Jonas 1:3

Ñanderuete Ñe’ẽ Porã 2015

Jonas opu’ã ha oho rãngue Nínive gotýo oho Társis (Espáña) gotýo, okañy hag̃uáicha Ñanderuetégui, upévare oguejy oho Jópepe, ha ojohu peteĩ barcoguasu osẽmbotáva oho hag̃ua Tarsis gotýo, ome’ẽ ipasáje repyrã ha ojupi oho hag̃ua Tarsíspe, oñemomombyry hag̃ua Ñanderuete rembiapógui.

Referencias Cruzadas

Genesis 3:8

Ha ohendúvo hikuái Ñanderuete, pe Jaraitéva ñe’ẽ, oguatavahína pe yvaty rupi, pe ára ipiro’yve jave; Adan ha hembireko okañy Ñanderuete resa renondégui ka’aguype.

Genesis 4:16

Ha Cain osẽ Ñanderuete renondégui, ha oiko Nod retãme, Edéngui kuarahyresẽ gotýo.

1 Réyes 19:3

Elías katu ohechávo pe jehasa asyrã, pe pelígro, opu’ã ha oho osalva hag̃ua hekove, ha ou Beersébape, oĩva Juda retãme, ha upépe oheja hembiguáipe.

1 Réyes 19:9

Ha upépe oike peteĩ itakuaguasúpe, ha upépe ohasa pe pyhare. Ha Ñanderuete oñe’ẽ hendive, he’ívo: Elías mba’éiko rejapo ko’ápe.

2 Crónicas 2:15

Ko’ág̃a, nde, che jára, egueruka ne rembiguaikuérape pe trígo, cebáda, acéite ha víno reheve, ere haguéicha;

2 Crónicas 2:16

ha ore roikytĩta Líbanope umi yvyra reikotevẽva guive, ha roguerahaukáta ndéve ygapépe (bálsape) yguasu rupi Jope peve ha nde reguerahaukáta upégui Jerusalénpe.

2 Crónicas 9:21

Tetã ruvicha barcoguasu aty oho Tarsíspe Hiram rembiguaikuéra ndive, ha ojevy jepi mbohapy áño rire, ha ogueru óro, pláta, elefánte rãingue, ka’i ha jaku jeguakuéra (pávo real).

Ésdras 3:7

Ha ome’ẽ hikuái pirapire umi óga mopu’ãhárape ha umi carpinterokuérape. Ha umi Sidon ha Tiroyguakuérape g̃uarã oñeme’ẽ avei tembi’u, víno ha acéite ogueru hag̃ua cédro Líbano guive, yguasu rupi, Jópe peve, Pérsia retã ruvicha, Círo he’i haguéicha, peichaite ojejapopa avei.

Job 1:12

Ha Ñanderuete he’i Satanáme: Péina ápe, opaite mba’e ha’e oguerekóva guive oĩmbaite nde pópe; hekovére katu ani repoko. Ha Satana osẽ Ñanderuete renondégui.

Job 2:7

Upéramo Satana osẽ Ñanderuete renondégui ha ombohasy Jóbpe ai vaietereígui, ipy mbyte guive iñakã mbyte peve.

Salmokuéra 107:23

Umi ohóva barcoguasúpe oñemu hag̃ua umi yguasuete rembe’y rupi,

Isaías 2:16

mayma barcoguasu Tarsis pegua ha mayma jeguaka porã hepýva rehe.

Isaías 23:1

Marandu Tíro rehe. Peẽ pemba’apóva Tarsis pegua barcoguasúpe pejahe’o soróke pende táva rogakuéra oñehundipáma. Ko profecía ha’ekuéra ohendu Chíprepe.

Isaías 23:10

Peẽ, Tarsis pegua, pehasa pene retã rupi pe ysyryguasu osyry háicha, ndaiporivéima pendejokokuaáva.

Isaías 23:6

Tapeho Tarsíspe ha pene rasẽ pukúke, peẽ peikóva yguasu rembe’y rupi.

Isaías 60:9

Añetehápe umi y rembe’y pegua retãnguéra chera’ãrõhína, ha umi barcoguasu Tarsis pegua raẽ ogueru jevýta mombyry guive nde ra’ykuérape, hi’óro ha ipláta reheve, nde Jára, Israel Járape g̃uarã, Ha’e omopu’ã jevy haguére hetãyguakuérape.

