Jonas 1:2

Ñanderuete Ñe’ẽ Porã 2015

Epu’ã ha tereho Nínivepe, pe tavaguasuetépe, ha ere ichupekuéra: Og̃uahẽmaha che renondépe heko ky’a vai ha iñañangue.

Referencias Cruzadas

Genesis 10:11

Ko tetãgui ha’e osẽ oho hag̃ua Asíria gotýo, ha omopu’ã Nínive, Rehobot, Cala,

2 Réyes 19:36

Upémaramo Senaquerib, Asíria retã ruvicha, ojevy ha oho Nínivepe, ha upépe opyta.

2 Crónicas 28:9

Upéramo oiko Samáriape peteĩ Ñanderuete proféta, hérava Obed. Ha’e osẽ oñe’ẽ hag̃ua pe soldádo aty ojevýva Samáriape, ha he’i ichupekuéra: Péina ápe, Ñanderuete, pende rukuéra Jára, ipochýgui Juda rehe omoĩ ichupekuéra pende pópe; ha peẽ pejuka jaheipópe ichupekuéra ha isapukái asy og̃uahẽma yvágape.

Ésdras 9:6

Ha ha’e: Che Jára, che py’a tarova ha atĩeterei amopu’ã hag̃ua Che Jára renondépe ko che rova, ko’ã ore rembiapo vaiete oñemboheta hetavégui ore akã ári, ha ore rembiapo vaikue (angaipa) okakuaáma yvága peve.

Isaías 37:37

Upémaramo Senaquerib, pe Asíria retã ruvicha, ojevy ha opyta Nínivepe.

Isaías 58:1

Esapukái hatãke nde ahy’o ome’ẽ háicha, ani rekirirĩtei; turúicha hatã esapukái, ha emombe’u che retã reko ñaña ha Jacóbo róga angaipa.

Jeremías 20:9

upévare ha’éma: Nachemandu’avéima nderehe ni nañe’ẽvéima nde rérape; ha upéicharamo jepe, ha’eténte oĩva che py’apýpe peteĩ tata rendýicha che kanguekuápe; añeha’ãmba aguerokirirĩ hag̃ua ha ndaikatúi.

Ezequiel 2:7

Ha eréta ichupekuéra che ñe’ẽ tohendu térã tohendu’ỹ hikuái; ha’ekuéra ningo naiñe’ẽrenduséi ha oñemoĩva voi hikuái cherehe.

Oséas 7:2

Ha’ekuéra he’i ipy’apýpe Ñanderuete naimandu’amo’ãi ore rembiapo vaikuére, ko’ág̃a katu hembiapo vaikuéra omongoráma ichupekuéra, che resa renondépe oĩmbáma.

Jonas 3:2

Epu’ã ha tereho Nínivepe, pe tavaguasuetépe, ha emombe’u ipype che ñe’ẽ Che ha’étava ndéve.

Jonas 3:3

Ha Jonas opu’ã ha oho Nínivepe Ñanderuete oipota háicha. Nínive peteĩ táva tuichaitereíva, peteĩ kuimba’e oikotevẽ mbohapy ára ohasa hag̃ua imbyte rupi.

Jonas 4:11

Ha Chépa ndaiporiahuverekoichéne Nínivepe, pe tavaguasuete oĩháme hetave 120.000 kuimba’e ha kuñakuéra ndaikatúiva ombojuavy ivaíva iporãvagui, akatúa térã asúpe, ha tymba hetaiterei ningo oiko avei ipype.

Miquéas 3:8

Che katu, cherenyhẽ Ñanderuete Pytu Porãitéva ha ipu’akágui, amombe’u hag̃ua justícia ha pu’aka, ha ahechauka hag̃ua Jacóbo ñemoñarenguéra reko iñañaha, ha Israelguakuéra rembiapo ivaiteha.

Nahum 1:1

Ko’ã ñe’ẽ Ñanderuete he’iuka Nínive rehe. Ha’e ojehechauka payetépe (visiónpe) Nahum, peteĩ Elcosguápe.

Nahum 3:19

Rejekutu haguépe naipohãi, ndokueramo’ãvéi, ohendúva guive nde rehasa asyha, vy’apópe ojepopete joava’erã nderehe, oñandupáma haguére ne aña reko.

Matéo 10:18

Ha pendegueraháta tetã sãmbyhyharakuéra ha tetã ruvichakuéra renondépe, tembiechauka ramo ichupekuéra ha tetã ambueyguakuérape g̃uarã avei.

Matéo 12:41

Niniveyguakuéra oñemoĩva’erã mbojovakeha árape ko’ã ñemoñare ko’ãva rehe ha ocondenáta ichupekuéra, ha’ekuéra oñembyasýgui hi’angaipakuéragui Jonas ñe’ẽ rupi. Ha péina ápe oĩ mba’eguasuvéva Jonásgui (Hesu Crísto voi).

Tiágo 5:4

Peikuaa porãke, peẽ pembohavira ha peipe’a reíva pende koga’a mono’õhára rembiapo repy, ijahe’o katu osapukái hatã yvága atykuéra Jára apysápe.

Apocalípsis 18:5

Hi’angaipakuéra oñembyatýma (cérroicha) yvága peve, ha Ñanderuete imandu’a hembiapo vai rehe.