Jonas 2:2

Ñanderuete Ñe’ẽ Porã 2015

ha he’i: Che jepy’apy asy pa’ũ guive ahenói che Ruetépe ha Nde cherendu, omanóva retã rugua guive che rohenói ha Nde rehendu che ñe’ẽ.

Referencias Cruzadas

2 Crónicas 33:12

Ha oñemoĩma ramo ichupe jepy’apypópe, ha’e oñembo’e Ñanderuete, Ijárape, ha oñemomirĩete ituvakuéra Jára renondépe.

Salmokuéra 116:3

Ñemano sãnguéra chejurapa, omanóva retã megua kyhyje chemoĩ vaipáma, jejopy vai ha jepy’apy chejohúma.

Salmokuéra 120:1

Che Ruetépe amba’ejerure asy ajepy’apy vai jave, ha Ha’e chembohovái.

Salmokuéra 16:10

Nderehejamo’ãi che ánga omanómava retãme, ha nderehejamo’ãi umi ojeroviáva nderehe oñehundi hag̃ua.

Salmokuéra 22:24

Ñanderuete ndopoíri upe ojepy’apy asývagui ha nomotĩmo’ãi ichupe, ha ichugui nomokañýi hova, ohendu uvei pe omba’ejerure asývape.

Salmokuéra 34:6

Upe omba’ejerure asýva Ñanderuetépe, katuete Ha’e ohendúta ichupe ha Ha’e oguenohẽta ichupe opaite ijepy’apy vaígui.

Salmokuéra 4:1

Cherendumíkena che rohenói jave, Nde, che Ruete, che ahasa asy jave Nde reñangareko porã cherehe, Nde chemoangapyhy akyhyje jave, cheporiahuverekomína ha ehendumína che ñembo’e.

Salmokuéra 61:2

Pe yvy apýra guive amba’ejerure asýta ndéve, che py’a ikangypáma. Cheguerahamína upe itaguasu ijyvatevéva ári.

Salmokuéra 65:2

Nde ningo rehendu pe ñembo’e, upévagui ne rendápe oupava’erã mayma yvyarigua,

Salmokuéra 86:13

Tuichaiterei ningo nde poriahuvereko chendive g̃uarã, reguenohẽgui che ánga umi omanómava retãgui.

Isaías 14:9

Umi omanóva retãygua oñemondýi ndehegui rejúrõ g̃uarã, nde remopu’ã iguapyhaguasúgui mayma mburuvichakue ha tetã ruvichakuépe.

Lamentaciónes 3:55

upémaramo ahenóikuri nde réra, Nde, che Ruete, pe yvykua pypukuetépe aĩ jave,

Ezequiel 26:20

Ha roitýta tyvýpe, umi omanova’ekue oĩháme, ha ahechaukáta ne rendag̃ua pe yvykua pypukuetépe, ha nde táva ojoguáta umi sarambiguasúpe oĩva’ekue yvy apére, umi oguejymava’ekue ymaguare ityvýpe (isepultúrape), araka’eve anive hag̃ua ojeikove ndepype; upéicha Che ahechaukáta che pu’aka umi oikovévape ko yvy apére.

Ezequiel 31:14

Oñembotuicha haguére ndokakuaamo’ãvéima ymaguaréicha, pe yvyra ko’ag̃agua oiko ramojepe yeta ypýpe hu’ã nomopu’ãvéima arai apytépe. Ani umi hoy’úva hi’y porãva ojerovia ijyvatekuérente, oimeraẽvape g̃uarã og̃uahẽta katuete hi’ára paha, ha oguejyva’erã yvy guýpe ha oikova’erã ambue omanómava apytépe.

Matéo 12:40

Jonas oĩ haguéicha mbohapy ára ha mbohapy pyhare pukukue pe mymba ndetuicháva ryépe, péicha avei yvyarigua Ra’y opytáta mbohapy ára ha mbohapy pyhare pukukue yvy guýpe.

Lúcas 11:10

Upe ojeruréva ningo ohupity, ha upe ohekáva ojohu, ha upe ombotávape ojepe’ava’erã.

Lúcas 22:44

Hesu okyhyjeve ohóvo, oñembo’e hatãve, ha hy’ái tuguýicha otyky yvýre.

Apostolkuéra 2:27

Nderehejamo’ãigui che ánga aña retãme, ha Nde nderehejamo’ãi avei pe Heko Porãva retekue oñembyai hag̃ua.

hebreoyguakuerape 5:7

Ha’e oiko aja yvy ári ho’ópe, ojerure asy ha oñembo’e heta tesay reheve Ñanderuetépe, Ha’e oguenohẽ hag̃ua ichupe ijehasa asýgui (ijekyhyje vaígui), ha Ñanderuete ohendu Hesúpe, (Lúcas 22,40-43).

1 Samuel 1:16

Ani rereko ne rembiguáipe peteĩ kuña reko vaíva ramo; ambohasánte che jepy’apy ha che ñembyasy ko’ág̃a peve Ñanderuete renondépe.

1 Samuel 30:6

Ha David ojepy’apyeterei; hetãyguakuéra katu ojukase ichupe, oñembyasyetereígui ita’ýra ha itajyrakuéra rehe, David katu oñemombarete Ñanderuete, Ijaratee ndive.