Josué 11:3

Ñanderuete Ñe’ẽ Porã 2015

ha Canaangua oikóva guive kuarahyresẽ ha kuarahyreike gotýo, Amorgua, Hetgua, Ferezgua, Jebusgua cérro rupi, ha Hevgua oikóva cérro Hermon ypýpe, Mizpa yvýpe,

Referencias Cruzadas

Genesis 31:49

ha pe itaguasu ha’ekuéra omopu’ãva’ekue ombohéra Mizpa, péva he’ise: Ñanderuete toma’ẽ nderehe ha cherehe jajei rire ko’águi.

2 Samuel 24:16

Ha pe yvága rembiguái oipyso ipo Jerusalen ári ombyai hag̃uáicha, Ñanderuete oñemomba’embyasy pe tembiapo vai péva rehe, ha he’i ijyvága rembiguái, tetãyguakuéra mbyaihárape: Iporãntema ko’ág̃a, ejoko nde po. Ha pe yvága rembiguái oĩhína pe Araúna, Jebusgua ñemitỹngue mopotĩhápe.

2 Samuel 24:7

Upéi oho Tíro, pe táva oñemongorapyrévape ha mayma Hevgua ha Canaanguakuéra távape, osẽ meve hikuái Beerséba, Négev peguápe, oĩva Juda departaméntope.

1 Réyes 15:22

Upémaramo tetã ruvicha Asa, ombyatyuka opaite Judayguápe, oheja’ỹre avavetépe, ha ohekýi ita ha yvyra Ramágui, Basa oiporuva’ekue ha umi mba’épe tetã ruvicha Asa omombarete porã Geba, Benjamin pegua, ha Mizpa.

1 Réyes 9:20

Ha umi tetã ambueygua hembýva gueteri, Amorgua, Hetgua, Ferezgua, Hevgua ha Jebusguakuéra apytégui,

Salmokuéra 133:3

Ku Hermon pegua ysapy ho’a ramoguáicha Sion cerrokuéra ári, upépe Ñanderuete omondo ijehovasa, ha jeikove ijapyra’ỹvape.

Salmokuéra 89:12

Nórte ha sur Nde rejapova’ekue, Tabor ha Hermon (cerrokuéra) omomba’eguasu nde réra.

Cantar de los cantáres 4:8

Ejúna chendive, nde che rembirekorãmi; ejúna chendive pe Líbanogui. Ema’ẽmi pe Amana ru’ã guive, Senir ha Hermon ru’ã guive, umi leõ raity guive, ha umi jaguarete hũ oikoha cérro guive.

Jeremías 40:10

Che katu apytáta Mizpápe, añe’ẽ hag̃ua penderehe Caldeayguakuérape ou ramo ñane rendápe; ha peẽ pemono’õkuaa umi yva arahaku jave ha pejapo víno ha acéite, ha peñongatu pene rembi’u ryrúpe ha pepyta pende táva peñemomba’e haguépe.

Jeremías 40:6

Upéramo Jeremías oho Mizpápe, Gedalías, Ahicam ra’y rendápe, ha oiko hendive ambue tetãyguakuéra apytépe, umi hembyva’ekue apytépe.

Jeremías 41:14

Ha umi tetãygua Ismael ogueruva’ekue jepokuapýpe Mizpágui ojere ha ohopa hikuái Johanan, Carea ra’y ndive.

Jeremías 41:3

Uperire Ismael ojukapa avei umi Judaygua oĩva’ekue Gedalías ndive Mizpápe, ha avei umi soldádo Caldeayguápe upépe oĩva guive.

Números 13:29

Amalecgua oiko Négevpe, Hetgua, Jebusgua ha Amorgua oiko cerrokuéra oĩháme, ha Canaangua oiko yguasu rembe’ýpe ha Jordan rembe’ýpe.

Deuteronómio 4:48

Aroer guive, opytáva Arnon yakã rembe’ýpe, Sirion cérro peve, péva hína Hermon,

Deuteronómio 7:1

Ág̃a Ñanderuete penemoingévo pe yvy peiketahápe, Ha’e omoĩta pende poguýpe ha omosẽta pene renonderãgui heta tetãnguérape: Hetgua, Gergesgua, Amorgua, Canaangua, Feresgua, Hevgua ha Jebusguakuérape, 7 tetã tuicha ha imbaretevéva pendehegui.

Josué 11:17

Halac cérro guive, ojupíva Seir gotýo, Baalgad peve, oĩva Líbano ñúme, Hermon cérro guýpe; oapresa avei mayma hetã ruvichakuérape, ha ojukapa ichupekuéra.

Josué 11:8

Ha Ñanderuete omoĩ ichupekuéra Israel pópe, ohundipa hag̃ua, ha omuña ichupekuéra Sidon tavaguasu guive ha Misrefotmaim peve, ha Mizpa ñu meve kuarahyresẽ gotýo, ojuka jukahápe ichupekuéra oheja’ỹre ichuguikuéra ni peteĩme jepe.

Josué 13:11

ha Galaad ha umi Gesurgua ha Maacatguakuéra retã, ha pe Hermon cérro pukukue ha Basan yvy tuichakue Salca peve.

Josué 13:5

Giblayguakuéra yvy ha pe Líbano yvy tuichakue kuarahyresẽ gotýo Baalgad Hermon cérro ñepyrũha guive Hamat jaikeha peve;

Josué 15:38

Dilean, Mizpa, Jocteel,

Josué 15:63

Ha umi Jebusguápe táva Jerusalen, Juda ñemoñarenguéra ndaikatúi omosẽ ichupekuéra; ha Jebusguakuéra opyta Jerusalénpe, Juda ñemoñarenguéra apytépe ko ára peve.

Josué 18:26

Mizpa, Quefira, Mosah,

Josué 3:10

Ha Josue he’i: Ko’ã mba’e rupi peikuaáta Ñanderuete oikohahína ñande apytépe, ha Ha’e omosẽtaha ñane renonderãgui umi Canaangua, Hetgua, Hevgua, Feresgua, Gergesgua, Amorgua ha Jebusguakuérape.

Juéces 20:1

Upémaramo opaite Israel ñemoñarenguéra oñembyaty Ñanderuete renondepe Mizpápe, peteĩ kuimba’e añoitécha, Dan guive Beerséba peve, ha Galaad retã guive.

Juéces 21:5

Ha umi Israel ñemoñare he’i: Mávapa Israel tribukuéragui ndojupirira’e pe atyguasúpe jajapova’ekue Mizpápe, Ñanderuete renondépe. He’ígui hikuái umi ojupi’ỹva Ñanderuete rendápe, Mizpápe, omanova’erãha.

Juéces 21:8

Ha he’i hikuái: Oĩpa Israel tríbu apytégui umi ou’ỹva Ñanderuete rendápe Mizpápe. Ha ojohu umi Jabes-galaadgua ndoúi hague pe ñembyatyha rendápe, ijatyguasúpe.

Juéces 3:3

Umi 5 Filisteaygua ruvicha, hembýva Canaangua yvýpe, umi Sidongua ha umi Hevgua, oikóva Líbano cérrope Baalhermon cérro guive Hamat peve,

Juéces 3:5

Upévare Israel ñemoñarenguéra oiko Canaangua, Hetgua, Amorgua, Ferezgua, Hevgua ha Jebusguakuéra apytépe.

1 Samuel 10:17

Upéi Samuel ombyatyuka hetãyguakuérape Ñanderuete renondépe, Mizpápe.