Josué 8:4

Ñanderuete Ñe’ẽ Porã 2015

Ha he’i ichupekuéra: Peñangareko porãke, pemoñuhã pe táva ikupéguio; ha napeñemomombyrymo’ãi pe távagui, ha ñembosako’ípe peimetapeína.

Referencias Cruzadas

2 Réyes 7:12

Ha tetã ruvicha opu’ã pe pyhare, ha he’i hembiguaikuérape: Che ha’éta peẽme mba’épa Siriayguakuéra ojapose ñanderehe. Ha’ekuéra oikuaa ñaneñembyahýimaha, ha osẽ hikuái hogakuéragui ha okañy hikuái ñu rehe, ñanembotavy hag̃ua he’ívo: Osẽvo Israelguakuéra itávagui, jaapresáta ichupekuéra hekove rehe ha jaikéta itávape.

2 Crónicas 13:13

Jeroboam katu ombosako’i peteĩ ñuhã ou hag̃uáicha ichupekuéra ijatukupéguio; ha oĩhína péicha henondepekuéra, ha pe ñuhã katu oñemoĩma Juda atukupe gotýo.

Eclesiástes 7:19

Pe arandu omombareteve pe iñarandúvape, 10 mburuvicha oñembyatývagui peteĩ tavapýpe (isoldádo atykuéra reheve).

Eclesiástes 9:16

Upéramo che ha’ékuri: Iporãiteve arandu pe mbaretégui, jepevémo pe imboriahúva arandu noñehendúi ha oñemboyke.

Apostolkuéra 23:21

Nde katu ani regueroviátei mba’e ichupekuéra. Hetave 40 kuimba’egui omoñuhãtavahína Páblope, oñembopy’apeteĩma hikuái anive hag̃ua okaru ni hoy’u ojuka peve Páblope tape rupi, ha péva omoañete peteĩ maldiciónpe, ho’átava hi’arikuéra ndojapopái ramo hekopete he’i haguéicha. Ha’ekuéra oha’ãrõnte nde reguerahauka Páblope ijatypekuéra.

Josué 8:16

Ha opaite kuimba’e Hái pegua oñembyaty oho hag̃ua Josue ha Israelguakuéra rapykuéri; oñemomombyry ohóvo itávagui.

Josué 8:3

Upéramo opu’ã Josue ha mayma soldádo, ojeity hag̃uáicha Hái ári; ha Josue oiporavo 30.000 kuimba’e imbaretéva, ha omondo ichupekuéra pyharekuépe.

Juéces 20:29

Ha Israel omoĩ ñuhã Gibea jerekue rehe.

Juéces 20:33

Upévo opu’ãmba mayma Israelgua hendaguikuéra, ha oñemohenda oñorãirõ hag̃uáicha Baal-tamárpe; ha umi ambue Israelgua oñemohendava’ekue ñuhã ramo osẽ joa avei hendágui, Gibea ñuguasúgui.

Juéces 20:36

Ha Benjamin ñemoñarenguéra ohechakuaáma ramo sarambi oikoha hesekuéra, Israel ñemoñarenguéra okañy gua’únte Benjaminguakuéragui, ojeroviágui hikuái pe ñuhã omoĩva’ekue rehe Gibea kupépe.

Juéces 9:25

Ha umi Siquemgua omoĩ umi cérrope, Siquem ypýpe, kuimba’ekuéra omonda hag̃ua umi ohasávape upérupi; ha péva oñemombe’uka Abimelécpe.

Juéces 9:32

Upévare pya’e epu’ã, ko pyharépe térã ko’ẽrõ, ha eju nde ha umi kuimba’e nendive oĩva, pemoĩ hag̃ua ñuhã ko táva jerekuévo.

1 Samuel 15:2

Péicha he’i Ñanderuete, yvága atykuéra Jára: Che ahaviráta Amalécpe hembiapo vaikue rehe, Israel osẽ ramo guare Egíptogui, ha’ekuéra ojeity haguére hesekuéra tape rehe.

1 Samuel 15:5

Ha Saul ou Amalec táva ypýpe ha omoĩ ñuhã umi cérro pa’ũme (vállepe).