Joel 3:4

Ñanderuete Ñe’ẽ Porã 2015

Ha avei peẽ, Tíro, Sidon ha Filistéa retã tuichakue, mba’épa pejapose. Pemyengoviase piko Che ajapova’ekue penderehe térã peẽ voi peñorãirõse chendive, peju pya’e Che aity jevy hag̃ua hepykue pene akã ári.

Referencias Cruzadas

2 Crónicas 21:16

Upéramo Ñanderuete omombáy umi Filisteaygua, ha umi Arabiaygua, ha pochypópe ojeity hikuái Etiopiayguakuéra ndive Joram ári.

Isaías 14:29

Nde, Filisteaygua retã, ani nderory opẽ haguére ne mbyepotihára yvyra po’i; pe mbói rapógui osẽta ambue mbói ha péva omoheñóita tejujagua.

Isaías 34:8

Og̃uahẽma pe ára, Ñanderuete omyengovia hag̃ua pe mba’evai ojejapova’ekue Sion rehe.

Isaías 59:18

Ñanderuete omyengoviáta peteĩteĩme hembiapokue oiko haguéicha ha ohechaukáta ipochy hese ija’e’ỹvape ha ohaviráta umi oñemoĩvape hese, ha umi tetãme oikóva yguasu rembe’ýpe omyengoviapáta avei.

Jeremías 47:1

Ñanderuete oñe’ẽ Jeremíaspe umi Filisteaygua rehe, faraon ohundi mboyve Gázape.

Jeremías 47:4

Og̃uahẽmagui pe ára Filisteayguakuéra oñehundipa hag̃ua, hendive Tíro, Sidon ha mayma ipytyvõharakuéra hembýva guive; Ñanderuete ohundipáta Filisteayguakuérape, umi hembymiva’ekuépe Caftor íslagui.

Jeremías 51:6

Pekañy Babilónia retãgui, pesalva hag̃ua pende rekove, ani pemanótei avei hembiapo vaikue rupi, og̃uahẽmagui pe ára Ñanderuete ohepyme’ẽ hag̃ua hembiapo vaikue Babilóniape.

Joel 2:10

henondépe oryryipáta pe yvy, iñangekõita umi yvága, kuarahy ha jasy iñypytũmbáta, ha mbyjakuéra nahendymo’ãvéi.

Joel 2:2

Upe ára upévape iñypytũ ha hi’araipa, ikuarahy’ã ha hatatĩna iñasãi háicha pe ko’ẽjúvo cerrokuéra rehe, péicha oñemyasãita peteĩ tetã imbarete itereíva. Peichagua mba’e araka’eve ndaiporiva’ekue, ha ndaiporimo’ãvéima avei.

Matéo 11:21

Angái nde Corazin, angái nde Betsáida, Tíro ha Sidónpe ojejapo rire umi tembiapo techapyrãva, ojejapova’ekue pende apytépe, ymáma oñembyasyva’erãmo’ã oiko vai haguére, ao vosakuépe ha tanimbupápe oikova’erãmo’ã hikuái.

Matéo 11:22

Upévare Che ha’e peẽme pe mbojovakeha árape, pe jehavira peẽme g̃uarã ipohyivéta Tíro ha Sidon peguágui.

Lúcas 10:13

Angái nde Corazin, angái nde Betsáida. Tíro ha Sidónpe ojejapo rire umi milágro ojejapova’ekue pende apytépe, ymáma oñembyasyva’erãmo’ãha, ao vosakue reheve, oguapyva’erãmo’ã tanimbúpe ha opoiva’erãmo’ã hape vaígui.

Lúcas 10:14

Upévare ivevuiveva’erã pe castígo oñeme’ẽtava Tíro ha Sidónpe pendehegui pe ñembojovakeha árape.

Lúcas 18:7

Ha Ñanderuete piko nombojovakeichéne hembiporavo ha hese ija’e’ỹva pa’ũme, hembiporavo ojerure ramo ichupe ára ha pyharépe, ombojovake hag̃ua hekópe ipa’ũme, Ñanderuete hi’arénepa ombojovake hag̃ua.

Apostolkuéra 9:4

Ha Sáulo ho’ávo yvýre ohendu peteĩ ñe’ẽ he’íva ichupe: Sáulo, Sáulo mba’érehepa nde chepersegui.

Deuteronómio 32:35

Che ahepyme’ẽ (avenga) ha amyengovia tetãyguakuéra rembiapokue rehe; hi’araitépe ipysyrýiva’erã, hi’ag̃uíma ijepy’apy ára, ha umi mba’e oñembosako’íva ichupe g̃uarã og̃uahẽmbotáma.

2 Tesalonicayguakuérape 1:6

Ija ningo Ñanderuetépe, pe mbojovakehára heko peguáva, omyengovia hag̃ua pe jehasa asy umi penembohasa asyva’ekuépe.

Juéces 11:12

Ha Jefte omondo ñe’ẽrerahahára Amongua retã ruvicha rendápe, ha he’iuka ichupe: Mba’éiko nde rereko chendive, reju hag̃ua reñorãirõ che retãme.