Juan 1:12

Ñanderuete Ñe’ẽ Porã 2015

Umi omog̃uahẽva’ekue (orecibiva’ekue) ichupe hekovépe, Ha’e ome’ẽ ichupekuéra pu’aka oiko hag̃ua ichuguikuéra Ñanderuete ra’ykuéra ha itajyrakuéra, ojeroviáva guive Héra rehe.

Referencias Cruzadas

2 Samuel 7:24

Nde remoingo ne retã Israel, ne retã tee ramo opaite árape g̃uarã, ha Nde, che Jára, reiko ichupekuéra Ituvatee ramo.

Isaías 56:5

umíape Che ame’ẽta hendag̃ua che rógape, che korapy ryepýpe, ha ame’ẽta avei ichupekuéra peteĩ téra iporãvéva ta’ýra ha tajyrakuéragui; ame’ẽta ichupekuéra peteĩ téra opaite árape g̃uarã, ha araka’eve ndojepe’amo’ãvéi.

Jeremías 3:19

Che aimo’ãva’ekue peẽ peikóta che ra’y ramo ha upévagui Che ame’ẽ peẽme pe yvy iporãvéva tetãnguéra apytépe. Ha Che aimo’ã peẽ cherenoitaha: Ore Ruete, ha napeñemboykemo’ãira’e araka’eve che rapykuérigui.

Oséas 1:10

Upéicharamo jepe og̃uahẽta katuete pe ára Israel ra’ykuéra oñemboheta jevýta yvyku’i yguasu rembe’y peguáicha, ndaikatúiva oñeha’ã térã ojepapa. Ko’ág̃a oje’e peẽ ndaha’eveimaha che retãteéva, og̃uahẽ jevýta katuete pe ára oje’etaha peẽme: Peẽ pende Ruete oikovéva ra’ykueraha.

Matéo 10:40

Oimeraẽ penemog̃uahẽva hógape, chéve chemog̃uahẽ; ha oimeraẽ chemog̃uahẽva, omog̃uahẽ chembouharépe (Ñanderuetépe).

Matéo 12:21

ha tetã ambueyguakuéra oha’ãrõ joava’erã Hesúpe, (Isaías 42,1-4).

Matéo 18:5

Ha upe omog̃uahẽva koichagua mitãme, chéve chemog̃uahẽ.

Juan 1:11

Pe Tesape ouva’ekue hetãteépe, hetãyguakuéra katu nomog̃uahẽiva’ekue ichupe.

Juan 1:7

Ko kuimba’e ou oikuaauka hag̃ua outaha yvy ári pe Tesapehára, opavave ojerovia hag̃ua Ñanderuete rehe Ha’érupi.

Juan 11:52

ha ndaha’éi Israelguakuéra rehénte, ombyaty hag̃ua avei Ñanderuete ra’y ha rajykuéra oikóva guive ko yvy apére opaite tetãnguéra apytégui.

Juan 2:23

Hesu Crísto oĩ ramo Jerusalénpe pe páscua aretépe, heta ojeroviáva hesete voi, ohechávo umi techaukaha Hesu ojapóva.

Juan 20:31

Ko’ã mba’e katu ojehai peguerovia hag̃ua Hesu ha’eha pe Crísto, Ñanderuete Ra’y, ha pejerovia hese oñeme’ẽ hag̃ua peẽme pe tekovete.

Juan 3:18

Upe ojeroviáva guive hese noñembojovakemo’ãi, upe ojerovia’ỹva hese katu oñembojovakéma oñehundi hag̃ua, ndojeroviái haguére Ñanderuete Ra’y peteĩete réra rehe.

Apostolkuéra 3:16

Ha ore rojeroviaroína ko Hesu Crísto rehe, Ha’e ningo omonguera ko ikarẽvape, peẽ peikuaáva pende resa renondépe, ndaoréi.

Romayguakuérape 8:14

Opaite umi ohejáva pe Pytu Porãmbáva oisãmbyhy ichupekuéra, umía Ñanderuete ra’y ha itajyrakuéra.

Romayguakuérape 8:16

Pe Pytu Porãmbáva oikuaauka ñande pytu porãme ñande ha’eha Ñanderuete ra’y ha itajyraha.

Romayguakuérape 8:19

Opaite Ñanderuete rembiapokue oha’ãrõ asyhína Ñanderuete ra’y ha itajyrakuéra reko jajaipa ojehechaukava’erãha ára.

Galaciayguakuérape 3:26

Opavave peẽ ningo Ñanderuete ra’y ha itajýra pejerovia guive Hesu Crísto rehe.

Galaciayguakuérape 4:6

Peẽ peikómagui ita’ýra ha itajýra ramo, Ñanderuete ombou Ita’ýra Pytu Porãite pende py’apýpe osapukáiva: Abba, he’iséva ore Ruete, (Romayguakuérape 8,15).

Colosayguakuérape 2:6

Peẽ peñemomba’e haguéicha Ñandejára Hesu Crísto rehe, upeichaite peiko avei ipype.

2 Pédro 1:4

Péva rupi oñeme’ẽ ñandéve umi promésa iporãitéva ha ituichaitéva, peẽ pepoi hag̃ua yvyarigua rete rembipota vaígui, ombyaíva yvy ariguakuéra rekove, ha peñemomba’e hag̃ua Hesu Crísto reko porã rehe.

1 Juan 3:1

Pema’ẽna mba’eichagua mborayhúpa Ñanderuete ome’ẽ ñandéve, ñañembohéra hag̃ua Ñanderuete ra’ykuéra ha rajykuéra, ha umivahína ñande voi. Upévare Ha’érupi ko múndo nañandekuaái, ndoikuaáigui ichupe.

1 Juan 3:10

Péicha ojekuaa porã mávapa Ñanderuete ra’y térã itajýra ha mávapa aña ra’y térã itajýra. Opaite umi ndojapóiva pe heko peguáva ha upe ndohayhúiva iñermanokuérape ndaha’éi Ñanderuete ra’y ni itajýra.

1 Juan 3:2

Che rayhuparakuéra, ko’ág̃a jaikóma ita’ýra ha itajýra ramo, ndojehechaukáigui gueteri upe oikótava ñandehegui. Jaikuaa ningo upe ára Ha’e ojehechaukatahápe ñandéve, ñande jajoguataha ichupe, ha jahecháta Ha’e oĩ haichaite.

1 Juan 3:23

Ha hembiapoukapy ningo kóva: Jajeroviava’erã Ita’ýra Hesu Crísto réra rehe ha jajohayhu, upéicha Ha’e voi he’iuka ñandéve.