Josué 1:9

Ñanderuete Ñe’ẽ Porã 2015

Ema’ẽ porãke, Che ha’éma ndéve eñeha’ãmba ha eñembopy’aguasu; ani rekyhyjétei ha ani ndepy’akangýtei, pende Ruete, pende Jára, oĩta nendive mamo rehoha rupi.

Referencias Cruzadas

Genesis 28:15

Péina ápe, Che aĩ nendive, ha añangarekóta nderehe mamo rehoha rupi, ha rogueru jevýta ko yvýpe nde reho hágui, ndorohejamo’ãigui, rejapopa peve Che ha’eva’ekue guive ndéve.

Genesis 39:2

Ñanderuete omoirũgui Josépe hembiapo ojapóva guive osẽ porãmba ha oiko ijára Egiptoygua rógape.

Genesis 39:3

Ha ijára ohechávo Ñanderuete oĩha hendive, omoĩve ipoguýpe ha Ñanderuete ohovasapa hembiapo ojapóva guivépe.

2 Samuel 13:28

Ha Absalon he’íkuri hembiguaikuérape, ajerure peẽme peme’ẽ heta víno ombohory hag̃ua Amnon py’a, ha che ha’e ramo: Peikutu Amnónpe, upévo pejuka, ha ani pekyhyjétei, che voi ha’égui peẽme. Peñeha’ãmbaitéke, ha pendepy’aguasúke.

1 Crónicas 28:20

Ha David he’i avei ita’ýra Salomónpe: Eñemokyre’ỹke, ha eñeha’ãmbáke ha emoñepyrũ ko tembiapo kóva, ani rekyhyjétei ha ani ndepy’akangýtei, Ñanderuete, che Jára, katuete oĩta avei nendive; Ha’e nanderejamo’ãi. Ha’e katuete nepytyvõta, rejapopa peve ko tembiapo kóva Ñanderuetépe g̃uarã.

2 Crónicas 15:7

Peẽ katu peñeha’ãmba ha ani pende kangýtei, pende po rembiapo repy oñeme’ẽva’erã katuete peẽme.

Salmokuéra 46:7

Ñanderuete, yvága aty Jára oĩ ñanendive, Jacóbo Jára voi ningo ñane mo’ãhára. Selah

Isaías 41:10

Ani rekyhyje, Che voi aĩgui nendive, aníke nde py’akangy, che ha’égui nde Jára, nemombaretéva, tapiaite roipytyvõta, ha añangarekóta nderehe che pu’aka rupive.

Isaías 43:1

Ko’ág̃a, nde Jacóbo, pende Ruete rembiapo, nde apohare he’iuka ndéve: Ani rekyhyjétei, Che roperdonáma; Che rohenói nde réra rupi, nde ningo che mba’énteva voi.

Isaías 43:5

Ani rekyhyjétei, Che aĩgui nendive; kuarahyresẽguio aguerúta ne ñemoñarenguérape, ha kuarahyreikéguio ambyatýta ichupekuéra.

Isaías 8:12

Ani pejétei ñembotavy, ko tetã kóva oñembohéra ramojepe ñembotavy; ha ani pekyhyjétei umi mba’e ha’ekuéra okyhyjévagui, aníke peñemondýi.

Daniel 10:19

ha he’i chéve: Nde rejehayhuetéva, ani rekyhyjétei, py’aguapy toĩ nendive, eñeha’ã ha eñemokyre’ỹ. Ha ha’e oñe’ẽ jave chéve, chembarete jevy ahávo, ha che ha’e: Eñe’ẽ katu, che Jára, nde chemombarete jevýma.

Hagéo 2:4

Ha ág̃a Zorobabel eñeha’ãmbaitéke, he’i pende Ruete; eñeha’ãmbaitéke avei Josue, pa’iguasu, ha peñemokyre’ỹ joaitéke tetãyguakuéra maymáva, ha pemba’apo porãke; he’i pende Ruete; Che, ángel atykuéra Jára, aĩgui penendive.

