Josué 13:3

Ñanderuete Ñe’ẽ Porã 2015

Sihor guive, opytáva Egíptogui, kuarahyresẽ gotýo, Ecron retã rembe’y yvatevogua peve, upéva ojererekóva Canaanguakuéra mba’e ramo, umi 5 mburuvicha Filisteaygua táva, Gáza, Asdod, Ascalon, Gat ha Ecron, avei umi Avgua yvy;

Referencias Cruzadas

Genesis 10:6

Cam ra’ykuéra: Cus, Mizraim, Fut ha Canaan.

Genesis 15:18

Upe ára upévape Ñanderuete oñemoĩ peteĩ ñe’ẽme Abram ndive, ha he’i: Ne ñemoñarenguérape ame’ẽta ko yvy, Egípto ysyry guive Éufrates ysyry peve:

1 Réyes 8:65

Upéi Salomón ojapo vy’aguasu ha hendive opaite Israelguápe, hetaiterei oñembyatyva’ekue Hamat guive Egípto ysyry peve Ñanderuete renondépe, 7 ára (día) pukukue, ha ambue 7 arave omboty peve 14 ára.

1 Crónicas 13:5

Upéramo David ombyatyuka opaite Israelguápe, Sihor, Egípto pegua guive, Hamat ojeikeha peve, ojegueru hag̃ua Ñanderuete karameg̃ua Quiriat-jearimgui.

Isaías 23:3

Heta trígo ojegueruva’ekue Nílogui, hi’y omoheñói porã temitỹnguéra ysyry rembe’ýpe. Ha upépe ijatyva’ekue avei tetãnguéra ojogua hag̃ua hembi’urã.

Jeremías 2:18

Ma’erãpa rehose Egíptope rey’u hag̃ua Nílo pegua y, térã ma’erãpa rehose Asíriape rey’u hag̃ua Éufrates pegua y.

Deuteronómio 2:23

Ha Avguakuéra oikomiva’ekue itava’ikuérape Gáza peve; umi Caftorgua katu, og̃uahẽvo Caftórgui, ohundi ichupekuéra, ha oiko avei hikuái hendaguépe.

Josué 13:13

Umi Gesurgua ha Maacatguakuérape katu Israel ñemoñarenguéra nomosẽi, oiko gueteri hikuái Israelguakuéra apytépe ko ára peve.

Juéces 16:5

Ha umi Filisteaygua ruvicha ou hendápe, ha he’i ichupe hikuái: Embotavy ichupe ha eikuaa mba’éicha rupípa ha’e imbareteite, ha mba’éichapa ikatu orepu’aka hese, rojokua hag̃ua ha rojapo hag̃ua ichugui rojaposéva; ha ore, peteĩteĩva, rome’ẽta ndéve 12,28 kílo pláta (óro morotĩ).

Juéces 3:3

Umi 5 Filisteaygua ruvicha, hembýva Canaangua yvýpe, umi Sidongua ha umi Hevgua, oikóva Líbano cérrope Baalhermon cérro guive Hamat peve,

1 Samuel 5:1

Filisteayguakuéra ogueraha Ñanderuete karameg̃ua Eben-ha-ézer guive Asdod peve.

1 Samuel 5:10

Upémaramo oguerahauka Ñanderuete karameg̃ua pe táva Ecrónpe, ha umi Ecrongua sapukái pópe, he’i: Oñembohasa ningo ñandéve Israel Jára karameg̃ua, ñandejuka hag̃ua ñandéve ha ñande retãyguakuérape.

1 Samuel 5:8

Ha ombyatyuka opaite Filisteaygua ruvicha, ha he’i ichupekuéra: Mba’épa jajapóta Israel Jára karameg̃uágui, ha ha’ekuéra he’i: Toñembohasa Israel Jára karameg̃ua Gátpe. Ha ombohasa Gat távape Israel Jára karameg̃ua.

1 Samuel 6:4

Ha he’i hikuái: Ha mba’eichagua me’ẽmbýpa romondóta. Ha’ekuéra he’i jevy: Pemondo 5 susu’a ra’ãnga órogui, ha 5 anguja oroguiguáva, oĩgui 5 Filisteaygua ruvicha peteĩchagua mba’asýnte penderupitypa ha pende ruvichakuérape avei.