Josué 1:7

Ñanderuete Ñe’ẽ Porã 2015

Eñeha’ãmbaitéke ha eñembopy’aguasu, rejapo porãmba hag̃ua che rembiguái Moises he’i haguéicha ndéve; ani reñemboykétei akatúa ni asu gotýo, osẽ porãmba hag̃ua ndéve opaite mba’e rejapótava guive.

Referencias Cruzadas

1 Réyes 2:2

Che ahava’erã katuete opaite yvyariguakuéra ohova’erãha tape rehe, ha nde karia’yete,

1 Réyes 2:3

eñangarekóke Ñanderuete ñe’ẽ rehe, reikóvo hape rehe, ha ejapopa Ha’e he’iva’ekue guive Moises juru rupi, ikatu hag̃uáicha resẽ porã opaite ne rembiapópe.

2 Réyes 22:2

Ha ojapo iporãva Ñanderuete resa renondépe, ha oiko opaite ijypykue David rape rehe, oñemboyke’ỹ rehe akatúa gotýo ni asu gotýo.

1 Crónicas 22:13

Upéicha reñakãrapu’ãta, reñeha’ãmba rejapo hag̃ua hekoitépe Ñanderuete rembiapoukapy, Ha’e ombohasava’ekue Moises rupi Israélpe g̃uarã. Eñeha’ã, ha eñemokyre’ỹ, ani rekyhyjétei, ha ani ndepy’akangýtei.

2 Crónicas 15:7

Peẽ katu peñeha’ãmba ha ani pende kangýtei, pende po rembiapo repy oñeme’ẽva’erã katuete peẽme.

2 Crónicas 26:5

Ha’e oñeha’ã ojapo hag̃ua Ñanderuete rembipota Zacarías ohekombo’e aja ichupe hekove pukukue rupi, Ha’e oipytyvõ porã ichupe opaite mba’épe.

Job 1:8

Ha Ñanderuete he’i Satanáme: Nderejesarekóipara’e che rembiguái Job rehe, ndaipóri ambue ha’eichagua yvy apére, kuimba’e heko porã ha heko potĩva, okyhyjéva Ijapoharégui ha opiáva opaichagua mba’evai apógui.

Salmokuéra 80:19

Nde, ore Ruete, yvága atykuéra Jára, oremyatyrõ jevýna, embojajái nde rova ha oreguenohẽ ore jejopy vaígui.

Mga Kawikaan 4:27

Ani repiátei nde akatúa gotýo ni nde asu gotýo, emboyke nde py mba’evaígui.

Mga Kawikaan 8:20

Che aguata’aína teko potĩ rape po’i rehe, ha añemongu’e akãguapy reko rape mbyte rehe,

Daniel 10:19

ha he’i chéve: Nde rejehayhuetéva, ani rekyhyjétei, py’aguapy toĩ nendive, eñeha’ã ha eñemokyre’ỹ. Ha ha’e oñe’ẽ jave chéve, chembarete jevy ahávo, ha che ha’e: Eñe’ẽ katu, che Jára, nde chemombarete jevýma.

Números 27:23

Omoĩ ipo hi’ári, ha ombohasa Josuépe hetã ruvicha reko Ñanderuete he’i haguéicha ichupe.

Deuteronómio 11:8

Pejapókena mayma tembiapoukapy che ha’éva guive peẽme ko árape, peñemombarete peñemomba’e hag̃ua Canaan yvýre;

Deuteronómio 12:32

Peñangarekóke pejapo hag̃ua hekoitépe opaite mba’e Ñanderuete he’imava’ekue guive peẽme; napemoĩveiva’erã ni ndapeipe’aveiva’erã mba’eve iñe’ẽgui.

Deuteronómio 28:14

Ani peñemboykéi opaite mba’e ha’eva’ekue guive peẽme ko ára kóvape, taha’e akatúa térã asu gotýo, anítei peho ambue jára rapykuéri peiko hag̃ua hembiguái ramo.

Deuteronómio 29:8

Ha ñañemomba’e ijyvy rehe, ha ñame’ẽ Ruben, Gad ha Manases tríbu mbyterépe ijyvy imba’eteéva ramo.

Deuteronómio 29:9

Upévagui peñangarekova’erã pe ñe’ẽ ñame’ẽva’ekue rehe Ñanderuetépe ha pejapo hekoitépe osẽ porãmba hag̃ua peẽme opaite mba’e pejapóva guive.

Deuteronómio 31:7

Ha Moises ohenói Josuépe ha he’i ichupe mayma Israelguakuéra rovake: Eñeha’ãke ha eñemombaretéke, nde remoingéta ko tetãme, pe yvy Ñanderuete he’imava’ekue ñande ypykuérape ome’ẽtaha, ha nde remboja’óta ichupekuéra g̃uarã ijyvyrã.

Deuteronómio 4:2

Anítei pembojoajuve térã peipe’a mba’eve che ha’éva guive peẽme, pejapopa uvei hekoitépe Ñanderuete rembiapoukapy che ha’e hagueichaite peẽme.

Deuteronómio 5:32

Peikuaa porãke ha pejapóke Ñanderuete he’iva’ekue guive peẽme; ani peñemboykétei akatúa térã asu gotýo.

Josué 1:1

Moises, Ñanderuete rembiguái, omano rire, Ñanderuete oñe’ẽ Josue, Nun ra’ýpe, Moises rembiguaikue, ha he’i ichupe:

Josué 1:8

Araka’eve neremboykeiva’erã ne akãgui ko tembiapoukapy kuatiañe’ẽme he’íva guive, ára ha pyhare ejepy’amongeta hese, eñangareko ha ejapopa ipype ojehai haichaite; péicha ramo tuicha reñakãrapu’ãta, ha opaite mba’e osẽ porãmbáta ndéve.

Josué 1:9

Ema’ẽ porãke, Che ha’éma ndéve eñeha’ãmba ha eñembopy’aguasu; ani rekyhyjétei ha ani ndepy’akangýtei, pende Ruete, pende Jára, oĩta nendive mamo rehoha rupi.

Josué 11:15

Ñanderuete he’i haguéicha hembiguái Moiséspe, péicha Moises he’i jevy Josuépe; ha upéicha Josue ojapo avei, omboyke’ỹre Ñanderuete ñe’ẽ Ha’e he’iva’ekue guive Moiséspe.

Josué 23:6

Peñeha’ãmbaitéke pejapo hag̃ua opaite mba’e ojehaíva guive Moises kuatiañe’ẽme, aníke pepia ichugui akatúa gotýo ni asu gotýo ndojapoiva’erã oñanduha reíva ichupekuéra;