Josué 1:6

Ñanderuete Ñe’ẽ Porã 2015

Eñeha’ãmbaitéke ha eñembopy’aguasu, nde remboja’óta ko yvy ne retãyguakuéra mba’erã ramo, ha’e haguéicha ituvakuérape.

Referencias Cruzadas

Genesis 12:7

Ha Ñanderuete ojehechauka Abrámpe, ha he’i ichupe: Ne ñemoñarenguérape ame’ẽta ko yvy kóva. Ha Abram omopu’ã upépe peteĩ kuave’ẽmby renda Ñanderuetépe g̃uarã, Ha’e ojehechauka haguére ichupe.

Genesis 26:3

Eiko tetã ambueygua ramo ko tetãme, Che aĩta nendive ha rohovasáta; ndéve ha ne ñemoñarenguérape katuete ame’ẽta ko yvy tuichakue ha amoañetéta pe ñe’ẽ ha’eva’ekue nde ru Abrahámpe.

2 Samuel 10:12

Eñemombaretéke ha ñañeha’ãmbaitéke ñane retã rehehápe ha Ñanderuete táva rehehápe; Ñanderuete tojapo ichupe iporãve háicha.

1 Réyes 2:2

Che ahava’erã katuete opaite yvyariguakuéra ohova’erãha tape rehe, ha nde karia’yete,

1 Crónicas 22:13

Upéicha reñakãrapu’ãta, reñeha’ãmba rejapo hag̃ua hekoitépe Ñanderuete rembiapoukapy, Ha’e ombohasava’ekue Moises rupi Israélpe g̃uarã. Eñeha’ã, ha eñemokyre’ỹ, ani rekyhyjétei, ha ani ndepy’akangýtei.

1 Crónicas 28:10

Ema’ẽke ko’ág̃a, Ñanderuete ndeporavóma remopu’ã hag̃ua Ñanderuete rogaguasu; eñemombaretéke ha ejapopa hekoitépe.

1 Crónicas 28:20

Ha David he’i avei ita’ýra Salomónpe: Eñemokyre’ỹke, ha eñeha’ãmbáke ha emoñepyrũ ko tembiapo kóva, ani rekyhyjétei ha ani ndepy’akangýtei, Ñanderuete, che Jára, katuete oĩta avei nendive; Ha’e nanderejamo’ãi. Ha’e katuete nepytyvõta, rejapopa peve ko tembiapo kóva Ñanderuetépe g̃uarã.

2 Crónicas 15:7

Peẽ katu peñeha’ãmba ha ani pende kangýtei, pende po rembiapo repy oñeme’ẽva’erã katuete peẽme.

2 Crónicas 20:11

Ema’ẽ, mba’éichapa ha’ekuéra omyengoviase ore rembiapo porã, ou hikuái oremosẽ hag̃ua ko yvýgui Nde reme’ẽmava’ekue oréve.

2 Crónicas 20:7

Ore Jaratee, Nde remosẽva’ekue ko’ã tetãnguéra ne retã Israel renondégui, ha reme’ẽva’ekue ko yvy Abrahámpe ha ne angirũ (amígo) ñemoñarenguérape opaite árape g̃uarã.

Salmokuéra 27:14

Che ánga, ejerovia Ñanderuete rehe, toñemokyre’ỹ ha toñemombarete che py’apy ojerovia porã hag̃ua Ñanderuete rehe.

Daniel 10:19

ha he’i chéve: Nde rejehayhuetéva, ani rekyhyjétei, py’aguapy toĩ nendive, eñeha’ã ha eñemokyre’ỹ. Ha ha’e oñe’ẽ jave chéve, chembarete jevy ahávo, ha che ha’e: Eñe’ẽ katu, che Jára, nde chemombarete jevýma.

Hagéo 2:4

Ha ág̃a Zorobabel eñeha’ãmbaitéke, he’i pende Ruete; eñeha’ãmbaitéke avei Josue, pa’iguasu, ha peñemokyre’ỹ joaitéke tetãyguakuéra maymáva, ha pemba’apo porãke; he’i pende Ruete; Che, ángel atykuéra Jára, aĩgui penendive.

Zacarías 8:9

Péicha he’i ángel atykuéra Jára: Peñemokyre’ỹke peẽ pehendúva ko ñe’ẽ ko’ã proféta jurúgui, oñepyrũvo omopu’ãrõ guáicha Ñanderuete rogaguasu.

Números 26:53

Ko’ãvape g̃uarã remboja’óta pe yvy imba’erã ramo, herakuéra ojepapa haichaite.

