Josué 4:9

Ñanderuete Ñe’ẽ Porã 2015

Josue omopu’ãuka ambue 12 itaguasu Jordan mbytépe, umi pa’i oguerahava’ekue Ñanderuete karameg̃ua oñembo’y haguépe; ha upépe oĩ gueteri ko ára kóva peve.

Referencias Cruzadas

Genesis 26:33

Ha Isaac ombohéra pe ykua Séba; ha upéicharupi upe táva héra Beerséba (ykua oñoñe’ẽme’ẽ haguépe) ko ára kóva peve.

Genesis 28:18

Ha opu’ãvo Jacóbo pe pyharevete ojapyhy pe ita omoĩmava’ekue iñakã guýpe, ha omopu’ã ichugui techaukaha ramo, ha oñohẽ hi’ári acéite.

2 Samuel 4:3

Ko’ã Beerotgua okañyva’ekue hikuái Gitaímpe, ha oiko upépe mbohupa ramo ko ára peve.

1 Réyes 18:31

Ha Elías omboguapy 12 itaguasu oĩ háicha, Jacóbo ra’ykuéra ha Israel tribukuéra ha oje’eva’ekue Jacóbope Ñanderuete ñe’ẽ rupi, Israel nde rérata.

2 Crónicas 5:9

Hi’ýva ojehechakuaa pe kotyguasúgui oñemboykéva pa’ikuérape g̃uarã, ndojehechái okáguio; ha upépe opyta ko ára peve.

Éxodo 24:12

Upéramo Ñanderuete he’i Moiséspe: Ejupi che rendápe ko cérro ru’ãme, ha epyta upépe ame’ẽ hag̃ua ndéve ita ipéva, oĩháme umi tembiapoukapy ha mbo’epy ahaiva’ekue rehekombo’e hag̃ua ichupekuéra.

Éxodo 28:21

Oĩva’erã 12 ita vera, oĩgui avei 12 Israel tríbu; umi ita oguerahava’erã umi 12 tríbu réra, peteĩ itáre ojehaiva’erã peteĩ térante.

Matéo 27:8

Upévare, pe tenda ko’ág̃a peve oñembohéra: Tuguy Ñu.

Matéo 28:15

Ha’ekuéra ojapyhy pe pirapire ha ojapo oje’e háicha ichupekuéra ha upéicha ko ñe’ẽ kóva oñemosarambi opaite Judaygua apytépe ko ára kóva peve.

Deuteronómio 34:6

Ha oñeñotỹ ichupe Moab yvypépe, Bet-peor rovái; avave ndoikuaái katu ityvy oñeñotỹ haguépe ichupe ko ára kóva peve.

Josué 24:26

Ha Josue ohai ko’ã ñe’ẽ Ñanderuete kuatiañe’ẽme oĩháme hembiapoukapykuéra; ha ojapyhy peteĩ ita tuicháva, omopu’ã pe encína (yvyra) rakã guýpe, oĩva Ñanderuete róga jojohuha ypýpe.

Josué 4:10

Ha umi pa’i ogueraháva pe karameg̃ua oñembo’y Jordan mbytépe ojejapo peve opaite mba’e Ñanderuete he’iva’ekue Josuépe ha ha’e ojapouka Israelguakuérape, Moises he’i haguéicha Josuépe; ha Israelguakuéra oñembopya’epya’e ohasa hag̃ua Jordan mboypýri.

Juéces 1:26

Ha pe kuimba’e oho umi Hetgua yvýpe ha omopu’ã ambue táva, ha ombohéra avei Luz; ha péicha héra ko ára kóva peve.

1 Samuel 30:25

Péva opyta tembiapoukapy ramo pe ára guive Israel retãme.

1 Samuel 7:12

Ha Samuel ojapyhy peteĩ ita ha omoĩ Mizpa ha Sen paũme, ha ombohéra Eben-ha-ézer, he’iséva: Ápeve Ñanderuete ñanepytyvõ.