Josué 2:9

Ñanderuete Ñe’ẽ Porã 2015

Aikuaa pende Jára ome’ẽtaha peẽme ko yvy kóva; rokyhyjepágui pendehegui ha mayma ko’ã tetãygua ipy’a kangypáma okyhyjégui pendehegui.

Referencias Cruzadas

Genesis 35:5

Upéi osẽ hikuái, ha peteĩ kyhyjeguasu Ñanderuetégui ho’a umi táva ha ijerére oĩva, upévagui avave nomuñái Jacóbo ra’ykuérape.

2 Samuel 17:10

Upérõ pe kuimba’e ipy’aguasúva ku leõicha, ipy’a kangyva’erã; opaite Israelgua oikuaa porãgui nde ru kuimba’e ipy’aguasuveha, ha opaite oĩva guive hendive avei.

2 Réyes 5:15

Upéi oho jevy Eliséo rendápe, ha’e iñirũnguéra ndive, ha oñemoĩ henondépe ha he’i: Péina ápe ko’ág̃a aikuaáma ndaiporiha ambue Jára ko yvy apére, Israel Jára añónte oĩ. Ajerure ndéve rejapyhy hag̃ua jopoimi ne rembiguáigui.

2 Réyes 7:6

Ñanderuete ojapóra’e umi Siriaygua ohendu hag̃ua ijatyhápe cárro ryapueta, kavaju ryapueta ha peteĩ soldádo aty ndetuichaitéva ryapu; ha he’i ojupe hikuái: Péina ápe Israel retã ruvicha ojapyhy pirapire rehe Hetgua ruvicha ha Egípto ruvichakuéra oñorãirõ hag̃ua ñanendive.

Nehemías 6:16

Ha péva ohendúvo umi orerehe ija’e’ỹva okyhyjepa, ha oñemomirĩmba hikuái, ohechakuaágui hikuái ko tembiapo kóva ore Jára rupi ae ojejapopa jevy hague.

Ester 8:17

Ha umi tetã ha umi táva rupi mamo og̃uahẽha rupi tetã ruvicha rembiapoukapy, umi Judaygua ovy’a joa ha vy’apópe ojapo karuguasu pe ára pévape. Ha heta umi tetãygua yvy ape arigua apytépe oiko Judaygua ramo, okyhyjégui Judayguakuéragui.

Job 19:25

Che katu aikuaa porã che Salvador (Pytyvõharaite) oikoveha ha ipahápe opu’ãtaha chepytyvõ jevy hag̃ua ko yvy apére,

Salmokuéra 112:10

Upe tekove ñaña ohecha ramo upéva ipochyetereíta, omopururũta hãinguéra ha ikusuguepáta. Umi tekove ñaña rembipota katuete opa reiva’erã.

Salmokuéra 115:16

Umi yvága Ñanderuete mba’e, ha pe yvy Ha’e ome’ẽva’ekue yvyariguakuérape g̃uarã.

Éxodo 18:11

Ko’ág̃a aikuaa Ñanderuete ituichaveha opaite ambue jarakuéragui; ipu’akágui umi oñembotuichava’ekue rehe.

Éxodo 23:27

Che amondóta kyhyje ne renonderãme, amongyhyjéta opaite tetãyguakuéra mamo nde reikehápe ha nderehe ija’e’ỹva okañymbáta hikuái.

Eclesiástes 8:12

Pe iñañáva ojapo vai ramojepe 100 tembiapo vai; upeichavéramo jepe ojeheja ha’e oikove puku; aikuaa porã jepe ipahápe pe heko potĩvape g̃uarã opaite mba’e oho porãmbaha, okyhyjégui Ñanderuetégui.

Isaías 19:1

Marandu Egípto rehe. Pema’ẽ porãkena, Ñanderuete ou peteĩ arai ipya’évape ha oikéta Egíptope, upérõ ijára gua’u oryryipáta ha umi Egiptoygua ipy’amanombáta.

Isaías 23:5

Umi Egiptoygua ohendu vove, umi mba’e ojehúva Tírope, oryryipáta.

Jeremías 27:5

Che pu’akapa ha che pyapy mbarete rupi ajapomava’ekue ko yvy, yvyarigua ha mymbakuéra oiko hag̃ua ko yvy apére, ha Che ame’ẽta che pu’aka upe aipotávape.

Nahum 2:10

Inandi ha itaperepáma, ipy’akuéra ikangypáma, hetyma ha humbykuéra oryryipa, ha hovakuéra hesa’yjupa.

