Josué 5:1

Ñanderuete Ñe’ẽ Porã 2015

Mayma Amor ruvichakuéra oikóva Jordan mboypýri kuarahyresẽ gotýo, ha mayma Canaan ruvicha oikóva yguasu ypýpe, ohendúvo mba’éichapa Ñanderuete ombohypa pe Jordan ysyry Israel ñemoñarenguéra ohasapa hag̃ua, ipy’a manomba, ha ndaipytuvéi hikuái Israel ñemoñarenguéra renondépe.

Referencias Cruzadas

Genesis 12:6

Abram ohasa upérupi Siquémpe, More pegua yvyra encína peve; ha upéramo umi Canaangua oiko pe tetãme.

Genesis 48:22

Ha che ame’ẽ ndéve hetave yvy nde ryke’ykuéragui, che aipe’ava’ekue Amorguakuéra pógui che kyse puku ha che guyrapa rupi.

2 Samuel 21:2

Upémaramo tetã ruvicha David ohenói umi Gabaonguápe, ha oñe’ẽ hendivekuéra. Umi Gabaongua ndaha’éi Israel ra’ykuéra, ha’ekuéra Amorguakuéra rembyrénte, ha Israel ra’ykuéra oñembopy’apeteĩva’ekue hendivekuéra, Saul katu oñeha’ã ojukapa hag̃ua ichupekuéra ohayhuitereígui Israel ha Juda ra’ykuérapente.

1 Réyes 10:5

imesa rembi’u, imburuvichakuéra koty, hembiguaikuéra resãi, ijao jegua, hembiguái ruvichakuéra, ha umi kuave’ẽmby oikuave’ẽva hikuái Ñanderuete rogaguasúpe, opyta ipy’andýi ha ijurujái.

Ésdras 9:1

Ojejapopa rire ko’ã mba’e, umi Júda pegua karai anciáno, ou che rendápe, ha he’i: Israel retãygua, umi pa’i ha Leviguakuéra noñemboykéi ambue tetãnguéragui oikóva avei ko tetãme: Umi Canaanguágui, Hetguágui, Ferezguágui, Jebusguágui, Amonguágui, Moabguágui, Egiptoyguágui ha Amorguágui, oiko vai uvei hikuái.

Salmokuéra 135:11

Sehon, Amor retã ruvichápe; Og, Basan retã ruvichápe; ha Canaan retã ruvichakuéra maymávape.

Éxodo 23:28

Ne renonderãme amondóta káva pytã oguenohẽva’erã okápe Hevgua, Canaangua ha Hetguakuérape hetãgui.

Isaías 41:5

Umi tetã yguasu rembe’y rupigua ohecha joáma ha okyhyjepa; ha umi yvy apýra paha pegua oñemondyipa ryryipópe; oñembyatypáma, ha ou joa hikuái.

Ezequiel 16:3

ha ere: Péicha he’i pende Ruete Jerusalen rehe: Nde renace Canaan retãme; nde ru peteĩ Amorgua ha nde sy peteĩ Hetgua.

Ezequiel 21:7

Ha ha’ekuéra oporandu ramo ndéve: Mba’érehe piko nde rejahe’o asy, eréta: Peteĩ marandu vaiete rupi ha péva og̃uahẽ ramo omokangypáta maymaite py’apy ha oipy’apy asýta mayma ánga, ha ýicha ikangypáta opaite yvyarigua renypy’ã; ema’ẽ porãke, outamahína ha katuete ojehupáta, he’iuka pende Ruete.

Daniel 5:6

Ha upévo pe tetã ruvicha rova oñemoambue, ipy’a kangypa, ipy’a tarova ha henypy’ã oñembota mbota ojuehe.

Amos 2:9

Che ahundíta katu henonderãme umi Amor retãyguápe, ha’ekuéra ituicha cédroicha ha imbarete urunde’ýicha, Che katu ambyai hi’a ijyvyra rakãre ha hapo yvy guýpe.

Números 13:29

Amalecgua oiko Négevpe, Hetgua, Jebusgua ha Amorgua oiko cerrokuéra oĩháme, ha Canaangua oiko yguasu rembe’ýpe ha Jordan rembe’ýpe.

Josué 17:12

Ha Manases ñemoñarenguéra ndaikatúi omosẽ Canaanguakuérape ko’ã 4 táva tuichávagui (itava’ikuéra katu ho’a Israelguakuéra pópe), upévare Canaanguakuéra oñemoĩ Israelgua rehe.

Josué 17:18

Pende ka’aguy ha penderehe ija’e’ỹva ka’aguy ituicha, upévare peity ha peguerekóta heta kokue rendag̃ua, ha uperire katuete pembopoguýta avei umi Ferezgua ha Refayguakuérape, oguereko ramo jepe cárro hierroguiguáva ha imbarete ramojepe hikuái.

Josué 24:15

Ha ivai ramováicha peẽme peiko hag̃ua pende Ruete rembiguái ramo, peiporavóke mávapepa peikose tembiguái ramo: Pende ru jára gua’u ysyry Éufrates mboypýri guarépe, térãpa Amorgua jarakuérape, ijyvýpe peikopeína. Che ha che róga katu roikóta Ñanderuete rembiguái ramo.

Josué 3:16

Umi y oúva yvatéguio opytapa tápiaicha ojejokógui, mombyry porã Adan távagui, opytáva Saretan ykére, ha umi y yvy gotyoguáva ojepoi Araba Yguasu Juky peguápe (Mar Saládope) opa peve; ha Israelguakuéra ohasa Jerico gotýo.

Josué 3:17

Ha umi pa’i oguerahavahína Ñanderuete karameg̃ua opyta ñembo’yháme, ipy ikãháme Jordan mbytépe, umi tetãygua ohasapa peve Jordan mboypýri; ha mayma Israelgua ohasa Jordan py ikãha rupi.

Apocalípsis 18:10

Oñemomombyry hikuái ichugui okyhyjégui ijehavirágui ohupitýrõ g̃uarã avei ichupekuéra, ha he’i joa: Angái, angái, pe tavaguasuete, pe Babilónia tuichaitéva, peteĩ hórape reñehundi.

Juéces 1:1

Ha ojehu Josue omano rire, umi Israel ñemoñare omba’eporandu Ñanderuetépe he’ívo: Máva raẽpa ore apytégui ohóta ojeity hag̃ua Canaanguakuéra ári.

Juéces 11:23

Ha Ñanderuete, Israel Jára, oipe’a rire Amorgua yvy ome’ẽ hag̃ua hetã Israélpe, nde piko ko’ág̃a reñemomba’e jevyse hese.

Juéces 3:3

Umi 5 Filisteaygua ruvicha, hembýva Canaangua yvýpe, umi Sidongua ha umi Hevgua, oikóva Líbano cérrope Baalhermon cérro guive Hamat peve,

Juéces 4:2

Ha Ñanderuete ome’ẽ ichupekuéra Jabin, Canaan retã ruvicha pópe, ha péva oiko tetã ruvicha ramo Hazórpe; ha isoldádo aty ruvicha héra Sísara, ha péva oiko Haroset-goímpe.

1 Samuel 25:37

Ha ko’ẽramo, Nabal ojeráma ramo oka’u rire, hembireko omombe’upa ichupe ojehuva’ekue guive; ha upéva ombopy’a kangy ichupe, ha opyta peteĩ itáicha.