Jonas 4:9

Ñanderuete Ñe’ẽ Porã 2015

Upévo Ñanderuete he’i Jonáspe: Iporã piko, ndepochy ipiru haguére ko mba’ysyvo kóva. Iporãite, he’i Jonas, chepochy amano hag̃uáicha.

Referencias Cruzadas

1 Réyes 21:4

Ha Acab ou hógape mba’embyasy ha pochy reheve, Nabot, pe Jizreelgua, he’iva’ekue rehe ichupe: Name’ẽmo’ãi ndéve che rukuéra yvyteéva. Ha oñeno hupápe, ha ombojere hova tápia gotýo, ha ndokarúi.

Job 18:4

Nde, ndepochýgui reñepehẽ’amba rei, nderehehápe piko ko yvy inandíta ha umi itaguasu ojeguerovapáta hendágui.

Job 36:18

Nde ndepochýgui anítei reñembohory rejepopetévo orerehe ha anítei reimo’ã nde pirapireita ndesalvakuaa.

Job 5:2

Añetehápe pe ipy’a tarováva omano ipy’aro rupi ha pe ipy’arasývape imba’epota asy ojuka ichupe.

Jonas 4:1

Jonas katu ipy’aro asyeterei ha ipochy.

Jonas 4:10

Ha Ñanderuete he’i ichupe: Nde reiporiahuverekókuri pe mba’ysyvo, nde neremba’apói ramojepe hese, ni nandéi remongakuaava’ekue.

Jonas 4:8

ha ojehu osẽvo kuarahy, Ñanderuete ombou peteĩ yvytu hakúva oipejúva kuarahyresẽguio, ha Jonáspe ojope rasy kuarahy iñakãme ha ombopy’amano ichupe, ha’e ningo omanoseiterei ha he’i: Iporãve chéve amano aikove rãngue.

Matéo 26:38

Ha he’i ichupekuéra: Che ánga oñembyasy chejuka hag̃uáicha, pepyta ko’ápe chemoirũ katu pene ñembo’épe.

2 Corintoyguakuérape 7:10

Pe ñembyasy Ñanderuetégui oúva omoambueuka ñande reko ñandesalva hag̃ua, pe ñembyasy oúva ko yvy árigui ogueru pe ñemano.

Apocalípsis 9:6

Umiha árape tetãyguakuéra omanosete ramojepe nomanomo’ãi, pe ñemano okañýtagui ichuguikuéra.

Juéces 16:16

Ha Dalíla ko’ẽ ko’ẽ rehe ojerure asýgui ichupe iñe’ẽ rupi, Sanson ánga ho’a jepy’apy asyete poguýpe.