Jonas 1:4

Ñanderuete Ñe’ẽ Porã 2015

Ñanderuete katu omopu’ã peteĩ yvytu ratã yguasu apére, ha oñemondyiete hikuái, pe y ipochyete oipehe’ãmba hag̃uáicha pe barcoguasu (ygaguasu).

Referencias Cruzadas

Salmokuéra 135:6

Opaite mba’e Ñanderuete ojaposéva guive, ojapo avei yvágape ha yvýpe, ha umi yguasu ha opaite hugua ipypukuetévape jepe.

Salmokuéra 135:7

Omopu’ã tatatĩna yvy apýragui, ojapo pe aratiri oky jave, oguenohẽ yvytukuéra iñeñongatuhágui.

Salmokuéra 148:8

Pe aratiri ha pe amandáu, pe amarayvi rypy’a ha pe tatatĩna, pe yvytu jepokáva ojapopa voi Ha’e oipotáva guive,

Éxodo 10:13

Ha Moises oipyso ijyvyra po’i Egípto retã rehe, ha Ñanderuete ombou pe yvytu kuarahyresẽguio pe ára ha pe pyhare pukukue; ha ko’ẽmbávo pe yvytu kuarahyresẽguio oúva ogueru tuku hetaitereirasa upe tetãpýpe.

Éxodo 10:19

Upéramo Ñanderuete ogueru peteĩ yvytu’atã kuarahyreikéguio ha oipe’a umi tuku ha oitypa Yguasu Pytãme; ha ndopytavéi ni peteĩ tuku jepe opaite Egípto retãpy rehe.

Éxodo 14:21

Ha Moises oipyso ipo yguasu ári ha Ñanderuete omopa’ũ pe y ojuehegui yvytu’atã rupi, oipejúva pe pyhare pukukue aja kuarahyresẽguio ha omboja’óva pe yguasu imbyte rupi, ikã meve pe yvy.

Éxodo 15:10

Reipejúvo nde yvytu rupi pe yguasu oñu’ã ichupekuéra; itáicha ho’yguy hikuái y pochýpe.

Jeremías 51:16

Ha’e osunu jave yeta hyapu ára rehe, ha yvy apýra pahágui omopu’ã araikuéra; Ha’e voi ojapo umi aravera ama reheve, Ha’e oguenohẽ pe yvytu iñongatuhágui.

Amos 4:13

ha peikuaa porãke: Cérro ha yvytu apohare ndive rejejohutaha, ha Ha’e oikuaa porã mba’épa hetãyguakuéra ojepy’amongeta ipy’apy ruguaitépe, Ha’e ningo pyhare ha ko’ẽ apohare ha oguatáva cérro ru’ãme, Ha’e voi tapia g̃uarã oikóva ha héra Yvaga Atykuéra Jára.

Números 11:31

Ha Ñanderuete ombou peteĩ yvytu ogueru hag̃ua ynambutĩtĩ yguasúguio, ha umía ho’a hekoha jerekuévo, ojeguata pukukue peteĩ ára kuarahyresẽ gotýo, ha peteĩ ára yvate gotýo, haimete mokõi jyva (90 centímetro) ijatypa ojo’ári.