Josué 7:1

Ñanderuete Ñe’ẽ Porã 2015

Peteĩ Israelgua katu opyrũ Ñanderuete ñe’ẽ rehe, oñongatu ijupe g̃uarãnte umi mba’e oñemaldeci mbyrévagui: Acan, Carmi ra’y, Zabdi ra’yre, Zera ra’yre, Juda tríbu reheguáva, ojapyhy pe oñemaldeci mbyrévagui, upévare Ñanderuete ipochy Israel retã rehe.

Referencias Cruzadas

Genesis 34:27

Ha Jacóbo ra’ykuéra oike pe távape, ha omondapa omongy’a haguére hikuái heindýpe.

2 Samuel 24:1

Ñanderuete ipochy Israel ndive, David oñembotuicha haguére ipy’apýpe, upévare Ñanderuete voi omoinge David akãme ha’e oipapauka hag̃ua Israel ñorãirõharakuérape, upévare David he’i Joábpe: Tereho ha eipapa Israelgua ha Judayguakuérape.

2 Réyes 5:24

Ha péicha oho, ha og̃uahẽvo peteĩ ógape ñemiha meguápe, Gejazi ojapyhy ipógui ha oñongatu pe ógape; upéi he’i umi kuimba’épe oho jevy hag̃ua.

1 Crónicas 21:7

Ko’ã mba’e ndo’a porãi avei Ñanderuetépe, ha ombohasy Israélpe.

2 Crónicas 24:18

Upérõ opoi hikuái Ñanderuete, ituvakuéra Járagui, ha omomba’eguasu hikuái umi Asera ra’ãngápe, ha ta’ãnga ojejapopyrévape. Ko’ã angaipa rupi Ñanderuete ipochy Juda ha Jerusalenguakuéra ndive.

Ésdras 9:6

Ha ha’e: Che Jára, che py’a tarova ha atĩeterei amopu’ã hag̃ua Che Jára renondépe ko che rova, ko’ã ore rembiapo vaiete oñemboheta hetavégui ore akã ári, ha ore rembiapo vaikue (angaipa) okakuaáma yvága peve.

Job 35:8

Ndeichagua kuimba’e ohupityva’erã iñaña térã heko potĩ repyrã.

Eclesiástes 9:18

Pe arandu iporãiteve umi tembiporu ñorãirõ meguágui; pe hembiapo vaíva katu ombyaikuaa heta mba’eporã.

Daniel 9:7

Nde, ore Jára, nde rembojovake hekoitépe, ore rotĩ ne renondépe ojehechauka háicha Judaygua, Jerusalengua ha opaite Israel retãygua rekovépe, tetã ag̃ui térã mombyrýpe roikóva, Nde voi oremosarambi opárupi ore roñemoĩ haguére nderehe.

Levítico 10:6

Upéramo Moises he’i Aaron ha ita’yrakuéra hembývape, Eleazar ha Itamárpe: Anítei peiko akã chara ha anítei pemondoro pende ao pehechauka hag̃ua peñembyasyha ỹrõ pemanóta avei, ha anítei ho’a Ñanderuete pochy Israel retã ári, pene pehẽnguekuéra ári; mayma Israel rogaygua katu oñembyasy joa Ñanderuete ohapy haguére ichupekuéra.

Jonas 1:7

Ha umi kuimba’e barcoguasu pegua he’i hikuái ojupe: Jaity po’a jaikuaa porã hag̃ua máva rupípa ko’ã mba’evai ojehu ñandéve. Ha oitývo po’a, ho’a Jonas rehe.

Josué 22:16

Mba’eichagua tembiapo vai piko pejapopeína pepyrũvo Israel Jára ñe’ẽ rehe ha peñemboykévo Ñanderuete rapégui, pemopu’ãvo pendejupe g̃uarã peteĩ kuave’ẽmby renda peñemoĩvo Ñanderuete rehe.

Josué 22:18

Ha peẽ avei peñemboyke ko ára kóvape Ñanderuete rapégui peñemoĩ hag̃ua hese, ha ko’ẽ ramo ára Ha’e ipochýta mayma Israelguakuéra rehe.

Josué 22:20

Acan, Zera ra’ýpa ndojapóira’e mba’evai ogueraháva umi mba’e oñemaldeciva’ekue ha Ñanderuete pochy ou mayma Israelguakuéra ári, ha pe kuimba’e péva nomanói ha’eño heko ñaña rupi, (oguerahávo heta ambue Israelgua iñemanóme, Jos. 7, 1-26).