Josué 4:6

Ñanderuete Ñe’ẽ Porã 2015

Ko’ãva pejapo oiko hag̃ua pende apytépe peteĩ techaukaha ramo; ha pene ñemoñarenguéra oporandu ramo ituvakuérape ambue ára, ha he’írõ: Mba’éiko he’ise ko ita atýra,

Referencias Cruzadas

Salmokuéra 44:1

Nde, ore Ruete, ore apysakuéra rupive rohenduva’ekue, ore rukuéra omombe’uva’ekue oréve pe tembiapo rejapova’ekue hi’arakuérape, umi ára ymaguarépe.

Salmokuéra 71:18

Chetujáma ningo ha che akã rague morotĩmbámarõ jepe, Nde, che Ruete, ani chereja rei, amombe’uve hag̃ua nde pu’aka ha ne mbaretekue che ñemoñarenguérape ha mayma ouva’erãvape.

Éxodo 12:14

Ko ára kóva oikóta peẽme mandu’arã ha pemboaretéta areteguasu ramo pene ñemoñarenguéra ndive pende Ruetépe g̃uarã, kóva ningo che rembiapoukapy opaite árape g̃uarã.

Éxodo 13:14

Ko’ẽ ramo ára nde ra’y oporandúrõ ndéve, he’ívo: Mba’épa he’ise ko’ã mba’e kóva, eréta ichupe: Ñanderuete oreguenohẽ pyapy mbaretepópe Egíptogui, tembiguái rekógui;

Éxodo 13:9

Ha oikóta peẽme g̃uarã techaukaha ramo ha peteĩ mandu’aha ramo pende resa renondépe, Ñanderuete rembiapoukapy oĩ hag̃ua pende jurúpe, Ha’e ñanerenohẽgui pu’aka mbaretépe Egíptogui.

Éxodo 31:13

Nde reñe’ẽta Israel ñemoñarenguérape, erévo: Añetehápe peẽ pemboareteva’erã che pytu’uha ára; péva ningo techaukaha chéve ha peẽme g̃uarã pene ñemoñarenguéra peve, peikuaa hag̃ua Cheha pende Ruete, penemboheko potĩva.

Isaías 38:19

Pe oikovévante ikatu nemomba’eguasu, che romomba’eguasu háicha ko ára kóvape; pe túva oikuaauka ita’yrakuérape ne añetegua.

Isaías 55:13

Ñuatĩ rendaguépe okakuaáta yvyra cipres, ha pyno rendaguépe okakuaáta mírto (arraján); upévarupi oñemomba’eguasúta Ñanderuetépe, ha ko’ã mba’e opytáta techaukaha ramo tapia g̃uarã.

Ezequiel 20:12

Ha hi’ári ame’ẽ avei ichupekuéra umi pytu’uha ára, oiko hag̃ua techaukaha ramo Che ha ha’ekuéra pa’ũme, oikuaa hag̃ua hikuái Che Ijaraha, ha Che voi aiporavo hague ichupekuéra ha amboyke hague ichupekuéra che retãteerã ramo opaite tetãnguéra apytégui.

Ezequiel 20:20

peñongatu che pytu’u ára, oiko hag̃ua techaukaha (señal) ramo Che ha pene pa’ũme, ha peikuaa hag̃ua Cheha pende Ruete, pende Jaratee.

Números 16:38

Imyatatĩha rupi ijarakuéra oñemoangaipava’ekue; ko’ág̃a peinupã umía martíllope ha pemopererĩ, pemo’ã hag̃ua pe kuave’ẽmby renda tápia; oikuave’ẽgui hikuái ipype ha oñemboykemava’ekuégui Ñanderuetépe g̃uarã, ha oikóta mandu’aha ramo Israel ñemoñarenguérape g̃uarã.

Apostolkuéra 2:39

Peẽme g̃uarã, pene ñemoñarenguérape g̃uarã ha tetã ambueyguakuérape g̃uarã oñeme’ẽ avei ko promésa Pytu Porãmbáva rehegua, opaite umi ohenóiva guive Ñanderuetépe.

Deuteronómio 11:19

Pembo’e pende ra’ykuérape Ñanderuete ñe’ẽ rehe, peguapy jave pende rógape, peikóvo tape rehe, peñenóvo térã pepu’ãnguévo,

Josué 22:27

Oiko hag̃uánte techaukaha ramo (techahare) ore ha pene ñemoñarenguéra apytépe, ikatuha ore roikuave’ẽ avei Ñanderuete renondépe (Jerusalénpe) ore kuave’ẽmby ojehapypáva ha ore kuave’ẽmby py’aguapy reheguáva; ani hag̃ua he’ítei ko’ẽrõ pende ra’ykuéra ore ra’ykuérape: Peẽ ndapeguerekoiha mba’eve Ñanderuete ndive.

Josué 4:21

Ha he’i Israelguakuérape: Ko’ẽ ramo ára pene ñemoñarenguéra oporandu ramo ituvakuérape he’ívo: Mba’éiko he’ise ko’ã ita.

Josué 4:5

ha he’i ichupekuéra: Peju Ñanderuete karameg̃ua renondépe pe ysyry Jordan mbytépe, ha peteĩteĩva pejapyhy peteĩ itaguasu ha pehupi pende ati’y ári, Israel tríbu heta háicha.