Joel 3:13

Ñanderuete Ñe’ẽ Porã 2015

Peikytĩ kyse ty’ãime (fóicepe), hi’ajupámagui ñemitỹnguéra. Peju ha pemboguejy pe parral’a ojehykue’ohápe, henyhẽma ha oñehẽma umi mba’yrúgui, iñañaitereíguima hikuái.

Referencias Cruzadas

Genesis 13:13

Ha umi kuimba’e Sodomaygua iñañaiterei ha heko vai Ñanderuete renondépe.

Genesis 15:16

Ha ne ñemoñarenguéra ñemoñare irundyha (generacion irundyha) ou jevyva’erã ko’ápe; ko’ág̃a Amorguakuéra reko ñaña nahenyhẽi gueteri che renondépe.

Genesis 18:20

Upémaramo Ñanderuete he’i: Pe Sodóma ha Gomórra rerakuã vai heta hetavégui, ha hembiapo ivaietereiraságui,

Isaías 17:5

Ha oikóta ku ñemono’õhára ojapyhy ramoguáicha pe trígo háse oikytĩ hag̃ua ijespíga; ha ojoguáta avei ku Refaim cérro pa’ũme omono’õ aja pe trígo.

Isaías 63:3

Che apyrũ parral’a rehe ahykue’o hag̃ua, ha umi tetã apytégui ndaipóri avave chepytyvõva, Che ahykue’o pochýpe apyrũmba hesekuéra py’a vai reheve; ha tetãyguakuéra ruguykue ohypyipa che ao rehe ha chemongy’apa.

Jeremías 51:33

Péicha he’ígui Yvága Atykuéra Jára ha Israel Jára: Babilónia retã ha’eténte peteĩ ñemitỹngueha oñemopotĩ hag̃uáicha trígo ra’ỹi; og̃uahẽmbotaitégui imono’õha ára.

Lamentaciónes 1:15

Ñanderuete ojukapa umi soldádo ipy’aguasúvape ore apytépe ku parral rakã’a ojehykue’o háicha, Ñanderuete opyrũmba Juda rajýre, pe kuñataĩ pyahu rehe.

Oséas 6:11

Ha Júdape g̃uarã oñembosako’íma iñembojovakerã, ha’ekuéra ndegueraháta avei ñeñapytĩháme ambue tetãme.

Matéo 13:39

Satana, upe hese ija’e’ỹva ningo oñotỹva’ekue pe ñana vai; ha pe ñemono’õha ára katu he’ise pe ñembojovake oikova’erã ára pahápe; ha umi mono’õhára katu umi yvága rembiguaikuéra (angelkuéra).

Márcos 4:29

Ha hi’ajupámarõ, oñekytĩ, og̃uahẽ rehe ñekytĩha ára.

Deuteronómio 16:9

Peipapava’erã 7 semána, ha peñepyrũva’erã peipapa trígo ñemono’õ ára peteĩha guive kyse ty’ãi reheve.

Apocalípsis 14:14

Ama’ẽ ha ahecha peteĩ arai morotĩ, ha hi’ári oguapy peteĩ ojoguáva yvyarigua Ra’ýpe oguerekóva iñakãre peteĩ akã jeguaka oroguiguáva ha ipópe peteĩ kyse ty’ãi (foice’i, hoz) hãimbéva.

Apocalípsis 19:15

Ha ijurúgui osẽ peteĩ kyse puku hakua ha hãimbe jováiva oikutu hag̃ua tetãnguérape (oñemoĩva guive hese), Ha’e (Hesu Crísto) oisãmbyhýta ichupekuéra ivarílla hierroguiguápe. Ha’e voi opyrũ pochypópe pe parral’akuéra rehe Ñanderuete parral jehykue’ohápe, ha Ha’e ho’ukáta ichupekuéra Ñanderuete, pe Ipu’akapáva jehavira ipohyietéva rehegua víno.