Joel 3:2

Ñanderuete Ñe’ẽ Porã 2015

Ambyatýta opaite tetãme, ha aguerupáta ichupekuéra Josafat ñúme (vállepe), ha upépe ambojovakéta ichupekuéra, che retã Israel rehehápe, ha’ekuéra omosarambipa haguére ambue tetãnguéra apyte rupi, ha omboja’opa haguére che yvy, Israel retã,

Referencias Cruzadas

2 Crónicas 20:26

Ha pe ára irundyhápe oñembyaty hikuái Beraca cerrokuéra pa’ũme; upépe omomba’eguasu hikuái Ñanderuetépe, ha upévagui ombohéra hikuái pe yvy Beraca (ñemomba’eguasu) válle ko ára kóva peve.

Isaías 66:16

Pende Ruete voi ningo ombojovakéta hata rupi ha ikyse puku rupi mayma yvyariguakuérape, pende Ruete ojukáta hetaitereípe.

Isaías 66:18

Che ningo aikuaapa voi hembiapokuéra ha ipy’apýpe oĩva; og̃uahẽva’erã pe ára Che ambyatýtava opaite ñe’ẽ ha opaite tetã; ha oupa rire ohecháta hikuái che reko jajaipa.

Jeremías 12:14

Péicha he’i pende Ruete umi tetã iñañáva rehe oikóva Israel jerekuévo ha opokóva yvýre, Ha’e ome’ẽmava’ekue Israélpe: Peikuaa porãke, Che aipe’a jevýta ichupekuéra Israel yvýgui, ha ijapytégui aipe’áta avei Judayguakuérape.

Jeremías 25:31

Hyapukue og̃uahẽta yvy apýra peve, Ñanderuete ombojovakéta opaite tetãnguérape; Ha’e voi opaite yvyarigua mbojovakehára; umi iñañávape oitýta kyse puku rupi, he’i Ñanderuete.

Jeremías 49:1

Péicha he’i Ñanderuete Amon ra’ykuéra rehe: Israel piko ndaita’yravéi. Naiñemoñarevéi piko oiko hag̃ua ijyvýpe. Mba’érehe piko ijára gua’u Milcom oipe’a ha oguereko imba’éva ramo Gad yvy ha hetãyguakuéra ou oiko hag̃ua itavakuérape.

Jeremías 50:17

Israel ojogua ovecha aty okañývape ha peteĩ leõ omuñávape ichupe; Asíria retã ruvicha omokõ raẽ Israélpe ha ág̃a ipahápe Nabucodonosor, Babilónia retã ruvicha oñapi’ũ ikanguekuéra.

Ezequiel 25:8

Péicha he’i pende Ruete: Moab ha Seir he’i haguére: Juda retã oikóma avei ambue tetãnguéraicha;

Ezequiel 34:6

Okañymba che ovechakuéra cérro rupi ha umi cérro yke ijyvateha rupi; ha che ovechakuéra oñemosarambipa opaite yvy apére, ha ndaipóri avave ohekáva térã oñangarekóva hesekuéra,

Ezequiel 35:10

Peẽ peje haguére: Umi mokõi tetã ha umi mokõi tetã yvy tuichakue che mba’erã, ha añemomba’éta hesekuéra; Jahve oiko ramojepe upépe.

Ezequiel 36:1

Nde, kuimba’e ra’y, emomarandu umi Israel cerrokuérape, ha ere: Israel cerrokuéra, pehendu pende Ruete ñe’ẽ,

Ezequiel 36:5

umi mba’e umíva rupi, pende Ruete péicha he’i: Añetehápe añe’ẽ pochýpe ambue tetãnguéra rehe ha Edom rehe, ha’e ondyry Israel retã rehe, oipotágui che yvy imba’eteerã ramo, ipy’arory ha hi’ãnga ñembohorypópe omondapa ojohúva guive ha omosẽ Israelguakuérape ijyvýgui,

Ezequiel 38:22

Che ahaviráta ichupekuéra mba’asy iñasãiva ha kyse puku rupi; ha amongýta amandáu, tata ha azúfre hi’arikuéra, isoldádo aty ha heta ambue tetãyguakuéra ári,

Ezequiel 39:11

Umi ára umívape Che ame’ẽta Gógpe isepultúra rendag̃ua Israel retãme, upe ñu opytáva yguasu rembe’ýpe ha umi oguatáva upérupi ndikatuvéima oguata porã henyhẽgui te’õnguégui, oñeñotỹ haguére Gog ha ijaty ndetuichávape; ha ombohérata hikuái pe ñu Hamon-Gog, he’iséva Gog soldádo atyguasu válle.

Joel 3:12

Topáy umi tetã ha tou joa Josafat ñúme (vállepe), upépe Che aguapýta ambojovake hag̃ua opaite tetãnguérape oikóva guive Israel jerekuévo.

Joel 3:14

Heta tetã oñembyaty pe ñemono’õha ñúme, hi’ag̃uietéma Ñanderuete ára, pe ñemono’õha válle.

Amos 1:11

Péicha he’i pende Ruete: Mbohapy Edom angaipaguasu rupi, ha opoi rãngue hembiapo vaígui ojapove uvei pe irundyha, upévare Che naperdonamo’ãi ichupekuéra, omuña hikuái kyse puku reheve ipehẽngue Israelguakuérape ha ndoiporiahuverekosevéi ichupekuéra, ipochy rendy reheve omonda meme ichugui ha opaite ára ipy’aro hendivekuéra.

Miquéas 4:12

Ha’ekuéra ndoikuaaiete pende Ruete py’apýpe oĩva térã mba’épa Ha’e ojapótava, upévare Ha’e ombyaty ichupekuéra oñemono’õ háicha umi trígo háse.

Sofonías 3:8

Upévare, pende Ruete he’i: Peha’ãrõnte apu’ãha ára peve pombojovake hag̃ua, Che ningo ha’éma ambyatypataha tetãnguérape, ha tetã atyguasukuéra ári añohẽta che pochy, añohẽmbaitéta che pochy, ahundipáta ko yvy che ratápe.

Apocalípsis 11:18

Umi tetã ipochypa joa, ha og̃uahẽma avei ndepochyha ára ha oúma pe ára Nde rembojovake hag̃ua umi omanomava’ekuépe ha remyengovia hag̃ua ne rembiguaikuérape, Nde profetakuéra rembiapo ha umi heko potĩvape, taimichĩ térã taituicha, og̃uahẽmagui avei pe ára Nde rehundi hag̃ua umi ombyaívape ko yvy kóvape.

Apocalípsis 16:14

Ko’ãva ningo mba’epochy pytukuéra, ojapóva mba’e techapyrã ndetuicháva opaite tetã ruvichakuéra renondépe ombyatypa oñorãirõ hag̃ua Ñanderuete ndive, pe Ipu’akapáva árape.

Apocalípsis 16:16

Ha pe mymba ombyatýta tetã ruvichakuérape peteĩ hendápe oñembohérava Israelgua ñe’ẽme Armagedon.

Apocalípsis 16:6

Ha’ekuéra oñohẽ haguére tekove potĩva ha proféta ruguy, Nde avei re’uka ichupekuéra tuguy. Nde remyengovia hekópe hembiapo vaikuérakue.

Apocalípsis 20:8

Ha osẽta ombotavy jevy hag̃ua tetãnguérape oĩva guive yvy ape ári; ha Gog ha Magog ombyatýta isoldádo aty ndetuichaitéva, ku yvyku’i yguasu rembe’ypeguáicha, ñorãirõguasúpe g̃uarã.