Jonas 4:2

Ñanderuete Ñe’ẽ Porã 2015

Ha oñembo’e Ñanderuetépe ha he’i: Nde, che Ruete, péva voi che ha’eva’ekue, aimérõ gueteri che retãme. Pévagui voi pya’e pya’e akañyse Tarsíspe, che ningo aikuaa porã voi, Nde, che Ruete, reiporiahuvereko ha ndepy’a porãha, hasyha ndepochy hag̃ua ha Nde reporohayhuseveha rehavira rãngue.

Referencias Cruzadas

1 Réyes 19:4

Ha oike desiérto rehe peteĩ ára pukukue, ha oguapy peteĩ enébro yvyra guýpe; upépe ha’e omanose ha he’i: Iporãma, che Ruete, ehekýina chehegui che rekove, ndachereko porãvéi ningo che rukuéragui.

Salmokuéra 103:8

Ñanderuete oiporiahuvereko ha ipy’aporã, hasy ipochy hag̃ua, ituicha ningo iporiahuvereko.

Salmokuéra 145:8

Ñanderuete ipy’a porã ha iporiahuvereko, hasy ipochy hag̃ua ha imborayhu ningo ituichaitereígui.

Salmokuéra 78:38

Ñanderuete katu oiporiahuvereko jevýma, ha operdona hembiapo vaikuéra ha nohundiséi ichupekuéra, Ha’e omboyke jevy jey ipochy ha ipy’aro.

Salmokuéra 86:15

Nde katu, che Ruete, che Jára oporoporiahuverekóva ha ipy’a porãva, nembegue ndepochy hag̃ua, ha nde poriahuvereko ha nde py’aporã katu ituichaite.

Salmokuéra 86:5

Nde ningo yvága atykuéra Jára, nde py’a porã ha reiporiahuvereko opaite nerenóivape.

Salmokuéra 90:13

Eñemboja jevýna orerehe, Nde, ore Ruete. Araka’e pevépa Nde ndepochyse. Eiporiahuverekomína ne rembiguáipe.

Éxodo 32:14

Upémaramo Ñanderuete ombyasy he’i haguére ojapotaha mba’evai hetã rehe.

Jeremías 18:8

Ha upe tetã ha’emava’ekuépe oñembyasy jevy ramo ojapo vai haguére ha opoi ramo hembiapo vaígui Che avei apoíta che ñe’ẽnguégui ha ndajapomo’ãi ajapomo’ãva’ekue hesekuéra.

Jeremías 20:7

Che Ruete, Nde chembotavy, Nde nembareteve chehegui, ha ndepu’aka cherehe; tapia ojepuka cherehe ha oimeraẽva oñembohory cherehe.

Jeremías 26:13

Pepoi katu pende rape ha pene rembiapo vaígui, ha peneñe’ẽrendu Ñanderuete, pende Járape, ha Ñanderuete ndojapomo’ãi opaite mba’evai he’imava’ekue penderehe.

Jeremías 42:10

Pepytáta ramo ko yvy kóvape, Che pomopu’ãta ha napohundimo’ãi; Che poñotỹta ha napomondoromo’ãi; Che ambyasýgui pe mba’evai ajapova’ekue penderehe.

Amos 7:3

Ha Ñanderuete oñembyasy jevy ha he’i: Ndojehumo’ãvéima.

Amos 7:6

Ha Ñanderuete oñembyasy ha he’i: Ko’ã mba’e ndojehumo’ãvéima.

Jonas 1:3

Jonas opu’ã ha oho rãngue Nínive gotýo oho Társis (Espáña) gotýo, okañy hag̃uáicha Ñanderuetégui, upévare oguejy oho Jópepe, ha ojohu peteĩ barcoguasu osẽmbotáva oho hag̃ua Tarsis gotýo, ome’ẽ ipasáje repyrã ha ojupi oho hag̃ua Tarsíspe, oñemomombyry hag̃ua Ñanderuete rembiapógui.

Jonas 3:10

Ha Ñanderuete ohechávo oñembyasyha hikuái ha opoi hague heko ha hembiapo vaígui operdona ha ndohavirái ichupekuéra.

Jonas 3:9

Ikatu porãnte ningo Ñanderuete oñembyasy orerehe, ha ojei ipochýgui, ha ikatu péicharõ nañamanombái.

Miquéas 7:18

Moõ piko oĩ ndeichagua Jára, operdonáva mba’evai ha hesaráiva hetãyguakuéra rembyre rembiapo vaígui. Naimandu’áiva tapia g̃uarã umi mba’e ombopochýva rehe, ovy’a uvei Ha’e oiporiahuvereko ramo.

Lúcas 10:29

Ha’e katu ndovy’ái ko ñembohovái kóva rehe, ha oporanduve Hesúpe: Ha he’i máva piko che rapicha.

Deuteronómio 4:31

Ha’e pendeporiahuvereko jevýta; ndopoimo’ãi pendehegui ni ndahesaraimo’ãi pe ñe’ẽme’ẽgui oikova’ekue pende rukuéra ndive.