Juan 1:1

Ñanderuete Ñe’ẽ Porã 2015

Ñepyrũmbýpe oikomava’ekue pe Ñe’ẽ ha pe Ñe’ẽ oĩ Ñanderuete ndive, ha pe Ñe’ẽ ningo Ñandejára Hesu Crísto voi.

Referencias Cruzadas

Genesis 1:1

Ñepyrũmbýpe Ñanderuete (Jahve) ojapo ypyva’ekue yvagakuéra ha yvy.

Salmokuéra 45:6

Ñanderuete tome’ẽ ndéve nde guapyhaguasu opaite árape, ne mburuvicha yvyra’i reheve reisãmbyhy porã hag̃ua ne retãme, justícia reheve.

Isaías 7:14

Upévare Ñanderuete voi ohechaukáta peẽme mba’e techaukaharã: Péina ápe pe kuñataĩ oiko’ỹva kuimba’e ndive hyeguasúta, ha imembýta peteĩ mitãkuimba’e, ha oñembohérata ichupe Emanuel.

Isaías 9:6

Peteĩ mitãkuimba’e onacéta ñandéve ko yvy apére, peteĩ ta’ýra oñeme’ẽta ñandéve, ha ijati’y ári oĩta mburuvicha pu’aka, ha oñembohérata ichupe: Mbojovakehára heko peguáva, Jára ipu’akapáva, Ipy’aguasúva, Túva tapia g̃uarãva ha Mburuvicha py’aguapy reheguáva.

Matéo 1:23

Pehechava’erã peteĩ kuñataĩ heko potĩva imembyva’erã peteĩ mitãkuimba’e hérata Emanuel, he’iséva Ñanderuete oĩ ñanendive.

Lúcas 24:53

ha meme árape oĩ hikuái Ñanderuete rogaguasúpe omomba’eguasu hag̃ua Ñanderuetépe.

Juan 1:14

Ha pe Ñe’ẽ oñemboho’o ha oikóma ñande apytépe kuimba’e ramo, ha ore rohecha heko jajaipa, Ñanderuete Ra’y peteĩetéva reko jajaipa, henyhẽva jeporiahuvereko (mborayhu) ha añeteguágui.

Juan 1:18

Avave ndohechái máramo Ñanderuetépe, Ita’ýra peteĩeténte, pe Jára oĩva Ñanderuetepype, Ha’e (Hesu) mante oikuaauka ñandéve Itúvape.

Juan 1:2

Ko Ñe’ẽ kóva oĩva’ekue ñepyrũme Ñanderuete ndive.

Juan 16:28

Che voi asẽ Ñanderuetégui, aju hag̃ua ko yvy ári, ha aheja jevýta ko múndo kóva, aha hag̃ua che Ruete rendápe.

Juan 17:5

Ha ko’ág̃a che Ruete chembotuicha nendive pe teko jajaipápe, Che aguereko ypyva’ekue nendive aju mboyve guive ko yvy ári, ko múndo oiko mboyve.

Juan 20:28

Tomas katu ombohovái: Che Ruete ha che Járaite.

Juan 8:58

Hesu he’i ichupekuéra: Añetehápe, añetehápe ha’e peẽme, Abraham oiko mboyve, Che aikomava’ekue.

Romayguakuérape 9:5

Abraham, Isaac ha Jacóbo ningo ijypykuéra voi, ha Hesu Crísto onacéma hetépe ko’ã tetãyguakuéra apytépe. Upévare toñembotuicha ha toñemomba’eguasu Ñandejárape ára atyguasukuéra rupi, amen (taupéicha).

Efesoyguakuérape 3:9

amyesakã hag̃ua opavavépe Ñanderuete ñemimby, Ha’e oñongatuva’ekue heta ára atyguasu guivéma ha ko’ág̃ante Ha’e omboajehína (ocumpli), Ha’e voi ningo opaite mba’e apohára.

Filipoyguakuérape 2:6

Hesu Crísto oguereko ramojepe Ñanderuete reko, Ha’e nahakate’ỹi heko rehe,

Colosayguakuérape 1:15

Hesu Crísto, Ñanderuete ndojehecháiva ra’ãnga, Ha’e ningo Ñanderuete rembiapo ypykue, Ha’e omoingova’ekue ichupe ñepyrũmbýpe.

Colosayguakuérape 1:17

Ha’e ningo oikóma opaite mba’e mboyve, ha Ha’érupi ha ichupe g̃uarã oñemoingo opaite mba’e.

