Josué 7:9

Ñanderuete Ñe’ẽ Porã 2015

Umi Canaangua ha opaite tetãyguakuéra oikóva upérupi ohendu ramo ko’ã mba’e oúta oremongora ha ombogue ore réra yvy árigui; ha upéicharamo, mba’épa Nde rejapóta nde réraguasuetépe g̃uarã.

Referencias Cruzadas

Salmokuéra 115:1

Ani oremomba’eguasu, Nde, ore Ruete, aníkena oréve, nde rérante toñemomba’eguasu, Nde reko poriahuvereko ha ne ñe’ẽ añetegua rehehápe.

Salmokuéra 48:10

Nde réra tuicha háicha, Nde, ore Ruete, peichaite avei ne ñemomba’eguasu, ha péicha nde réra oñemombe’úta yvy rugua paha peve, nde pu’aka henyhẽ justíciagui.

Salmokuéra 79:9

Orepytyvõmína, Nde, ore Ruete, oreguenohẽ ore jejopy vaígui nde réra rehehápe, ha eperdona ore rembiapo vaikue nde réra rayhupápe.

Salmokuéra 83:4

He’i voi hikuái: Peju ha ñahundi ichupekuéra ani hag̃ua oikove tetã ramo, ha anivéma hag̃ua oiko mandu’a Israel réra rehe.

Salmokuéra 83:5

Oñemoĩmbáma peteĩ ñe’ẽme, opu’ã hag̃ua nderehe oikéma hikuái peteĩ ñemoirũme:

Éxodo 32:12

Ma’erã piko Egiptoyguakuéra he’íta: Mba’evairãnte Ha’e oguenohẽ ichupekuéra, ha ojukapa hag̃ua cérro rehe; ha oipe’a hag̃ua ichupekuéra yvy árigui. Embogue nde pochy ha embyasy rejaposégui mba’evaiete ne retãyguakuéra rehe.

Ezequiel 20:9

Che ajapo umi mba’e che réra rehehápe, ani hag̃ua umi tetã oikóva ijerekuévo oñe’ẽvai cherehe, upévagui Che ajehechauka ha ha’éma avei aguenohẽtaha ichupekuéra Egípto retãgui, umi ambue tetã ijerekuévo oĩva guive ohechakuaa hag̃ua che pu’aka.

Joel 2:17

Pa’ikuéra, pende Ruete rembiguái, tojahe’o Ñanderuete rogaguasúpe ha kuave’ẽmby renda pa’ũme. Tojahe’o joa ha toñembo’e, ha te’i hikuái: Nde, ore Ruete, oreporiahuverekomína ha ani reheja ambue tetã ombopoguy ne retã Israélpe. Mba’upépa ambue tetãnguéra he’íta: Mamo piko oime Israel Jára.

Miquéas 7:10

Ha pe cherehe ija’e’ỹva ohecháta umi mba’e ha tuicha oñemotĩta he’i haguére chéve: Mamo piko oime nde Jára, nde Ruete. Upéramo che, ama’ẽta vy’apópe hese oñepyrũmba ramo ha ytýicha oñemombo ramo tapére.

Números 14:13

Moises katu ombohovái Ñanderuetépe: Upérõ umi Egiptoygua ohendúta ko’ã mba’e, ijapytégui reguenohẽva’ekue ko tetã kóva pu’aka ndetuicha rupi.

Juan 12:28

Che Ruete embotuicha nde réra. Upevove ou peteĩ ñe’ẽ yvágagui he’íva: Che ambotuicháma ha ambotuicha jevyva’erã ichupe.

Deuteronómio 9:28

ani hag̃ua pe tetã Nde orerenohẽ haguégui he’ikuaa: Jahve, Ijára ndaikatúigui omoinge ichupekuéra pe yvy ome’ẽséva ichupekuéra, ha ipochýgui hendivekuéra, oguenohẽnte ichupekuéra ojuka hag̃ua desiértope.

Josué 7:10

Ha Ñanderuete he’i Josuépe: Epu’ã, mba’érehepa reñesũ péicha, nde rova yvy rehe.

Josué 7:8

Ore Jaratee, mba’épa ha’éta, Israel okañýma hese ija’e’ỹvagui.

1 Samuel 12:22

Ñanderuete ndopoimo’ãi hetãgui, héra ituichaitégui: Ñanderuete voi pendeporavo oñemomba’e hag̃ua penderehe hetãtee ramo.