Josué 3:7

Ñanderuete Ñe’ẽ Porã 2015

Upéramo Ñanderuete he’i Josuépe: Ko ára guive añepyrũta ajapo mba’e guasu nderupi mayma Israel resa renondépe, oikuaa hag̃ua hikuái aĩtaha nendive aime haguéicha Moises ndive.

Referencias Cruzadas

1 Crónicas 29:25

Ha Ñanderuete ombotuichaite Salomónpe opaite Israelguakuéra resa renondépe, ha’eichagua tetã ruvicha ndaipóri araka’eve Israel retãme.

2 Crónicas 1:1

Salomon, David ra’y, oñemoĩ hatã Israel retã ruvicha ramo Ñanderuete, Ijára oĩgui hendive ha ombotuicha ichupe.

Job 7:17

Mba’e piko pe yvyarigua, Nde rehechakuaa hag̃ua ichupe ha rejepy’apy hag̃ua hese.

Salmokuéra 18:35

Nde rembohasa chéve ne mo’ãha cheñu’ã hag̃ua, nde akatúa oñangareko porã cherehe, ha nde poriahuvereko chemopu’ã.

Juan 17:1

Ko’ã mba’e ko’ãva Hesu oñe’ẽvo ojesaupi yvága rehe ha he’i: Che Ruete og̃uahẽma pe hóra rembotuicha hag̃ua nde Ra’ýpe, ha nde Ra’y nembotuicha hag̃ua avei ndéve.

Filipoyguakuérape 1:20

péva ningo che esperánza ha mba’evépe nañemotĩmo’ãi, py’aguasuetépe uvei ambotuicha Hesu Crístope jepiguáicha che rekove rupi, taha’e che rekove rupi térã che ñemano rupi.

Josué 1:17

Oreñe’ẽrendu haguéicha Moiséspe, péicha oreñe’ẽrendúta avei ndéve, Ñanderuete, nde Jára, oĩ ramo nendive, oĩ haguéicha Moises ndive.

Josué 1:5

Avave noñemoĩmo’ãi nderehe reikove aja pukukue; aime haguéicha Moises ndive, peichaite aiméta avei nendive, ndorohejamo’ãi ha noromotyre’ỹmo’ãi.

Josué 1:9

Ema’ẽ porãke, Che ha’éma ndéve eñeha’ãmba ha eñembopy’aguasu; ani rekyhyjétei ha ani ndepy’akangýtei, pende Ruete, pende Jára, oĩta nendive mamo rehoha rupi.

Josué 3:6

Ha Josue oñe’ẽ pa’ikuérape, ha he’i: Pejapyhy pe karameg̃ua ñembopy’apeteĩ reheguáva, ha pehasa tetãyguakuéra renonderãme. Ha ojapyhy hikuái pe karameg̃ua ñembopy’apeteĩ reheguáva ha oho hikuái hetãyguakuéra renonderãme.

Josué 3:8

Nde eréta umi pa’ípe ogueraháva pe karameg̃ua ñembopy’apeteĩ reheguáva: Ág̃a peike vove pe Jordan ýpe, pepytáta hembe’yetépe.

Josué 4:14

Pe ára pévape Ñanderuete ombotuicha Josuépe hetãyguakuéra resápe; ha’ekuéra okyhyje ha iñe’ẽrendu hag̃ua Josuépe, iñe’ẽrendu ha okyhyje haguéicha Moisésgui.