Jeremías 10:9

Ogueru hikuái óro morotĩ ñemopererĩmbyre Társisgui ha pe óro, umi ikatupyrýva ombohykúva, oñu’ã hag̃ua ijára gua’u ra’ãngápe ha upéi omonde ao hovy ha pytãvape.

Ezequiel 2:8

Ha nde katu, kuimba’e ra’y, ehendúke Che ha’étava ndéve; anítei nde reñemoĩ avei cherehe, ha’ekuéra ojapo háicha, ejejurupe’a uvei ha he’u ko mba’e Che ame’ẽtava ndéve ko’ág̃a.

Ezequiel 27:12

Tarsis pegua oñemu nendive hetaiterei mba’erepy ha ne mba’erepy rekovia ome’ẽ pláta (óro morotĩ), hiérro, estáño ha plómo.

Ezequiel 3:14

Ha pe Pytu Porãmbáva chemopu’ã ha chereraha; ha aha chepy’a ñembyasypópe, ha che ajepy’apy jave che angapýpe, Ñanderuete po katu oĩ hatã cheári.

Jonas 1:10

Ha umi kuimba’e kyhyjepópe he’i ichupe: Ma’erã piko rejapóra’e ko’ã mba’e. Ha’ekuéra oikuaapáma okañy hague Ñanderuetégui, ha’e voi omombe’úgui ichupekuéra.

Jonas 4:2

Ha oñembo’e Ñanderuetépe ha he’i: Nde, che Ruete, péva voi che ha’eva’ekue, aimérõ gueteri che retãme. Pévagui voi pya’e pya’e akañyse Tarsíspe, che ningo aikuaa porã voi, Nde, che Ruete, reiporiahuvereko ha ndepy’a porãha, hasyha ndepochy hag̃ua ha Nde reporohayhuseveha rehavira rãngue.

Lúcas 9:62

Ha Hesu ombohovái ichupe: Peteĩ kuimba’e ojapyhy ramo pe arádo (ojo’o hag̃ua ikokue yvy), ha oma’ẽ ramo hapykue gotýo, ndaijái ichupe (ndaikatupyrýi) oike hag̃ua Ñanderuete retãguasúpe.

Apostolkuéra 15:38

Páblo katu ndoguerahaséi ichupe, Márcos ojei haguére ijapyteguikuéra Panfília guive, pe ambue viájepe, nomba’aposevéigui pe tembiapo oñepyrũva’ekuépe.

Apostolkuéra 26:19

Upévare, che ruvicha Agrípa, cheñe’ẽrendu Hesu Crístope, pe ojehechaukava’ekue chéve.

Apostolkuéra 9:36

Ha Jópepe oiko peteĩ kuñakarai ojerovia porãva Hesu Crísto rehe, hérava Tabíta, he’ise guasu, kóva henyhẽ tembiapo porãgui ha oipytyvõ porã mboriahukuérape, ipirapire rupi.

Apostolkuéra 9:38

Lída hi’ag̃ui Jópegui, ha Hesu Crísto reheguáva oikuaávo Pédro oĩha Jópepe, omondo ipiári mokõi kuimba’épe ha ojerure asy ichupe he’ívo: Aníkena nde’are reju hag̃ua ore rendápe.

Apostolkuéra 9:42

Jópe ha opa ijerekuévo ojekuaa ko mba’e kóva, ha upévare heta ojerovia Hesu Crístore.

Apostolkuéra 9:43

Ha Pédro opyta heta ára Jópepe, Simon peteĩ tymba pire myatyrõhára rógape.

1 Corintoyguakuérape 9:16

Che amyasãi ramojepe ndaguerekói mba’érehepa che ajererovu hag̃ua, péva ajapova’erã voínte. Angái che, che namyasãivéi ramo.

2 Tesalonicayguakuérape 1:9

ha’ekuéra ojehaviráta (ojecastigáta) ñehundi tapia g̃uarã rupi ha oñemomombyrýta Ñanderuete rovágui, heko jajaipa ha ipu’akágui.

Josué 19:46

Mejarcon ha Racon, ha opaite yvy opytáva Jope rovái.