Joel 3:5

Ñanderuete Ñe’ẽ Porã 2015

Pegueraha haguére che pláta, che óro ha che mba’erepy iporãva pemoingepa hag̃ua pende tupãópe.

Referencias Cruzadas

2 Réyes 12:18

upévagui Joas, Juda retã ruvicha, ojapyhy opaite temime’ẽmby ituvakuéra Josafat, Joram ha Ocozías, Juda retã ruvichakuéra, ha avei umi ha’e voi ome’ẽmava’ekue, ha opaite óro oĩva guive Ñanderuete rogaguasúpe ha tetã ruvicha rógape, ha oguerahauka Síria retã ruvicha, Hazaélpe; upévagui ha’e oho jevy Jerusaléngui.

2 Réyes 16:8

Ha Acaz ojapyhy pe pláta ha pe óro oĩva Ñanderuete rogaguasu ha tetã ruvicha rógape, ha oguerahauka Asíria retã ruvichápe jopói ramo.

2 Réyes 24:13

Ha Nabucodonosor oguenohẽ opaite mba’erepyeta Ñanderuete rogaguasúgui ha tetã ruvicha rógagui, ha oipe’auka opaite óro oñu’ãva umi tembiporu ojeporúva Ñanderuete róga rembiapópe, Ñanderuete he’i haguéicha ha Salomón ojapoukava’ekue.

Isaías 11:11

Ha ojehuva’erã avei upe ára upévape, Ñanderuete omopu’ã jevýta ipo oguenohẽ jevy hag̃ua hetã rembyre Asíriagui, Egípto, Patros, Etiopía, Elam, Sinar, Hamat ha umi ísla yguasu peguágui.

Jeremías 23:7

Upévarehe peikuaa porãke outahína umi ára he’i pende Ruete ndoje’eveiva’erã: Ñanderuete pu’aka ogueruva’ekue Israel ñemoñarenguérape Egípto retãgui,

Jeremías 50:28

Oñehendúma ñe’ẽpu umi okañýva Babilónia retãgui ha og̃uahẽvo Siónpe omombe’u porã mba’éichapa Ñanderuete, Ñandejára, ohepyme’ẽ hembiapo vaikuére, ha’ekuéra ombyai haguére Ñanderuete rogaguasu Jerusalénpe.

Jeremías 51:11

Pehãimbe’e pende hu’ykuéra, ha pemyenyhẽ pende hu’y ryru, Ñanderuete omombáygui Média retã ruvichakuéra pytu ohundi hag̃ua Babilóniape hembiapo vaikue rehe ha ombyai haguére Ñanderuete rogaguasu Jerusalénpe.

Ezequiel 37:12

upévare, emomarandu, ha ere: Péicha he’i pende Ruete, peikuaa porãke, Che voi aipe’áta pende tyvy (sepultúra) ñembotyha, peẽ voi ningo che retã tee, ha Che pomopu’ãta pende tyvýgui pogueru jevy hag̃ua Israel retãme,

Daniel 11:38

Hendaguépe ha’e oñepyrũta omomba’eguasu pe táva oñemombaretéva jára, peteĩ jára ituvakuéra ndoikuaaiva’ekue. Ha’e omomba’eguasúta ijára pyahúpe, óro ha pláta, ita vera ha mba’erepy reheve.

Abdías 1:17

Ha Jerusalen cérrope katu oikóta Israel rembyre, Che aguenohẽta ijehasa asyguasúgui, ha pe yvy pende Ruete omboykeva’ekue hogaguasúpe g̃uarã ojeporu jevýta ha Jacóbo ñemoñare oñemomba’e jevýta ijyvytee rehe.