Jonas 1:9

Ñanderuete Ñe’ẽ Porã 2015

Ha ha’e he’i ichupekuéra: Che ningo hebréo (Israelgua), ha ambotuicha Yvagakuéra Járape, yguasu ha yvy apoharépe.

Referencias Cruzadas

Genesis 1:10

Ha Ñanderuete ombohéra pe mba’e ikãvape yvy, ha pe y Ha’e ombyatyva’ekue ombohéra yguasu. Ha Ñanderuete ohecha hembiapo iporãha.

Genesis 14:13

Ha ou peteĩva umi okañyva’ekue apytégui, omombe’upa hag̃ua Abrámpe, hebréova. Upejave ha’e oikohína Mámre, pe Amorgua encinatýpe, péva hína Escol ha Aner ryvy; oiko hikuái Abram ndive peteĩ ñe’ẽme.

Genesis 24:7

Ñanderuete, yvagakuéra Jára, cheguenohẽva’ekue che ru rógagui ha che rogayguakuéra retãgui, ha oñe’ẽva’ekue chéve he’ívo: Ne ñemoñarenguérape ame’ẽta ko yvy kóva; Ha’e omondóta peteĩ yvága rembiguái ne renonderãme nde regueru hag̃ua upégui che ra’y rembirekorã.

Genesis 39:14

ohenói hembiguaikuérape, ha he’i ichupekuéra: Pema’ẽ porãke che ména ogueru ñandéve peteĩ hebreoygua oñembohory hag̃ua ñanderehe; okesemo’ã chendive ha che añemoĩ hese asapukái hatãvo,

2 Réyes 17:25

Ha iñepyrũmbýpe ha’ekuéra nomomba’eguasúi Ñanderuetépe, upévare Ha’e ombou leõnguéra ojuka hag̃ua ichupekuéra.

2 Réyes 17:28

Ha ou peteĩ pa’i ojererahava’ekue jepokuapýpe Samáriagui ha oiko Bet-élpe, ha ombo’e ichupekuéra mba’éichapa omomba’eguasuva’erã Ñanderuetépe.

Ésdras 1:2

Péicha he’i Círo, Pérsia retã ruvicha: Jahve, yvagakuéra Jára, ome’ẽmbákuri chéve tetãnguéra yvy ape árigua, ha Ha’e he’iuka chéve amopu’ã hag̃ua ichupe hogaguasu Jerusalénpe, opytáva Juda retãme.

Ésdras 5:11

Ha he’íkuri hikuái oréve péicha: Ore ningo Ñanderuete yvy ha yvagakuéra Jára rembiguái, ha romyatyrõroína ore Jára rogaguasu ymaitereíma peteĩ Israel retã ruvichaguasuete omopu’ãva’ekue.

Nehemías 1:4

Ahendúvo ko’ã mba’e aguapy ha cherasẽ, ha mbovymi arakuéra ahasa mba’embyasypópe, ahasa akaru’ỹre ha añembo’e Ñanderuete yvága peguápe,

Nehemías 2:4

Ha tetã ruvicha oporandu chéve: Mba’épa rejerure. Upéramo añembo’e yvága Járape,

Nehemías 9:6

Nde añoite ningo ore Ruete, Nde rejapova’ekue yvagakuéra, ha pe yvága ijyvatevéva opaite imba’eita hyepy pegua reheve; yvy ha opaite mba’e ipy peguáva guive, umi yguasu ha opaite mba’e ipype oĩva guive ha Nde remoingovereína opaite ko’ã mba’e, ha ángel aty yvagakuéra pegua omomba’eguasu joa nde réra.

Job 1:9

Ha Satana ombohovái Ñanderuetépe: Job piko okyhyje rei mba’e ndehegui.

Salmokuéra 136:26

Pemomba’eguasu Ñanderuetépe yvága pegua, ha imborayhu ndopamo’ãi araka’eve.

Éxodo 1:15

Ha pe Egípto retã ruvichaguasu oñe’ẽ umi kuña Israelgua omomembývape, peteĩ héra Sífra, ha ambue Púa, ha he’i ichupekuéra:

Éxodo 2:13

Ambue ko’ẽme osẽ jevy ha ohecha mokõi Israelguápe oñorãirõvahína; upéramo he’i pe oporonupãvape: Mba’érehepa reinupã nde rapichápe.

Daniel 2:44

Ko’ã tetã ruvicha árape Ñanderuete, Yvagakuéra Jára, omopu’ãva’erã peteĩ tetã guasutee noñehundimo’ãiva araka’eve, ha upe tetãguasutee ndo’amo’ãvéi ambue tetã poguýpe, hetã ruvichaguasurã ipu’akapa ha ohundipava’erã opaite tetãnguéra oĩva guive ko yvy apére, Ha’e katu oikóta opaite ára peve g̃uarã.

Oséas 3:5

Uperirémante Israelguakuéra ojevýta oheka hag̃ua Ituvateépe, Ijárape ha David, imburuvichaguasúpe, ha umi ára pahápe ha’ekuéra kyhyjepópe og̃uahẽ ha ohayhu jevýta Ijarateépe.

Apostolkuéra 14:15

Kuimba’ekuéra, mba’e piko pejapopeína. Ore ningo kuimba’e peẽichaguánte avei, ore romombe’únte peẽme pe salvacion rape pepoi hag̃ua pende jarakuéra ipu’aka’ỹvagui, pejevy hag̃ua yvága Jára Añeteguáva ha Oikovéva, Ñanderuete rendápe; Ha’e ningo ojapo pe yvága ha yvy, yguasu ha opaite mba’e oñemomýiva guive ipype, (Éxodo 20,11).

Apostolkuéra 27:23

Ko pyharépe Ñanderuete, che aservívape, ombou che rendápe hi’ángel ko ñe’ẽ kóva reheve:

Filipoyguakuérape 3:5

Oñekytĩ’o che pire’i anace rire pe ára 8-hápe, che, Israel ñemoñare peteĩva, Benjamin tríbugui; che, hebreoteéva ha hebreokuéra ra’y, Israel rembiapoukapýpe g̃uarã che peteĩ fariséo,

Apocalípsis 11:13

Ha upejave oiko yvyryryiguasu, ha pe óga atyguasu apytégui cáda óga 10-ha ho’a ha 7.000 hetãygua omano, ambuekuéra ohecháva guive umi mba’e oñemondyiete, ha omomba’eguasu Ñanderuete yvága peguápe.

Apocalípsis 15:4

Máva piko ndokyhyjemo’ãi ndehegui ha nanemomba’eguasumo’ãi. Nde añómante ningo nde reko porãite, upévare opaite tetãnguéra oúta nemomba’eguasu hag̃ua ojehechauka haguére Nde rembojovake porã ha hekoitépe.

Apocalípsis 16:11

ijai vaiete hasyetereígui ichupekuéra, noñembyasýi katu oiko vai haguére ha ndopoíri hembiapo vaígui oñe’ẽvai uvei Ñanderuete rehe.