Josué 2:6

Ñanderuete Ñe’ẽ Porã 2015

Ha’e katu oñongatu ichupekuéra hóga ape ári, ha oñomi ichupekuéra ka’avo inimborã jokuapy guýpe, omoĩva’ekue upépe ombokuarahy hag̃ua.

Referencias Cruzadas

2 Samuel 11:2

Ojehu ningo peteĩ árape Israelguakuéra osẽ rire ñorãirõme, David opu’ã ka’aru hupágui ha oho oguata hóga ape ári, ha upeguive ohecha peteĩ kuña iporãitéva ojahuhápe.

2 Samuel 17:19

Pe kuñakarai óga jára katu ogueru peteĩ ahoja ha oipyso pe yvykua juru ári, ha omyasãi hi’ári mba’e ra’ỹi oñembyatyramóva; ha avave ndohechái mba’eve.

1 Réyes 18:13

Noñemombe’úi piko ndéve che járape che ajapova’ekue, ko Jezabel ojuka ramoguare Ñanderuete profetakuérape, che amokañy hague 100 Ñanderuete profétape, 50 amokañy peteĩ itakuaguasúpe ha 50 ambue itakuaguasúpe, ha amongaru ichupekuéra pan ha y reheve ko’ág̃a peve.

1 Réyes 18:4

Pe Jezabel, Acab rembireko, ojukárõ guare Ñanderuete profetakuérape, Abdías ojapyhy 100 profétape, ha omokañy 50 peteĩ itakuaguasúpe, ha 50 ambue itakuaguasúpe ha upépe omongaru ichupekuéra pan ha y reheve.

2 Réyes 11:2

Joseba, pe tetã ruvicha Joram rajy, Ocozías reindy, ojapyhy Joas, Ocozías ra’ýpe, ha oguenohẽ ñemiháme umi tetã ruvicha ra’y ojejukatavahína apytégui, ha omokañy ichupe ha herekuápe Atalíagui, peteĩ kotýpe oñeñongatuhápe frazadakuéra, savanakuéra ha arambohakuéra, ha upéicha ndojejukái ichupe.

Éxodo 2:2

ha’e hyeguasu ha imemby peteĩ mitãkuimba’e; ha ohechávo ha’e iporãha omokañy ichupe mbohapy jasy pukukue.

Jeremías 36:26

Uperire tetã ruvicha he’i Jerameel, Hamelec ra’ýpe; Seraías, Azriel ra’ýpe; ha Selemías, Abdeel ra’ýpe, ojapyhy hag̃ua kuatia haihára Barúcpe ha proféta Jeremíaspe, Ñanderuete katu oñongatuka ichupekuéra.

Matéo 24:17

ha upe oĩva hóga ári, ani oguejy ogueraha hag̃ua mba’eve hógagui.

Deuteronómio 22:8

Remopu’ã ramo nde róga pyahurã, emongora nde róga ape ani hag̃ua reñemoangaipa, oĩ ramo ho’áva upégui ha omano.

Colosayguakuérape 3:3

Pemanova’ekue, ko’ág̃a katu pende rekove oñemihína Hesu Crísto ndive Ñanderuetepype.

hebreoyguakuerape 11:23

Upéicha avei Moises onace rire, itúva ha isy ojeroviágui, oñomi ichupe mbohapy jasy aja, ohechágui ha’e peteĩ mitã iporãitéva, upévare ndokyhyjéi avei omboyke hag̃ua tetã ruvicha rembiapoukapy, naiñe’ẽrendúivo ichupe.

Tiágo 2:25

Upéicha ojehuva’ekue avei Rahab, pe kuña reko vaívape, ha’e ojehechakuaa heko porãha omokañy haguére Israel rembijokuáipe, ouva’ekue omaña ñemi hag̃ua Jerico rehe ha upéi omondo ichupekuéra ambue tape rupi.

Josué 2:5

Ha pe táva rokẽ oñemboty mboyve, ko ka’arupytũme, umi kuimba’e osẽma, ha ndaikuaái mamópa ohóra’e hikuái; pya’éna tapeho hapykuéri, pehupity hag̃ua ichupekuéra.

Josué 2:7

Ha Jerico soldadokuéra oho hapykuerikuéra Jordan rape rehe, pe y ojehasaha peve (páso); oñemboty riréma pe táva rokẽ osẽ hikuái omuña hag̃ua Israelgukuérape.

Josué 2:8

Umi Israelgua oke mboyve, pe kuña ojupi hendapekuéra, hóga ape ári, ha he’i ichupekuéra:

Josué 6:25

Ha Josue osalva Rahábpe, pe kuña heko vaíva, ha itúva rogayguakuérape, ha opaite imba’e reheve; ha pe kuña oiko Israelguakuéra apytépe ko ára peve, omokañy haguére umi mokõi kuimba’e Josue omondova’ekue omaña ñemi hag̃ua Jericóre.