Juan 1:10

Ñanderuete Ñe’ẽ Porã 2015

Pe Tesape ou ko yvy apére ha Ha’érupi ojejapova’ekue ko yvy ha jasytatakuéra (mbyjakuéra); ha tetãyguakuéra katu ndohechakuaái ichupe Ijaraha.

Referencias Cruzadas

Genesis 16:13

Upéramo Agar ome’ẽ peteĩ téra pyahu pe yvága járape, hendive oñe’ẽva: “Nde, che Ruete, cherecháva”. Ha he’ive: “Ahecha ko’ápe chéve Cherechávape”.

Genesis 17:1

Abram oguereko ramoguare 99 áño, Ñanderuete ojehechauka ichupe ha he’i: Che ningo nde Ruete, pe Ipu’akapáva, eiko porã che renonderãme ha eñemboheko porãve rehóvo.

Genesis 18:33

Ha Ñanderuete oho oñe’ẽmba rire Abraham ndive; ha Abraham ojevy hógape.

Isaías 53:3

Hetãygua otĩ ichugui ha oñemomombyry ichugui. Ha’e ningo peteĩ kuimba’e ohasa asyetéva ha oikóva jepy’apýpe; hetãyguakuéra oñomi hova ichugui, upévare avave noma’ẽséi hese ha ñande ñañemboyke avei ichugui.

Matéo 11:27

Opaite mba’e, che Ruete omoĩmba che pópe. Avave ndoikuaái pe Ta’ýrape, pe Túva añómante; ha avave ndoikuaái pe Túvape, pe Ta’ýra añómante ha pe Ta’ýra oikuaaukasévape avei.

Juan 1:11

Pe Tesape ouva’ekue hetãteépe, hetãyguakuéra katu nomog̃uahẽiva’ekue ichupe.

Juan 1:18

Avave ndohechái máramo Ñanderuetépe, Ita’ýra peteĩeténte, pe Jára oĩva Ñanderuetepype, Ha’e (Hesu) mante oikuaauka ñandéve Itúvape.

Juan 1:3

Opaite mba’e oikova’ekue ko Ñe’ẽ kóva rupivénte, hese’ỹ ndoikói mba’eve, opaite mba’e oĩva guive.

Juan 1:5

Ha pe Tesape ningo ohesape pytũmbýpe, ha pe pytũ ndaipu’akái hese.

Juan 17:25

Che Ruete, nde reko ningo iporãite, tetãyguakuéra apytépe heta ningo nandekuaáiva, oĩ katu umi ndekuaáva, Che roikuaa háicha ndéve ha ha’ekuéra oikuaáma Nde voi chembou hague ko yvy ári.

Juan 5:17

Hesu katu he’i ichupekuéra: Che ru ningo ko’ág̃a peve omba’apohína, ha che avei.

Apostolkuéra 14:17

Ha’e tapia ohechauka mba’eporã opaite tetãnguérape, Ha’e ombou yvágagui pe ama ha ára porã okakuaa hag̃ua pene ñemitĩnguéra, penemohyg̃uatã ha penembopy’a rorýva.

1 Corintoyguakuérape 1:21

Tetãyguakuéra ndoikuaaiva’ekue Ñanderuete arandu, Ha’e osalvasénte kuimba’e ha kuñakuérape jerovia rupi, ha’ete ramojepe ichupekuéra ñe’ẽ výro reíva.

1 Corintoyguakuérape 2:8

Koichagua arandu tetã ruvichakuéra ko ára atyguasu kóvape ndoikuaái, oikuaa rire nomosãingoiva’erãmo’ã Ñandejára Hesu Crístope kurusúre.

1 Corintoyguakuérape 8:6

Ñandéve g̃uarã katu oĩ peteĩnte ñande apohare, Ñanderuete voi; Ha’e opaite mba’e Jára, ha ñande imba’e voi; ha oĩ peteĩnte Hesu Crísto añeteguáva, ha Ha’érupi oikohína opaite mba’e, ha ñande jaiko avei Ha’érupi.

Colosayguakuérape 1:16

Ñanderuete ojapopa Hesu Crísto rupi oĩva guive yvagakuérape, térã yvy ári, umi mba’e ojehecháva ha umi ndojehecháiva, taha’e guapyhaguasukuéra, taha’e jarakuéra, taha’e mburuvichaguasukuéra, taha’e pu’akakuéra. Opaite mba’e ojejapo Ha’érupi (Hebreoyguakuérape 1,2).

hebreoyguakuerape 11:3

Jerovia rupi jaikuaa porã Ñanderuete ojapo hague iñe’ẽ rupi ko yvy ha yvagakuéra (univérso), upéicha opaite mba’e ñande jahecháva guive ko’ág̃a, Ñanderuete ojapomava’ekue ojehecha’ỹvagui, (Génesis 1).

1 Juan 3:1

Pema’ẽna mba’eichagua mborayhúpa Ñanderuete ome’ẽ ñandéve, ñañembohéra hag̃ua Ñanderuete ra’ykuéra ha rajykuéra, ha umivahína ñande voi. Upévare Ha’érupi ko múndo nañandekuaái, ndoikuaáigui ichupe.