Números 33:53

Pemosẽmbáta umi tetãyguakuéra upépe oikóvape, peiko hag̃ua hendaguépe; Che ame’ẽmava’ekue peẽme pene mba’eteerã ramo.

1 Corintoyguakuérape 16:13

Peñeñangarekóke! Pepyta hatãkena pende jeroviápe, peñomokyre’ỹ ha peñomombaretéke.

Efesoyguakuérape 6:10

Peñemokyre’ỹke Ñanderuete pu’akaguasu rupi, peẽ penembarete hag̃ua.

Deuteronómio 1:21

Peikuaa porãke, Jahve, Ñanderuete ome’ẽ peẽme ijyvy, upévare tapeho ha pemoĩ hetayguakuéra pende poguýpe, Ñanderuete, ñande rukuéra Jára he’i haguéicha peẽme, ani pekyhyjétei ha ani pendepy’akangýtei.

Deuteronómio 1:8

Pehechakuaáke, Che ame’ẽmaha peẽme ko’ã tetãnguéra yvy; pembopoguy ha peñemomba’e hag̃ua ijyvykuéra rehe, pende Ruete he’iva’ekue ome’ẽtaha Abraham, Isaac, Jacóbo ha iñemoñarenguérape.

Deuteronómio 11:8

Pejapókena mayma tembiapoukapy che ha’éva guive peẽme ko árape, peñemombarete peñemomba’e hag̃ua Canaan yvýre;

Deuteronómio 31:23

Ha Ñanderuete he’iuka Josue, Nun ra’ýpe: Eñemombaretéke ha eñeha’ãke, nde remoingéta Israel ñemoñarenguérape pe yvýpe aprometeva’ekue, ha Che aĩta nendive.

2 Timotéope 2:1

Nde katu, che ra’y, eñemombarete Hesu Crísto jeporiahuverekópe.

Josué 1:18

Oimeraẽ oñemoĩva ne rembiapoukapy rehe, ha ndojapóiva umi mba’e nde eréva guive omanova’erã; eñeha’ãmbaitéke ha ndepy’aguasúke.

Josué 1:7

Eñeha’ãmbaitéke ha eñembopy’aguasu, rejapo porãmba hag̃ua che rembiguái Moises he’i haguéicha ndéve; ani reñemboykétei akatúa ni asu gotýo, osẽ porãmba hag̃ua ndéve opaite mba’e rejapótava guive.

Josué 1:9

Ema’ẽ porãke, Che ha’éma ndéve eñeha’ãmba ha eñembopy’aguasu; ani rekyhyjétei ha ani ndepy’akangýtei, pende Ruete, pende Jára, oĩta nendive mamo rehoha rupi.

Josué 10:25

Ha Josue he’i ichupekuéra: Ani pekyhyjétei ha ani pendepy’andýi, peñemombaretéke ha pendepy’aguasúke, péicha Ñanderuete ojapóta opaite penderehe ija’e’ỹvare, oñemoĩva guive penderehe.

Josué 13:6

mayma umi oikóva umi cérro rehe, Líbano guive Misrefotmaim peve, mayma Sidonguakuéra; Che ahundipáta Israel ñemoñarenguéra renodépe. Emboja’ónteke ko’ã tetã yvy Israelguakuérape g̃uarã po’a jeporavo (sortéo) rupi imba’erã ramo, Che ha’e haguéicha ndéve.

Josué 18:3

Ha Josue he’i Israelguakuérape: Araka’e pevépa peneate’ỹta peñemomba’e hag̃ua pende yvyrã rehe, Ñanderuete, pende rukuéra Jára ome’ẽmava’ekue peẽme.

Josué 21:43

Péicha Ñanderuete ome’ẽ Israélpe opaite yvy he’iva’ekue ituvakuérape, ha oñemomba’e rire hese oiko ipype hikuái.

Josué 5:6

Israel ñemoñarenguéra oikógui desiérto rehe 40 áño pukukue, oñehundipa peve mayma kuimba’e osẽva’ekue guive Egípto retãgui, naiñe’ẽrendúigui Ñanderuete he’ívape; upévagui Ñanderuete opromete ichupekuéra ndohechaiva’erãha pe yvy Ha’e he’imava’ekue ituvakuérape ome’ẽtaha ñandéve, pe yvy osyryhápe kamby ha eíra.

1 Samuel 4:9

Peñemombaretéke, peẽ Filisteayguakuéra, ha peñemokuimba’e rekóke ani hag̃uátei peiko Israelguakuéra rembiguáirõ, ha’ekuéra oiko haguéicha pene rembiguái ramo; peneñemokuimba’e rekóke ha peñorãirõ mbaretéke.