ichupekuéra che hermanokuéra.

hebreoyguakuerape 5:5

Upéicha avei Hesu Crísto noñemoĩri ha’e voi pa’iguasu ramo, Ñanderuete voi ohenói ichupe: Nde ha’e che Ra’y, ko árape Che romoñemoñáma (Salmokuéra 2,7).

1 Juan 4:14

Ha ore rohecha ha roikuaaukaroína pe Túva ombou hague Ita’ýrape osalva hag̃ua tetãyguakuérape.

1 Juan 4:9

Ñanderuete ohechauka imborayhu ñandéve g̃uarã omboúvo Ita’ýra peteĩmívape ko yvy apére, ñande jaikove hag̃ua Ha’érupi tapiaite g̃uarã.

2 Juan 1:7

Heta mbotavyhára oñemyasãima yvy apére, umía ombo’e Hesu Crísto ndoúi hague kuimba’e ramo. Umíva ningo mbotavyhára ha crísto gua’u.

Apocalípsis 19:13

Ha’e oñemonde peteĩ pónchope ojehypýiva tuguýpe ha héra ojehaiva’ekue hese: Ñanderuete ñe’ẽ.

Apocalípsis 21:3

Ha ahendu ñe’ẽ puguasu pe guapyhaguasúgui he’íva: Péina ko’ág̃a pe óga jojohuha (tabernáculo) oĩ tetãyguakuéra apytépe. Ñanderuete voi oikóta ijapytépe, Ituvatee ramo, ha tetãyguakuéra oikóta hetãtee ramo.