Hagéo 2:5

Che ame’ẽmava’ekue peẽme che ñe’ẽ pesẽ ramoguare Egíptogui, péva oikóta gueteri, che Pytu Porãitéva oĩ jevýta pende apytépe, upévare ani pekyhyje.

Apostolkuéra 4:19

Pédro ha Juan katu ombohovái ha he’i ichupekuéra: Pembojovake hekópe, ore oreñe’ẽrenduva’erãpa Ñanderuetépe térãpa peẽme.

Deuteronómio 1:21

Peikuaa porãke, Jahve, Ñanderuete ome’ẽ peẽme ijyvy, upévare tapeho ha pemoĩ hetayguakuéra pende poguýpe, Ñanderuete, ñande rukuéra Jára he’i haguéicha peẽme, ani pekyhyjétei ha ani pendepy’akangýtei.

Deuteronómio 20:1

Pesẽ ramo peñorãirõ penderehe ija’e’ỹva ndive, ha pehechávo ikavaju, icárro ha isoldadokuéra hetave pendehegui, ani pekyhyjétei ichuguikuéra, Ñanderuete, Ñandejára, oĩva’erã penendive, Ha’e voi peneguenohẽva’ekue avei Egípto retãgui.

Deuteronómio 31:23

Ha Ñanderuete he’iuka Josue, Nun ra’ýpe: Eñemombaretéke ha eñeha’ãke, nde remoingéta Israel ñemoñarenguérape pe yvýpe aprometeva’ekue, ha Che aĩta nendive.

Deuteronómio 31:28

Pembyatyukapa chéve mayma pende tríbu ruvichakuéra, ha pende karai ancianokuérape, ha ha’éta ijapysapekuéra ko’ã ñe’ẽ, ha ahenóita yvy ha yvagakuérape techahare ramo.

Josué 1:10

Ko’ã ñe’ẽ Josue he’i mburuvichakuérape:

Josué 1:17

Oreñe’ẽrendu haguéicha Moiséspe, péicha oreñe’ẽrendúta avei ndéve, Ñanderuete, nde Jára, oĩ ramo nendive, oĩ haguéicha Moises ndive.

Josué 1:18

Oimeraẽ oñemoĩva ne rembiapoukapy rehe, ha ndojapóiva umi mba’e nde eréva guive omanova’erã; eñeha’ãmbaitéke ha ndepy’aguasúke.

Josué 10:25

Ha Josue he’i ichupekuéra: Ani pekyhyjétei ha ani pendepy’andýi, peñemombaretéke ha pendepy’aguasúke, péicha Ñanderuete ojapóta opaite penderehe ija’e’ỹvare, oñemoĩva guive penderehe.

Josué 10:8

Ha Ñanderuete he’i Josuépe: Ani rekyhyjétei ichuguikuéra, Che amoĩma ichupekuéra nde pópe, ha’ekuéra ndaipu’akamo’ãi nderehe.

Josué 3:7

Upéramo Ñanderuete he’i Josuépe: Ko ára guive añepyrũta ajapo mba’e guasu nderupi mayma Israel resa renondépe, oikuaa hag̃ua hikuái aĩtaha nendive aime haguéicha Moises ndive.

Josué 6:27

Ñanderuete oĩkuri Josue ndive ha héra oñemoherakuã porã opaite tetã rupi.

Josué 8:1

Ñanderuete he’i Josuépe: Ani rekyhyje ha ani ndepy’akangýtei; eraha nendive opaite kuimba’e oñorãirõkuaáva, epu’ã ha tapeho Háipe. Ema’ẽke, Che amoĩma nde pópe Hái ruvichápe, hetãyguakuérape, itáva ha ijyvy.

Juéces 6:14

Ha Ñanderuete oma’ẽvo hese he’i ichupe: Tereho ko mbarete reguerekóva reheve, reipe’a hag̃ua Israélpe Madiayguakuéra poguýgui, Che romondotahína.

1 Samuel 10:7

Ág̃a ojehu vove ko’ã mba’e techapyrãva, ejapo reñandúva rejapo hag̃ua, Ñanderuete oĩta nendive.