Josué 7:5

Ñanderuete Ñe’ẽ Porã 2015

Ha umi Haigua ojuka ijapytégui oiméne 36 kuimba’épe ha omuña ichupekuéra itáva rokẽ guive Sebarim peve oñeguenohẽháme ita, ha sarambi ojapo ijapytepekuéra; ha upévagui Israelguakuéra ipy’a kangypa.

Referencias Cruzadas

Salmokuéra 22:14

Aiko ku y oñeñohẽ háicha, opaite che kanguekuéra ojehekyipa, che py’apy ha’ete ku araitýicha, hyku ohóvo che ryepýpe.

Salmokuéra 58:7

Toguepa rei hikuái umi y osyrývaicha, ha opoi vove hikuái ihu’ykuéra, tove toñepehẽ’ãmba.

Isaías 13:7

Upévare mayma kuimba’e po ikangypa ha ipy’amanomba hikuái.

Ezequiel 21:7

Ha ha’ekuéra oporandu ramo ndéve: Mba’érehe piko nde rejahe’o asy, eréta: Peteĩ marandu vaiete rupi ha péva og̃uahẽ ramo omokangypáta maymaite py’apy ha oipy’apy asýta mayma ánga, ha ýicha ikangypáta opaite yvyarigua renypy’ã; ema’ẽ porãke, outamahína ha katuete ojehupáta, he’iuka pende Ruete.

Levítico 26:36

Ha umi hembýva pende reheguakuéragui ambopy’amirĩta penderehe ija’e’ỹva retãme, peteĩ yvyra rogue ryapúgui okañyva’erã ha okañýta ichugui ku oñekañy ramoguáicha kyse pukúgui, ha ho’ava’erã hikuái avave omuña’ỹre ichupekuéra.

Nahum 2:10

Inandi ha itaperepáma, ipy’akuéra ikangypáma, hetyma ha humbykuéra oryryipa, ha hovakuéra hesa’yjupa.

Deuteronómio 1:44

Upérõ Amorguakuéra, oikóva pe cérrope, ojeity pendeári ha kávaicha penemuña, ha sarambi ojapo pendehegui Seir guive Horma peve.

Josué 2:11

Rohendupa rire ko’ã mba’e, orepy’a kangypa ha peẽ rupi opaite kuimba’e naikyre’ỹvéi, pende Ruete voi ningo yvága ha yvy Jára.

Josué 2:9

Aikuaa pende Jára ome’ẽtaha peẽme ko yvy kóva; rokyhyjepágui pendehegui ha mayma ko’ã tetãygua ipy’a kangypáma okyhyjégui pendehegui.

Josué 5:1

Mayma Amor ruvichakuéra oikóva Jordan mboypýri kuarahyresẽ gotýo, ha mayma Canaan ruvicha oikóva yguasu ypýpe, ohendúvo mba’éichapa Ñanderuete ombohypa pe Jordan ysyry Israel ñemoñarenguéra ohasapa hag̃ua, ipy’a manomba, ha ndaipytuvéi hikuái Israel ñemoñarenguéra renondépe.