1 Timotéope 3:16

Añetehápe mba’e tuichaitereíva ko’ã mba’e ñemi (ojehechaukamava’ekue umi ojeroviávape Hesu Crísto rehe): Hesu Crísto ojehechaukava’ekue yvyarigua retépe, Ha’e oiko katu heko potĩva ramo ipytu porãme. Ha’e ojehechaukava’ekue yvága rembiguaikuérape (angelkuérape), oñemyasãiva’ekue tetãnguéra apytépe, tetãyguakuéra ojerovia hese, ha upéi Ñanderuete ohupi Hesu Crístope heko jajaipa oĩháme.

Títope 2:13

Ha ñaha’ãrõ hag̃ua Ñandejára ha Hesu Crísto ou jevy heko jajaipa reheve ñandesalva hag̃ua.

hebreoyguakuerape 13:8

Hesu Crísto ningo naiñambuéi, peteĩchánte kuehe, ko ára ha ára atyguasurãme g̃uarã (por los síglos).

hebreoyguakuerape 7:3

Ha’e ndaitúvai, ndaisýi, naiñemoñaréi, ndahi’ára ñepyrũi, ndahekove pahái, ojogua voi Ñanderuete Ra’ýpe, opytáva pa’iguasu ramo tapia g̃uarã.

2 Pédro 1:1

Che, Simon Pédro, Hesu Crísto rembiguái ha apóstol, ahai ko kuatiañe’ẽ kóva umi ohupityva’ekuépe orendive ko jerovia iporãitéva, Ñanderuete justícia ha Hesu Crísto salvacion rupi.

1 Juan 5:20

Jaikuaa ningo Ñanderuete Ra’y ou hague, ha ome’ẽ ñandéve akã porã ñande jaikuaa hag̃ua pe Añeteguávape, ha ñande ñaĩ pe Añeteguavapype, he’ise Ñanderuete Ra’y Hesu Crístopype. Ha’e Ñandejára Añeteguáva ha pe tekove tapia g̃uarãva.

1 Juan 5:7

Mbohapy ningo oĩ umi oikuaaukáva ko mba’e kóva:

Apocalípsis 1:11

he’íva: Che ha’e pe “a” ha pe “zéta”, he’iséva pe ñepyrũ ha pe paha, opaite mba’e rehecháva guive ehai peteĩ kuatiañe’ẽme ha eguerahauka umi 7 iglésiape, oĩva Efésope, Esmírnape, Pérgamope, Tiatírape, Sárdespe, Filadélfiape ha Laodicéape.

Apocalípsis 1:17

Ha ahechávo ichupe, ha’a ipy renondépe amanorõguáicha, upéi Ha’e omoĩ ipo akatúa che’ári ha he’i: Ani rekyhyje, Che ha’e pe ñepyrũmby ha pe paha,

Apocalípsis 1:2

Ha Juan ningo oikuaaukava’ekue ko Ñanderuete ñe’ẽ (iglesiayguakuérape), ha’e omombe’u opaite mba’e Hesu Crísto ohechaukava’ekue ichupe.

Apocalípsis 1:8

Che ningo pe “a” ha pe “zéta” he’iséva iñepyrũmby ha ipaha, he’i Ñanderuete pe yvága Jára, pe Oikovahína, pe Oikova’ekue ha pe Ouva’erãva, pe Ipu’akapáva.

Apocalípsis 19:13

Ha’e oñemonde peteĩ pónchope ojehypýiva tuguýpe ha héra ojehaiva’ekue hese: Ñanderuete ñe’ẽ.

Apocalípsis 2:8

Ehai Esmírna iglésia rembijokuáipe g̃uarã: Péicha he’i pe Iñepyrũha ha pe Ipaháva, pe ojejukava’ekue ha oikove jevýva.

Apocalípsis 21:6

Ha he’ive chéve: Oikopáma, Che ningo ha’e pe “a” ha pe “zéta” pe ñepyrũ ha pe paha. Che amboy’úta pe ijy’uhéivape pe y yvuguigua oikovévagui, ha reiete Che ame’ẽta ko y kóva.

Apocalípsis 22:13

Che ha’e pe “a” ha pe “zéta”, he’iséva pe tenondegua ha pe ipaha peguáva, pe ñepyrũ ha pe ipaha.

Apocalípsis 3:14

Ehai Laodicéa iglésia rembijokuáipe g̃uarã: Péicha he’i pe Amen, pe Techahare heko peguáva ha añeteguáva, pe Ojapóva Ñanderuete rembiapo tenonde peguáva.