Joel 3:9

Ñanderuete Ñe’ẽ Porã 2015

Peikuaauka ko’ã mba’e tetãnguéra apytépe, peñembosako’i peñorãirõ hag̃ua, pemombáy umi ipy’aguasúvape, toñemboja joaite hikuái, toupaite umi kuimba’e ikatupyrýva ñorãirõme.

Referencias Cruzadas

Salmokuéra 96:10

Peikuaauka tetãnguéra apytépe Ñanderuete oisãmbyhyha. Ha’e omohenda porã ko yvy ipyrenda ári ani hag̃ua oku’e. Ha’e ombojovake tetãnguérape ijustícia hekoitépe.

Isaías 34:1

Tetãnguéra peñemoag̃ui joa, peñembyaty joa pehendu porã hag̃ua; peẽ tetãygua pejapysaka porãke. Pe yvy tuichakue ha oimeraẽ oĩva guive ipype, tohendu mba’e heñóiva guive ipype.

Jeremías 31:10

Pehendúke pende Ruete ñe’ẽ, peẽ ambue tetãnguéra, peikuaauka hag̃ua mombyryetegua y rembe’y rupi oikóvape, ha peje: Israélpe amosarambiva’ekue, ko’ág̃a katu ambyatypa jevýta ha añangarekóta hesekuéra, ku ovecha rerekuáicha oñangarekóva ijovecha aty rehe.

Jeremías 50:2

Pemyasãi ha peikuaauka ko ñe’ẽ tetãnguéra apytépe ha pemopu’ã avei poyviveve, ha ani peñomítei mba’eve; pemyasãi Babilónia oñembopoguýma, ijára Bel ipy’atarova, ha ijára Merodac ipy’amano; ijára gua’u ra’ãnga opyta toryja ramo ha oñehundi.

Jeremías 51:11

Pehãimbe’e pende hu’ykuéra, ha pemyenyhẽ pende hu’y ryru, Ñanderuete omombáygui Média retã ruvichakuéra pytu ohundi hag̃ua Babilóniape hembiapo vaikue rehe ha ombyai haguére Ñanderuete rogaguasu Jerusalénpe.

Jeremías 51:27

Pemopu’ã poyviveve tetã ryepýpe, pembopu turu tetãnguéra pa’ũme; tetãnguéra peñembosako’i peñemoĩ hag̃ua Babilónia rehe, pembyaty hese umi tetã Ararat, Mini ha Askenaz pegua; ha pemoĩ hi’arikuéra mburuvichakuéra, ha pemondo hendápe kavaju arigua tuku atyguasúicha.

Jeremías 6:4

Peñembosako’íke peñorãirõ hag̃ua Jerusalen ndive; pepu’ã joáke ha jajeity hi’arikuéra asaje mbytépe. Angái, angái ñandehegui, ka’aruetéma ha kuarahy oike jepéma.

Ezequiel 38:17

Péicha he’i Ñanderuete: Nanderehéipara’e Che añe’ẽva’ekue umi ára ohasamava’ekuépe, che rembiguaikuéra, che proféta Israel peguárupi, ha’ekuéra oporomomaranduva’ekue Che roguerutaha hi’arikuéra.

Ezequiel 38:7

Eñembosako’i ha eñangarekóke, nde ha opaite atyguasu nendive oĩva guive ha nde reisãmbyhýtava rehe.

Miquéas 3:5

Péicha Ñanderuete he’i umi proféta (gua’u) rehe, ombotavýva che retãyguakuérape: Ha’ekuéra omoherakuã mba’eporã umi omongaru porãvape proféta gua’ukuérape, umi omongaruse’ỹvape ichupekuéra katu omoherakuã mba’evai.

Hagéo 2:7

ha Che amokyre’ỹta opaite tetãyguápe ogueru hag̃ua imba’erepy oñemyenyhẽ hag̃ua ko óga kóvape imimbietágui, he’i ángel atykuéra Jára.

Zacarías 14:2

Ha Che ambyatypáta tetãnguéra maymávape ojeity hag̃ua Jerusalen ári, ha pe táva ho’ava’erã ipoguýpe, hogakuéragui oñemondapava’erã, ha ikuñakuérape oñerãirõva’erã, ha pe tavaygua mbytere ohopava’erã jepokuapyhápe ha ambue tetã rembyre opytava’erã itavapýpe.

Zacarías 14:3

Upéramo Ñanderuete osẽta oñorãirõ hag̃ua umi tetãnguéra ndive, oñeñorãirõ háicha ñorãirõguasuha árape.