Josué 2:12

Ñanderuete Ñe’ẽ Porã 2015

Upévare ajerure peẽme peme’ẽ chéve pene ñe’ẽ pende Ruete renondépe, che poiporiahuvereko háicha peẽme, péicha peẽ pejapo jevytaha che ru róga rehe, ha upevarã peme’ẽ chéve peteĩ techaukaha aikuaa porã hag̃ua;

Referencias Cruzadas

Genesis 21:23

Upévare ko’ág̃a eme’ẽna ne ñe’ẽ Ñanderuete rérape, nderejapomo’ãiha mba’eve ivaíva cherehe térã che ra’y rehe térã iñemoñarenguéra rehe, py’aporã reheve roiko haguéicha nendive, péicha nde reiko jevýta chendive ha che retãyguakuéra ndive.

Genesis 24:3

ha reme’ẽta chéve ne ñe’ẽ Ñanderuete renondépe, yvagakuéra ha yvy Jára, nderehekamo’ãiha che ra’ýpe g̃uarã hembirekorã umi Canaangua rajykuéra apytégui, ijapytepekuéra aiko’aína.

Genesis 24:9

Upémaramo pe tembiguái omoĩ ipo ijára Abraham retyma ro’o guýpe, ha ome’ẽ iñe’ẽ Ñanderuete renondépe ojapopataha Abraham rembipota.

Genesis 40:14

Nemandu’ákena cherehe, ojehu ramo ndéve ko’ã mba’eporã, ha ajerure ndéve cheporiahuvereko ha nemandu’a hag̃ua cherehe faraónpe, ha’e cheguenohẽ hag̃ua ko óga kóvagui.

2 Crónicas 36:13

Ha’e opu’ã ñemi avei Nabucodonosor rehe, ome’ẽmava’ekue jepe iñe’ẽ Ñanderuete rérape; ha oñembohovahatã ha oñembopy’a’atã anive hag̃ua ojevy Ñanderuete, Israel Jára renondépe.

Ester 8:6

Mba’éicha piko che ikatu akirirĩ pe mba’evaiete ohupitýtava che retãyguakuérape. Mba’éicha piko che ikatúta aikove che retã oñehundi ramo.

Éxodo 12:13

Ha pe tuguy oikóta peẽme g̃uarã techaukaha ramo mamo pende rogaygua peikohápe; ha ahecha ramo pe tuguy ahasáta pendehegui, péicha napenderupitymo’ãi pe jehavira, Che ajukauka jave Egípto retãyguakuérape.

Jeremías 12:16

Ha peẽ, tetã ambueygua peguata porã ramo che retã Israel rapekuéra rehe, ha pejerovia ramo cherehe, pejerovia haguéicha Baal rehe, Che voi pomohenda porãta avei che retãyguakuéra apytépe.

Márcos 14:44

Ha Júdas, pe otraicionátava Hesúpe ome’ẽ ichupekuéra ko techaukaha (señal): Upe che ahetũvape, upéva ha’e, peapresa ha pegueraha ñapytĩ porãháme ichupe.

Romayguakuérape 1:31

naiñakã porãi, opyrũ iñe’ẽ rehe (naifiélri), ndoporohayhúi, ndoporoporiahuverekokuaái.

1 Timotéope 5:8

Oime ramo peteĩ ñane hermáno noñangarekóiva igentekuéra rehe, heko ivaive ojerovia’ỹva rekógui.

Tiágo 2:13

Umi oporoporiahuvereko’ỹva oñembojovakéta avei jeporiahuvereko’ỹre; upévare upe oporoporiahuverekóva natekotevẽi okyhyje pe ñembojovake áragui, (1 Pédro 4,8).

Josué 2:13

peẽ pesalvataha che ru ha che sy rekove, che kyvy ha che kypy’ykuéra, ha ore rogayguakuérape; peguenohẽ ore rekovekuéra ñemanógui.

Josué 2:18

Péina ág̃a ore roikévo ko yvýpe, eñapytĩ ko pióla (sã) pytãva ne rovetãre nde oremboguejytaha rupi, ha embyatypa nde rógape nde ru ha nde sy, nde kyvy ha nde ru rogayguakuérape.

Josué 2:19

Oime ramo osẽva nde róga rokẽgui oka gotýo, huguy oĩta iñakã ári, ha ore orepotĩta. Ha oimeraẽ oĩva nde rogapýpe nendive, huguy oĩta ore akã ári, sapy’a oĩ ramo pe opokóva hesekuéra.

Josué 6:22

Josue he’íkuri umi mokõi kuimba’e ohova’ekuépe omaña ñemi hag̃ua pe yvýre: Peike pe kuña reko vaíva rendápe, ha peguenohẽ hógagui pe kuña ha opaite mba’e, imba’éva guive, peñe’ẽme’ẽ haguéicha.

Josué 9:15

Josue ha Israel karai ancianokuéra oike hendivekuéra jekupytýpe ome’ẽvo ichupekuéra iñe’ẽ oikoveva’erãha.

Juéces 1:24

Ha umi omaña ñemíva ohecha peteĩ kuimba’e osẽvahína pe távagui ha he’i ichupe hikuái: Ko’ág̃a ehechauka oréve moõ rupípa ikatu ojeike ko táva kóvape ore rombopoguy hag̃ua ha nde neremanomo’ãi.

1 Samuel 30:15

Ha David he’i ichupe: Ndépa ikatu chereraha pe aty pévape. Ha ha’e he’i: Reme’ẽ ramo chéve ne ñe’ẽ Ñandejára rérape ndachejukamo’ãiha, ha ndacherejamo’ãiha che jára pópe, upéicha ramo che rogueraháta ijatyhápe.