Joel 3:12

Ñanderuete Ñe’ẽ Porã 2015

Topáy umi tetã ha tou joa Josafat ñúme (vállepe), upépe Che aguapýta ambojovake hag̃ua opaite tetãnguérape oikóva guive Israel jerekuévo.

Referencias Cruzadas

2 Crónicas 20:26

Ha pe ára irundyhápe oñembyaty hikuái Beraca cerrokuéra pa’ũme; upépe omomba’eguasu hikuái Ñanderuetépe, ha upévagui ombohéra hikuái pe yvy Beraca (ñemomba’eguasu) válle ko ára kóva peve.

Salmokuéra 7:6

Epu’ãmína, Nde, che Ruete, nde pochy reheve, ha eñemoĩ pochypópe umi chepy’apy asýva rehe, epaymína chepytyvõ hag̃ua remboúvo ne ñembojovake hekoite peguáva.

Salmokuéra 96:13

ore Ruete renondépe Ha’e oúrõ g̃uarã. Ha’e og̃uahẽ ramo ombojovakéta ko yvy. Ombojovakéta ijustícia rupi ko yvy ha tetãnguérape iñe’ẽ añetegua rupi.

Salmokuéra 98:9

Ñanderuete ombojovakéta ko yvy. Hekoitépe ombojovakéta ko yvy ha opaite yvyarigua oĩva guive ijapére.

Isaías 2:4

Jerusalen ombojovakéta ha ohaviráta heta tetãnguérape ha oiporavóta hetápe; ikyse pukúgui ojejapóta yvy mbovoha (arádo), ha ijyvyra puku akuágui kyse ty’ãi (fóice); tetãnguéra mopu’ãmo’ãvéi ikyse pukukuéra ojuehe, ha noñembokatupyrymo’ãvéi ñorãirõ rembiapópe.

Isaías 22:1

Marandu jehechauka válle rehegua. Mba’éiko ojehu peẽme, Jerusalengua, pejupi hague pende róga ape ári.

Isaías 3:13

Yvága atykuéra Jára opu’ã ombojovake hag̃ua, Ha’e oñembo’y omohenda porã hag̃ua tetãnguérape.

Ezequiel 30:3

Hi’ag̃uietéma upe ára, hi’ag̃uíma pende Ruete ára, ha upe ára Ha’e ohavirataha tetãnguérape, pévata peteĩ ára ijaraipáva.

Ezequiel 39:11

Umi ára umívape Che ame’ẽta Gógpe isepultúra rendag̃ua Israel retãme, upe ñu opytáva yguasu rembe’ýpe ha umi oguatáva upérupi ndikatuvéima oguata porã henyhẽgui te’õnguégui, oñeñotỹ haguére Gog ha ijaty ndetuichávape; ha ombohérata hikuái pe ñu Hamon-Gog, he’iséva Gog soldádo atyguasu válle.

Joel 3:14

Heta tetã oñembyaty pe ñemono’õha ñúme, hi’ag̃uietéma Ñanderuete ára, pe ñemono’õha válle.

Joel 3:2

Ambyatýta opaite tetãme, ha aguerupáta ichupekuéra Josafat ñúme (vállepe), ha upépe ambojovakéta ichupekuéra, che retã Israel rehehápe, ha’ekuéra omosarambipa haguére ambue tetãnguéra apyte rupi, ha omboja’opa haguére che yvy, Israel retã,

Miquéas 4:3

Ñanderuete voi ombojovakéta tetãnguérape ha Ha’e ohekombo’éta tetã guasúpe mombyry oikóvape; ikyse pukúgui ojapóta hi’aradorã ha hu’yguasúgui ojapóta ikyserã oikytĩ hag̃ua iparral rakã, ha ndaiporimo’ãvéima ñorãirõ ha avave nombo’emo’ãvéima hapichápe oiporu hag̃ua ñorãirõ rembiporukuéra, (oĩgui upépe py’aguapy).

Zacarías 14:4

Ha upe ára upévape omoĩta ipy Olívo cérro ári, oĩva Jerusalen renondépe kuarahyresẽ gotýo, ha pe Olívo cérro oñemboja’ova’erã mbyte rupi, kuarahyresẽ guio kuarahyreike gotýo, ha oikóta peteĩ cérro pa’ũ ndetuicháva, ha upe cérro mbytere oñemboykéta nórte gotýo, ha ambue imbytere omýita sur gotýo.

Apocalípsis 19:11

Upéi che, Juan, ahecha pe yvága ojepe’a ha péina ou peteĩ kavaju morotĩ ha pe oguapýva hi’ári oñembohéra Hekopetegua (fiel) ha Añeteguáva, Ha’e ningo oporombojovake hekoitépe ha oñorãirõhína.