Josué 3:1

Ñanderuete Ñe’ẽ Porã 2015

Josue ha Israel ñemoñarenguéra opu’ã pyhareve oipykúi hag̃ua Sitímgui ha ou Jordan rembe’y peve, ha ohasa mboyve opytu’u hikuái upépe.

Referencias Cruzadas

Genesis 21:14

Upémaramo Abraham opu’ã pyharevete, ha ojapyhy pan ha peteĩ yryru kavara pirekueguiguáva, omoĩ hag̃ua Agar ati’y ári, ha ome’ẽ ichupe avei pe mitãrusu, ha omondo hikuái hógagui. Agar oho ha oiko rei tetã ambueygua ramo Beerséba desiertoguasúre.

Genesis 22:3

Ha Abraham opu’ã pyharevete, ha ombyape hymba búrro ha ogueraha hendive mokõi hembiguái ha ita’ýra Isaácpe; ha oikytĩ jepe’a pe kuave’ẽmbýpe g̃uarã, ha oho Ñanderuete he’i haguépe ichupe.

Salmokuéra 119:60

Añembopya’e pya’e ha nañemombeguéi ajapo hag̃ua ne rembiapoukapykuéra.

Jeremías 25:3

Josías, Amon ra’y, Juda retã ruvicha oisãmbyhy rire 13 áño guive ko ára kóva peve ohasa 23 áño ha opaite ára ou chéve Ñanderuete ñe’ẽ ambohasa hag̃ua peẽme ha upeichavéramo jepe napehenduséi.

Jeremías 26:5

ha peẽ ndapejapysaka porãi ramo che rembiguái profetakuéra ñe’ẽ rehe, Che amondova’ekue peẽme, iñepyrũmby guive ko’ág̃a peve,

Jeremías 7:13

Ha ko’ág̃a, peẽ pejapopeína ko’ã tembiapo ivaíva, he’i pende Ruete, Che poavisa porã ramojepe ko’ẽ ko’ẽ rehe napehenduséi, ha pohenói ramojepe peẽ napepenái cherehe.

Miquéas 6:5

Nde, che retã, nemandu’áke mba’épa Balac, Moab retã ruvicha, ojaposeva’ekue penderehe ha mba’épa Balaam, Beor ra’y, ombohovái ichupe, ha mba’épa ojehu pe tapére Sitim guive Gilgal peve, peikuaa porã hag̃ua Ha’e penepytyvõ porã hague, (Números 25,1; Josue 4,19-20).

Números 25:1

Israel oiko ramoguare Sitímpe, hetãyguakuéra oñepyrũ oiko Moab rajykuéra ndive,

Márcos 1:35

Ha opu’ã ko’ẽmbotávo, pytũmi gueteri, osẽ ha oho oñembo’e hag̃ua peteĩ desiértope.

Josué 2:1

Josue, Nun ra’y, omondo Sitim guive mokõi kuimba’e omaña ñemi hag̃ua ha he’i ichupekuéra: Tapeho Jericópe, pehecha ha peikuaa porã hag̃ua pe yvy péva. Ha’ekuéra oho ha oike peteĩ kuña reko vaíva rógape, héra Rahab, ha opyta hikuái upépe.

Josué 6:12

Ha Josue opu’ã ambue pyhareve, ha pa’ikuéra ojapyhy Ñanderuete karameg̃ua.

Josué 6:15

Pe ára 7-hápe katu opu’ã hikuái ko’ẽtĩ jave ha peichaite ojere jevy jey pe táva rehe 7 jevy (véces); ko árapente ojere hikuái Jerico táva rehe 7 jevy.

Josué 7:16

Ha Josue opu’ã pyhareve, omog̃uahẽ hag̃ua Israelguakuérape itribukuéra rupi, ha pe po’a ho’a Juda tríbu rehe.

Josué 8:10

Josue opu’ãvo pyharevete oipapa isoldadokuérape, ha hendivekuéra oho avei Israel karai ancianokuéra, isoldadokuéra renonderãme ojeity hag̃ua Haiguakuéra ári.

Juéces 20:19

Ha opu’ã Israel ñemoñarenguéra pyhareve, ojeity hag̃ua Gibea ári.

1 Samuel 17:20

Upéicha David opu’ã pyharevete ha oheja umi ovecha ambuépe oñangareko hag̃ua, ha oho heta mba’e reheve itúva he’i haguéicha; ha ha’e og̃uahẽ pe atyguasúpe, oñembosako’i jave hikuái ojeity hag̃ua ojo’ári ha oiko ñorãirõ sapukaiguasu.