Josué 1:8

Ñanderuete Ñe’ẽ Porã 2015

Araka’eve neremboykeiva’erã ne akãgui ko tembiapoukapy kuatiañe’ẽme he’íva guive, ára ha pyhare ejepy’amongeta hese, eñangareko ha ejapopa ipype ojehai haichaite; péicha ramo tuicha reñakãrapu’ãta, ha opaite mba’e osẽ porãmbáta ndéve.

Referencias Cruzadas

Genesis 24:63

Upe ka’aru Isaac osẽ oñembo’e hag̃ua pe ñúme; ha ojesaupívo oma’ẽ, ha péina umi caméllo oñemoag̃ui joa oúvo.

2 Crónicas 26:5

Ha’e oñeha’ã ojapo hag̃ua Ñanderuete rembipota Zacarías ohekombo’e aja ichupe hekove pukukue rupi, Ha’e oipytyvõ porã ichupe opaite mba’épe.

Salmokuéra 119:11

Che py’apýpe añongatupa ne ñe’ẽ, ani hag̃ua añemohembiapo vai ne renondépe.

Salmokuéra 119:15

Ajepy’amongeta ne rembiapoukapy rehe, ama’ẽ porãta nde rape rehe.

Salmokuéra 119:97

Ahayhuete ningo ne rembiapoukapykuéra, umívare ajepy’amongetáva ára pukukue.

Salmokuéra 119:99

Umívante chemoaranduve opaite che mbo’eharakuégui, ne ñe’ẽnguéra voi cherekombo’e porã.

Salmokuéra 19:14

Umi ñe’ẽ he’íva guive che juru ha heñóiva che py’apýpe tahorýkena ne renondépe, che Ruete, Nde voi chemo’ã ha chesalváva.

Salmokuéra 40:10

Nañomíri nde justícia che py’apýpe, aikuaauka uvei nde reko hekoitépe ha ne mborayhu. Nañomíri ne añetegua ni nde poriahuvereko, amyasãi uvei atyguasúpe.

Mga Kawikaan 3:1

Che ra’y, aníke nderesarái che rembiapoukapýgui, eñongatu uvei nde py’apýpe che rekombo’e,

Isaías 59:21

Ko ñe’ẽ Che ame’ẽmava’ekue oikóta katuete, he’i pende Ruete: Che Pytu Porãite oĩhína ndeári, ha umi che ñe’ẽ amoĩva’ekue nde jurúpe, oĩva’erã nde juru ha nde ra’ykuéra jurúpe, he’i pende Ruete, ko ára kóva guive ha opaite ára peve.

Matéo 12:35

Pe kuimba’e ipy’a porãva ningo oguenohẽ ipy’apy porãgui mba’eporã, ha pe kuimba’e ñaña katu oguenohẽ ipy’apy vaígui mba’evai.

Matéo 28:20

Ha pembo’e ichupekuéra ojapo hag̃ua opaite mba’e Che ha’eva’ekue peẽme pejapo hag̃ua. Ha peikuaa porãke, Che aĩha penendive opaite ára opa peve ko ára atyguasu (ko múndo).

Matéo 7:21

Ndaopavavéi he’íva chéve: Che Jára, che Jára, oikeva’erã yvágape, upe ojapóva che Ruete yvága pegua rembipota uvei.

Matéo 7:24

Upévare upe ohendúva che ñe’ẽ ha ojapóva hekoitépe ambojoja pe kuimba’e iñakãguapy porãva rehe, omopu’ãva hóga itaguasu ári.

Lúcas 11:28

Hesu katu he’i: Ovy’aiteve uvei upe ohendúva ha ojapóva Ñanderuete ñe’ẽ.

Juan 13:17

Peikuaa ramo ko mba’e kóva, pevy’aitepeína pejapo ramo avei.

Juan 14:21

Upe oikuaáva che rembipota ha ojapóva avei, upéva ningo cherayhu añetehápe, ha upe cherayhúva, Ñanderuete ohayhuva’erã avei ichupe. Ha Che ahayhúvape ahechaukáta avei che mborayhu.

Efesoyguakuérape 4:29

Mba’eveichagua ñe’ẽ tie’ỹ ani osẽ pende jurúgui, pejénte ñe’ẽ porã omopu’ãva’erãichagua nde rapichápe ijehasa asýpe ha ombopy’aguapy hag̃ua nerendúvape.

Deuteronómio 29:8

Ha ñañemomba’e ijyvy rehe, ha ñame’ẽ Ruben, Gad ha Manases tríbu mbyterépe ijyvy imba’eteéva ramo.

Deuteronómio 29:9

Upévagui peñangarekova’erã pe ñe’ẽ ñame’ẽva’ekue rehe Ñanderuetépe ha pejapo hekoitépe osẽ porãmba hag̃ua peẽme opaite mba’e pejapóva guive.

Deuteronómio 30:14

Ko ñe’ẽ kóva oĩ ag̃uiete pendehegui ha pende py’apýpe oĩ voi, upévare pejapontemava’erã.

Deuteronómio 31:11

mayma Israelgua ouva’erã oñembyaty hag̃ua Ñanderuete, Ñandejára renondépe, pe yvy pehẽngue Ha’e oiporavotahápe, upépe oñemoñe’ẽva’erã ko’ã tembiapoukapy opaite Israelguakuéra apysápe.

Deuteronómio 31:24

Ha Moises ohaipávo ko’ã tembiapoukapy peteĩ kuatiañe’ẽme,

Deuteronómio 5:1

Moises ohenói mayma Israelguápe ha he’i ichupekuéra: Israelguakuéra pehendu ko’ã mbo’epy ha ko’ã tembiapoukapy che ha’éva ko ára kóvape pende apysápe; peikuaa ha pejapopa hag̃ua hekoitépe.

Deuteronómio 5:29

Mba’eichatamora’e ko’ã ñe’ẽ opyta porã ipy’apypekuéra ha kyhyjepópe tojapopa hikuái umi che rembiapoukapy oho porãmba hag̃ua ichupekuéra ha ita’yrakuérape g̃uarã opaite árape.

Deuteronómio 5:32

Peikuaa porãke ha pejapóke Ñanderuete he’iva’ekue guive peẽme; ani peñemboykétei akatúa térã asu gotýo.

Colosayguakuérape 3:16

Hesu Crísto ñe’ẽ tomyenyhẽ pende py’apy opaite árape peñohekombo’e opaite arandúpe ha peñomokyre’ỹ Salmokuéra, purahéi ha ñembo’e rupi, ha peagradece Ñanderuetépe pende py’aite guive.

Josué 1:7

Eñeha’ãmbaitéke ha eñembopy’aguasu, rejapo porãmba hag̃ua che rembiguái Moises he’i haguéicha ndéve; ani reñemboykétei akatúa ni asu gotýo, osẽ porãmba hag̃ua ndéve opaite mba’e rejapótava guive.

Josué 8:34

Ha ã mba’e rire, Josue omoñe’ẽmbaite umi tembiapoukapy oĩva pe kuatiañe’ẽme, umi ñe’ẽ jehovasapyrã ha umi ñe’ẽ ñemaldecipyrãva.

Apocalípsis 22:14

Ovy’aite umi ojohéiva ijao, ha ojapóva hembiapoukapykuéra (1 Juan 3,23), ha’ekuérante ho’úta pe yvyra’a oporomoingovévagui, ha’ekuérante oikéta pe tavaguasu rokẽ rupi.