Números 20:14

Cádesgui Moises omondo ñe’ẽrerahahára Edom retã ruvichaguasu rendápe, ha he’iuka ichupe: Péicha he’i Israel, nde ryvy; nde reikuaa porã voi, opaite mba’e rohasáva rohóvo;

Números 20:24

Aaron oñembojátama hetãygua omanomava’ekue rendápe, ha’e ndoikemo’ãi pe yvy Che ame’ẽtava Israel ñemoñarenguérape, napeneñe’ẽrendúigui pe y Cadesguápe.

Matéo 20:15

térãpa ndaikatúi ajapo ajaposéva che mba’égui. Térãpa nde ndepy’arasy chendive chepy’a porã haguére.

Deuteronómio 11:25

Avave noñemoĩmo’ãi penderehe; Ñanderuete omongyhyjétagui opaite tetãme oñemoĩséva pene renonderãme, Ha’e he’i haguéicha peẽme.

Deuteronómio 2:25

Ko árape añepyrũta amongyhyje ha amondýita pendehegui mayma tetãyguakuéra oĩva guive ára guýpe, ohendúvo hikuái pene rerakuãguasu, oryrýi ha ipy’atarováta pene renondépe.

Deuteronómio 28:10

Ha mayma tetã yvy arigua ohechava’erã Ñanderuete, pende Jára réra oñehenoiha pene retãme ha okyhyjeva’erã hikuái pendehegui.

Deuteronómio 32:8

Pe Ijyvatetéva omohenda ramoguare tetãnguérape ijyvýre, omboja’óvo tetãnguéra ojuehegui, ome’ẽ avei Israel ñemoñarenguérape ijyvy ha peteĩteĩvape iloterã.

hebreoyguakuerape 11:31

Rahab, peteĩ kuña reko vai, ojeroviágui nomanói iñe’ẽrendu’ỹva ndive, omog̃uahẽ porãgui hógape mokõi Israelguakuéra rembijokuáipe (pyraguépe), oma’ẽ ñemíva Jerico táva rehe.

Josué 2:11

Rohendupa rire ko’ã mba’e, orepy’a kangypa ha peẽ rupi opaite kuimba’e naikyre’ỹvéi, pende Ruete voi ningo yvága ha yvy Jára.

Josué 2:24

Ha he’i hikuái Josuépe: Ñanderuete omoĩmbáma pe yvy ñande pópe; ha mayma hetãygua ipy’a kangýma ñane renondépe.

Josué 2:8

Umi Israelgua oke mboyve, pe kuña ojupi hendapekuéra, hóga ape ári, ha he’i ichupekuéra:

Josué 5:1

Mayma Amor ruvichakuéra oikóva Jordan mboypýri kuarahyresẽ gotýo, ha mayma Canaan ruvicha oikóva yguasu ypýpe, ohendúvo mba’éichapa Ñanderuete ombohypa pe Jordan ysyry Israel ñemoñarenguéra ohasapa hag̃ua, ipy’a manomba, ha ndaipytuvéi hikuái Israel ñemoñarenguéra renondépe.

Josué 6:2

Ñanderuete katu he’i Josuépe: Ema’ẽ porã, Che amoĩma nde pópe Jerico ruvicha ha isoldadokuéra.

Josué 9:10

ha opaite mba’e ojapova’ekue Amorgua retã ruvicha mokõivéva rehe, oikova’ekue Jordan mboypýri: Sehon, Hesbon ruvicha rehe, ha Og, Basan ruvicha rehe, oikova’ekue Astarótpe.

Josué 9:24

Ha’ekuéra oñe’ẽ jevy Josuépe ha he’i: Ne rembiguaikuéra oikuaa voi pende Ruete, pende Jára he’i hague hembiguái Moiséspe ome’ẽtaha peẽme opaite ko’ã yvy, ha ohundipava’erãha opaite tetãyguakuéra oikóva guive ipype, ko’ã mba’égui ore rokyhyjeiterei ha upévagui rojapo ko’ã mba’e.

Josué 9:9

Ha ha’ekuéra he’i jevy: Ne rembiguaikuéra ou tetã mombyryetereígui, oñemoherakuãguasu oréve pende Ruete réra ha opaite mba’e Ha’e ojapova’ekue Egíptope,

Juéces 7:14

Ha iñirũ he’i ichupe: Péva hína Gedeon, Joas ra’y, Israelgua kyse puku, Ijára omoĩta opaite Madiayguakuéra hekoha reheve Gedeon pópe.