Joel 3:7

Ñanderuete Ñe’ẽ Porã 2015

Peikuaa porãke: Che voi agueru jevýta ichupekuéra opaite tetãgui peẽ peme’ẽ haguégui ha amyengoviáta pene rembiapo vaikue pene akã ári.

Referencias Cruzadas

Ester 7:10

Péicha omosãingo hikuái Amánpe ijejuvyhaendatee rehe, ha’e voi ombosako’iva’ekue Mardoquéope g̃uarã; ha uperire ae tetã ruvicha pochykue ojera.

Isaías 11:12

Ha Ñanderuete omopu’ãva’erã ipoyviveve umi tetãme, ha ombyatypava’erã umi Israelgua oñemosẽva’ekuépe ha ombyatypa jevyva’erã avei umi Judaygua oñemosarambiva’ekuépe umi irundyve yvy apýra guive.

Isaías 49:12

Pema’ẽ porãke, oĩ ningo umi og̃uahẽva táva mombyrýgui, oĩ umi oútava nórtegui ha kuarahyreikégui ha ambueve katu Sinim yvýgui (¿Chína retãgui?).

Isaías 66:6

Ñe’ẽ ayvu oñehendu porã pe távagui, pende Ruete rogaguasúgui ou yvága Jára ñe’ẽ, oñepyrũvo omyengovia hag̃ua umi hese ija’e’ỹva rembiapo vaikue.

Jeremías 23:8

oje’éta uvei: Ñanderuete pu’aka oguenohẽ ha ogueruva’ekue Israel ñemoñarenguérape tetã yvatégui, ha opaite umi tetã mamo oñemosarambi haguégui; oiko jevy hag̃ua hikuái ijyvyteépe.

Jeremías 30:10

Ha nde Jacóbo, che rembiguái, ani rekyhyjétei, he’i pende Ruete, ha nde Israel aníke rejepy’apyve, peikuaa porãke Che poguenohẽ jevytaha pe tetã mombyrýgui, peẽme ha pene ñemoñarenguérape, pe tetã peikohágui jepokuapýpe; ha Jacóbo ou jevyva’erã, opytu’u ha oikove hag̃ua py’aguapýpe ijyvyteépe ha ndokyhyjemo’ãvéima mba’evégui.

Jeremías 30:16

Ha opaite umi penemokõva oñemokõ jevýta; ha mayma umi oñemoĩva penderehe ohóta avei jepokuapýpe; umi opyrũva penderehe oñepyrũmba jevýta hesekuéra ha opaite omondava’ekue pene mba’ekuéra oñemondapa jevýta ichuguikuéra.

Jeremías 31:8

Pema’ẽ porãke, Che agueruka jevýta che retã yvatéguio ha ambyatypáta ichupekuéra umi yvy apýra paha guive, ha ijapytepekuéra oĩta umi hesatũva ha ikarẽva, kuña hyeguasúva ha imembyramóva; aty atyguasúpe oupa jevýta Israel retãme.

Jeremías 32:37

Peikuaa porãke, upéi Che voi ambyaty jevýta ichupekuéra opaite tetãgui amosarambi haguégui, che pochy ha che py’aro ogueraha haguépe, aguerukapa jevýta ko’ápe, ha ambosako’ipáta oiko jevy hag̃ua py’aguapýpe hetãteépe;

Ezequiel 36:24

Che pojapyhýta umi tetã apytégui, ha pombyatýta opaite tetãgui ha pogueru jevýta pene retãteépe.

Ezequiel 38:8

Heta arakuéra rire oje’éta ndéve ne rembiaporã; ha umi áño paha rupi nde rejúta peteĩ tetãme, Che aguenohẽ jevymava’ekue umi tetã apytégui, ha umi hembyva’ekue kyse puku ñemanógui ambyaty jevýma Israel cérro oñembotapereva’ekuépe; ko’ág̃a katu oiko py’aguapy pópe ijyvyteépe.

Joel 3:4

Ha avei peẽ, Tíro, Sidon ha Filistéa retã tuichakue, mba’épa pejapose. Pemyengoviase piko Che ajapova’ekue penderehe térã peẽ voi peñorãirõse chendive, peju pya’e Che aity jevy hag̃ua hepykue pene akã ári.

Zacarías 9:13

Che aiporúta Judápe che guyrapa ramo ha Efraínpe che hu’y ryru renyhẽ ramo, ha nde, Sion ra’ýgui ajapóta che kyse puku amopu’ãtava Greciayguakuéra rehe.

Matéo 7:2

peẽ peporombojovake háicha, peichaite peñembojovake jevýta, ha pe medída peẽ peiporúva ojeporu jevyva’erã penderehe.

2 Tesalonicayguakuérape 1:6

Ija ningo Ñanderuetépe, pe mbojovakehára heko peguáva, omyengovia hag̃ua pe jehasa asy umi penembohasa asyva’ekuépe.

Tiágo 2:13

Umi oporoporiahuvereko’ỹva oñembojovakéta avei jeporiahuvereko’ỹre; upévare upe oporoporiahuverekóva natekotevẽi okyhyje pe ñembojovake áragui, (1 Pédro 4,8).

Apocalípsis 13:10

Upe oporomoingéva cárcelpe, oikeva’erã avei cárcelpe, ha upe oporojukáva, ojejukava’erã avei. Upejave umi heko potĩva oikotevẽ paciéncia ha jerovia mbarete rehe.

Apocalípsis 16:6

Ha’ekuéra oñohẽ haguére tekove potĩva ha proféta ruguy, Nde avei re’uka ichupekuéra tuguy. Nde remyengovia hekópe hembiapo vaikuérakue.

Apocalípsis 19:2

Ha’émante ombojovake hekoitépe ha añetehápe. Ha’e voi ombojovakeva’ekue upe kuña reko vaípe, ombyaiva’ekue ko yvy heko ky’a rupi. Ñanderuete omyengovia hembiapo vai, ipo rupi oñohẽva’ekue Ñanderuete rembiguaikuéra ruguy.

Juéces 1:7

Upéramo Adoni-bezec he’i: 70 mburuvichaguasúgui aikytĩuka ikuã ha ipysãguasukuéra, ha upéi ombyaty hembi’urã, che pan ku’ikue ho’ava’ekue che mesa guýpe; che ajapo haguéicha, péicha Ñandejára omyengovia ko’ág̃a chéve. Ha ogueraha ichupe hikuái Jerusalénpe, ha upépe omano.

1 Samuel 15:33

Ha Samuel he’i: Nde kyse puku oheja haguéicha kuñakuérape imemby’ỹre, péicha avei nde sy opytáta imemby’ỹre kuñakuéra apytépe, ha upévo Samuel oikytĩ ha omopehẽnguepa Agágpe, Ñanderuete renondépe, Gilgálpe.