Jonas 2:9

Ñanderuete Ñe’ẽ Porã 2015

Che katu aikuave’ẽse ndéve che kuave’ẽmby, che agradecimiénto reheve, ha ko’ág̃a ajapóta katuete Nde reipotáva guive. Nde voínte reguenohẽkuaa yvyariguakuéra ijejopy vaietégui.

Referencias Cruzadas

Genesis 35:3

Ha ñapu’ã joaite, jajupi hag̃ua Betélpe; ha upépe ajapóta peteĩ kuave’ẽmby renda Ñanderuetépe g̃uarã chepytyvõ porã haguére che angekõiha árape, ha chemoirũva’ekue pe tape aiko haguérupi.

2 Samuel 15:7

Irundy áño rire, Absalon he’i tetã ruvichápe: Che ajerure ndéve cherejána taha Hebrónpe, ame’ẽ hag̃ua che kuave’ẽmby ha’eva’ekue ame’ẽtaha Ñanderuetépe.

Job 22:27

Reñembo’éta ichupe g̃uarã, ha Ha’e nerendúta, ha nde rejapopáta opaite mba’e reprometeva’ekue Ñanderuetépe.

Salmokuéra 107:22

Peikuave’ẽ kuave’ẽmby ñemomba’eguasu reheguáva ha vy’apópe pemombe’u hembiapokuéra.

Salmokuéra 27:1

Ñanderuete ningo che rekove resape ha che salvador, mávagui piko akyhyjéta. Ñanderuete che rekove mombaretehára, mávagui piko añemondýita.

Salmokuéra 3:8

Ñanderuetéguinte ou ñepytyvõ, ndeheguínte ou jehovasa ne retãme g̃uarã. Selah

Salmokuéra 50:14

Eikuave’ẽ nde Ruetépe nde agradecimiénto, ha ejapo añetehápe nde promésa reme’ẽva’ekue pe Ipu’akaitévape.

Salmokuéra 50:23

Upe oikuave’ẽva chéve agradecimiénto chembotuicha, ha upe omyatyrõ porãva hapekuéra, Che ahechaukáta ichupe yvága Jára salvacion.

Salmokuéra 68:20

Ñanderueténte, ore Jára añeteguáva, Ha’e ñaneguenohẽ jejopy vaígui. Ha’émante omboykekuaa pe ñemano.

Salmokuéra 95:2

Ñañemboja ijypýpe japurahéi ha ñamomba’eguasu hag̃ua ichupe, ha purahéipe ñamboete ichupe.

Isaías 45:17

Ñanderuete katu oguenohẽta Israel ijejopy vaietégui ha araka’evéma noñemotĩmo’ãvéi avei.

Jeremías 33:11

Og̃uahẽta katuete pe ára oñehendu jevývo vy’a ha toryguasu purahéi, kuimba’e ha kuña omendáva purahéi, ha oĩ jevýta umi he’íva: Pepurahéi Ñanderuete, Yvága Atykuéra Járape, Ha’e ipy’a porãgui, ha iporiahuvereko oĩ opaite ára ha vy’apópe opurahéita avei umi oguerúva kuave’ẽmby omomba’eguasu hag̃ua Ñanderuete rogaguasúpe. Aguerupa jevýta che retãyguakuéra ojeguerahava’ekue jepokuapyhápe oiko porã jevy hag̃ua ymaguaréicha, he’i pende Ruete.

Oséas 14:2

Peñembyasyete pejapo vai haguére ha pejevy pende Ruete rendápe, ha peje ichupe: Emopotĩ ore rembiapo ky’a ha ejapyhy jevy ore ñemomba’eguasu rome’ẽséva ore kuave’ẽmby rendápe.

Juan 4:22

Peẽ peñembo’e peẽ peikuaa’ỹvape, ore katu roñembo’eroína ore roikuaávape, pe salvacion ningo ou Judayguakuéragui.

Apostolkuéra 4:12

Ambue rupi ndaipóri salvacion, ndaipórigui ambue téra ára guýpe ikatuva’erãva rehe jajesalva.

Romayguakuérape 12:1

Upévare che hermanokuéra, che ajerure asy peẽme, Ñanderuete poriahuvereko rehe, peme’ẽmba pende rekove Ñanderuetépe g̃uarã peteĩ kuave’ẽmby oikovévaicha, ipotĩva ha ombohorýva ichupe, kóva ningo pe cúlto añeteguáva ñame’ẽkuaáva Ñanderuetépe.

Deuteronómio 23:18

Nderegueruiva’erã Ñanderuete, nde Jára rógape kuña reko vai repykue ni kuimba’e reko vai repykue, mba’eveichagua promésa rupi; ko’ã mokõi mba’e ombopochy Ñanderuete, nde Járape.

hebreoyguakuerape 13:15

Upéichakena Hesu Crísto rupi jaikuave’ẽ ñane kuave’ẽmby ñemomba’eguasu reheguáva ñande juru rupi Ñanderuetépe g̃uarã.

Apocalípsis 7:10

Ha osapukái hikuái ñe’ẽpuguasúpe, he’ívo: Salvacion ningo ou Ñanderuetégui, Oguapýva pe guapyhaguasúpe, ha Ovechara’ýgui.

1 Samuel 12:21

Aníke pejerovia jára gua’u rehe, ndojeporukuaái ni noporopytyvõkuaái, umía mba’e výro reígui voi.